Read William Morgan Bible 1588 original edition Galathiaid 1 Bible Online

Galathiaid 1 - William Morgan Bible 1588 original edition bible

Galathiaid 1

¹Paul yn ceryddu y Galatiad am gynnwys Apostolion gau. 13 Yn dangos y modd y troes efe at Dduw, ai ymwreddiad yn ei swydd. Paul Apostol, nid o ddynion, na thrwy ddŷn, eithr trwy Iesu Grist, a Duw Tâd, yr hwn a’i cyfododd ef o feirw

²A’r brodyr oll y rhai sy gyd â mi, at eglwysi Galatia,

³Grâs [fyddo] gyd â chwi, a heddwch gan Dduw Tâd, a’n Harglwydd Iesu Grist:

⁴Yr hwn a’i rhoddes ei hun dros ein pechodau er ein gwared oddi wrth y byd drwg presennol yn ôl ewyllys Duw a’n Tâd ni:

⁵I’r hwn y byddo gogoniant yn oes oesoedd. Amen.

⁶Rhyfedd yw gennif morr fuan (gan ymadel â Christ yr hwn a’ch galwase i râs) i’ch symmudwyd i Efengyl arall,

⁷Yr hon nid yw arall, eithr bod rhai yn eich blino chwi, ac yn ceisio dattroi Efengyl Grist.

⁸Eithr pa vn bynnac ai nyni, ai angel o’r nef a bregetho i chwi amgen nâ hyn a efengylasom i chwi, bydded anathema.

⁹Megis y dywedasom o’r blaen felly yr ydwyf yn dywedyd etto yr awron, os efengyla neb i chwi amgen na’r hyn a dderbynniasoch, bydded anathema.

¹⁰Yr awron ai annog [derbyn] dynion, ynte Duw yr wyfi? neu ai ceisio yr wyfi ryngu bodd dynion? canys os etto y rhyngwn fodd dynion, ni fyddwn wâs i Grist.

¹¹Weithian frodyr, yr wyf yn yspysu i chwi, am yr Efengyl a bregethais, nad dynol oedd hi.

¹²Canys nid gan ddŷn y derbyniais hi, nac i’m dyscwyd, eithr trwy ddadguddiad Iesu Grist.

¹³O herwydd chwi a glywsoch pa wedd yr ymddugym i gynt yn y ddeddf Iddewig, fel yr erlidiais i eglwys Dduw yn dra rhagorol, ac yr anrheithiais hi:

¹⁴Ac y llwyddais yn yr Iddewig ddeddf yn fwy nâ llawer o’m cyfoedion yn fyng-henedl fy hun, gan fod yn dwyn mwy zêl i draddodiadau fy nhadau.

¹⁵Ond er cynted ag y gwelodd Duw yn dda, yr hwn a’m dewisodd: o groth fy mam, ac a’m galwodd i drwy ei râs ef,

¹⁶I ddadguddio ei Fab ef trwof fi, fel y pregethwn ef ym mlhith y cenhedloedd, yn gyflym nid ymgynghorais â chig a gwaed:

¹⁷Ac nid aethym yn fy ôl i Ierusalem at y rhai oeddynt o’m blaen i yn Apostolion, ond mi a aethym i Arabia, ac a ddychwelais eil-waith i Ddamascus.

¹⁸Ac wedi tair blynedd y daethym yn fy ôl i Ierusalem i ymweled â Phetr, ac a arhôais gyd ag ef bymthec diwrnod.

¹⁹Ac ni welais yr vn arall o’r Apostolion, ond Iaco brawd yr Arglwydd.

²⁰Ac am y pethau yr wyf yn eu scrifennu attoch, wele, ger bron Duw, nid wyf yn dywedyd celwydd.

²¹Yna y deuthym i derfynau Syria, a Cilicia.

²²Canys ni’m adwaenid wrth [fy] wyneb yn eglwysi yr Iddewon, y rhai oeddynt yng-Hrist.

²³Ond yn vnic hwy a glywsent yr vn oedd gynt yn ein herlid, yr awron y mae yn pregethu y ffydd, yr hon y bu o’r blaen yn ei hanrheithio.

²⁴Ac a ogoneddasent Dduw o’m plegit i.