Read William Morgan Bible 1588 original edition Galathiaid 3 Bible Online

Galathiaid 3 - William Morgan Bible 1588 original edition bible

Galathiaid 3

¹Paul yn dangos drwy resymmau fod cyfiawnder enaid drwy ffydd. Oh y Galatiaid angall, pwy a’ch rheibiodd, fel nad vfuddhaech i’r gwirionedd, i ba rai y portreiadwyd Iesu Grist o flaen-eich llygaid, [ac] a’i croes-hoelwyd yn eich plith?

²Hyn yn vnic a ewyllysiaf ddyscu cennwch, ai wrth weithredoedd y ddeddf y derbyniasoch yr Yspryd, ynte trwy wrandawiad y ffydd?

³A ydych chwi mor angall, wedi dechreu yn yr Yspryd, a diweddu yr awron yn y cnawd?

⁴A ddioddefasoch chwi gymmaint yn ofer? (os yw ofer hefyd)

⁵Gan hynny, yr hwn sydd yn trefnu i chwf yr Yspryd, ac yn gwneuthur gwyrthiau yn eich plith, ai o weithredoedd y ddeddf [y mae efe,] ynte o wrandawiad ffydd?

⁶Megis y credodd Abraham i Dduw, ac y cyfrifwyd iddo yn gyfiawnder.

⁷Felly gwybyddwch mai y rhai sy o’r ffydd, y rhai hyn yw plant Abraham.

⁸Canys yr Scrythur yn gweled o’r blaen y cyfiawnhaue Duw y cenhedloedd drwy ffydd, a ddywedodd o’r blaen i Abraham [fel hyn,] ynot ti y bendithir y cenhedloedd oll.

⁹Ac felly, y rhai sy o’r ffydd a fendithir gyd ag Abraham ffyddlawn.

¹⁰Canys cynnifer bynnac sydd o weithredoedd y ddeddf, y maent dan y felldith, canys scrifennedic yw, melldigedic yw pob vn nid erys yn yr holl bethau a scrifennir yn llyfr y ddeddf, iw gwneuthur hwynt.

¹¹Ac eglur yw, na chyfiawnheuir neb trwy y ddeddf fyng-olwg Duw, canys y cyfiawn fydd byw trwy ffydd.

¹²A’r ddeddf nid yw o ffydd, *eithr y dŷn a wnêl y pethau hynny a fydd byw ynddynt.

¹³Ond Crist a’n prynodd rhag melldith y ddeddf, pan wnaed ef yn felldith trosom, canys y mae yn scrifennedic: melldigedic yw pob vn sydd yng-hrog ar bren:

¹⁴Fel y dele bendith Abraham i’r cenhedloedd trwy Grist Iesu, ac y derbynniem addewid yr Yspryd drwy ffydd.

¹⁵Y brodyr, dywedyd yr wyf ar wedd ddynol, cŷd na byddo ond ammod dŷn, wedi y cadarnhauir, ni ddirymma neb ef, ac ni ddyry [ddim] wrtho.

¹⁶[1] I Abraham y gwnaethbwyd yr addewidion, ac iw hâd ef: ni ddywedodd, ac ith hadau, megis am lawer, ond i’th hâd megis am vn yr hwn yw Crist.

¹⁷Hyn yr wyf yn ei ddyweddyd, am y ddeddf yr hon oedd bedwar-cant a deng-mhlynedd ar hugain wedi, na ddichon ddiddymmu yr ammod a siccrhause Duw o’r blaen o herwydd Crist, fel y dirymme yr addewid.

¹⁸Canys os o’r ddeddf [y mae] etifeddiaeth, nid yw haiach o’r addewid, ond Duw a’i rhoddes yn rhâd i Abraham drwy’r addewid.

¹⁹Beth gan hynny [yw’r] ddeddf? o blegit camweddau y doded hi, oni ddele yr hâd i’r hwn y gwnaethid yr addewid: ac hi a drefnwyd gan angelion drwy law cyfryng-wr.

²⁰Sef cyfryng-wr nid yw i vn, ond Duw sydd vn.

²¹Gan hynny a ydyw y ddeddf yn erbyn addewidion Duw? na atto Duw: canys pe rhoesid deddf a allase roddi bywyd, yn wir fe fuase cyfiawnder o’r ddeddf.

²²Eithr yr scrythur a gaeodd bob peth dan bechod, fel y rhoddid yr addewid trwy ffydd yn Iesu Grist i’r rhai a gredent.

²³Eithr cyn dyfod ffydd, ein cadwid yn rhwym dan y ddeddf, i’r ffydd yr hon oedd iw dadcuddio.

²⁴Y ddeddf wrth hynny oedd ein athro ni at Crist, fel ein cyflawnid drwy ffydd.

²⁵Eithr wedi dyfod ffydd, nid ydym ni mwy haiach tann athro.

²⁶Canys chwi oll ydych blant i Dduw drwy ffydd yn Iesu Grist.

²⁷O herwydd pa rai bynnac ydych a’r a fedyddiwyd yng-Hrist, chwi a wiscasoch Grist.

²⁸Nid oes nac Iddew na Groeg-wr, nid oes na chaeth na rhydd, nid oes na gwryw na benyw, canys vn ydych oll yng-Hrist Iesu.

²⁹Ac os eiddo Crist ydych, yna yr ydych yn hâd i Abraham, ac yn etifeddion i’r addewid.