Read William Morgan Bible 1588 original edition Galathiaid 4 Bible Online

Galathiaid 4 - William Morgan Bible 1588 original edition bible

Galathiaid 4

¹Cyscodion ac arwyddion yn terfynu pan ddaeth Crist, 9 cyngor i ymadel â hên goelion, 15 rhesymmu am anwadalwch y Galatiaid, 22 dammeg o’r wraig rydd a’r wraig gaeth. [2] Hyn yr wyf yn ei ddywedyd, tra fyddo yr etifedd yn fachgen nid oes gwahaniaeth rhyngddo a gwâs, er ei fod yn arglwydd pob dim:

²Eithr y mae efe tann ymgeledd-wŷr, a llywodraeth-wŷr hyd yr amser a osodes y tad.

³Ac felly ninnau, tra fuom fechgyn yr oeddym gaethion tann wyddorion y byd.

⁴Eithr wedi dyfod cyflawnder yr amser yr anfonodd Duw ei Fab wedi ei wneuthur o wraig, wedi ei wneuthur tann y ddeddf,

⁵Fel y galle brynn y rhai oeddynt tann y ddeddf, fel y caem dderbyn mabwriaeth.

⁶At o herwydd eich bod yn feibion, yr anfonodd Duw Yspryd ti Fab i’ch calonnau, gan lefain, Abba, y Tâd.

⁷Ac felly nid wyt mwy yn wâs ond yn fab, ac os mab, etifedd hefyd i Dduw trwy Grist.

⁸Ond tra fuoch heb adnabod Duw, y gwasanaethasoch y pethau nid ydynt dduwiau wrth naturiaeth.

⁹Ac yn awr a chwi yn adnabod Duw, îe yn hytrach yn gydnabyddus gan Dduw, pa wedd yr ydych yn troi eil-waith at lesc wyddorion tlodion, y rhai y mynnwch trachefn ymgaethiwo iddynt o newydd.

¹⁰Cadw yr ydych ddiwrnodau, a misoedd, ac amseroedd, a blynyddoedd.

¹¹Y mae arnaf ofn am danoch, rhag darfod i mi boeni wrthych yn ofer.

¹²Byddwch fel fy-fi, canys yr wyf fel chwi, y brodyr, attolwg i chwi: ni wnaethoch i mi ddim cam.

¹³A chwi a ŵyddoch mai trwy wendid y cnawd, yr efengylais i chwi y waith gyntaf.

¹⁴A’r profiad o honof yr hyn oedd yn fyng-hnawd ni ddirmygasoch, ac ni wrthodasoch: eithr chwi a’m derbyniasoch fel angel Duw, fel Crist Iesu.

¹⁵Beth (wrth hynny) yw eich dedwyddwch chwi? canys tystio yr wyt i chwi, pe buase bossibl y tynnasech eich llygaid, ac y rhoesech i mi.

¹⁶A aethym i gan hynny yn elyn i chwi wrth ddywedyd i chwi y gwîr?

¹⁷Y maent hwy ar gam yn eiddigus drosoch, hwy a fynnent ein caeu ni allan, fel y dygech serch iddynt hwy.

¹⁸Eithr peth da yw, dwyn serch yn oestadol mewn peth da, ac nid yn vnic pan fwyf ŵydd yng-wydd â chwi,

¹⁹Fy mhlant bychain y rhai yr wyf fi yn eu hail escor, hyd oni ffurfer Crist ynoch:

²⁰Ac mi a fynnwn pe bawn yn awr gyd â chwi, a newidio fy llais, o herwydd yr wyf yn ammau o honoch.

²¹Dywedwch imi y rhai a fynnwch fod dan y ddeddf, [3] oni chlywch y ddeddf?

²²Canys y mae yn scrifennedic fôd i Abraham ddau fab, vn o’r wasanaeth-wraig, ac vn o’r [wraig] rydd.

²³Eithr hwn oedd o’r wasanaeth-wraig a aned yn ôl y cnawd: a hwn oedd o’r wraig rydd [a aned] o herwydd yr addewid.

²⁴Y pethau hyn a arwyddocânt beth arall: sef y rhai hyn ynt y ddau destament: vn yn ddiau, hon yw Agar o fynydd Sina sydd yn cenhedlu i gaethiwed:

²⁵Canys Agar yw Sina mynydd yn Arabia, ac y mae yn cyfatteb i Ierusalem yr hon fydd yn awr, ac y mae yn gaeth hi a’i phlant.

²⁶Eithr Ierusalem honno vchod sydd rydd, hon yw ein mam ni oll.

²⁷Canys scrifennedic yw, llawenhâ di y ddieppil yr hon nid wyt yn planta: torr allan a llefa, yr hō nid wyt yn escor, canys i’r ddiwriog y mae llawer mwy o blant nag i’r hon y mae iddi ŵr.

²⁸Ninneu frodyr ydym yn blant yr addewid vn wedd ac Isaac.

²⁹Eithr megis y pryd hynny, hwn a aned yn ôl y cnawd a erlidie’r hwn [a aned] yn ôl yr Yspryd, felly y mae yr awrhon.

³⁰Ond pa beth a ddywed yr scrythur? Bwriwch allan y wasanaeth-wraig a’i mab, canys ni bydd mab y wasanaeth-wraig yn etifedd gyd â mab y wraig rydd.

³¹Felly frodyr, nid ydym ni blant i’r wasanaeth-wraig, ond i’r wraig rydd.