Read William Morgan Bible 1588 original edition Galathiaid 5 Bible Online

Galathiaid 5 - William Morgan Bible 1588 original edition bible

Galathiaid 5

¹Yng-hylch enwaediad. 13 Cariad perffaith. 19 Gweithredoedd y cnawd. 22 A gweithredoedd yr Yspryd. Sefwch yn y rhydd-did y rhyddhaodd Crist ni, ac na rwyder chwi eil-waith dann iau caethiwed.

²Wele, myfi Paul wyf yn dywedyd wrthych, os enwaedir chwi, ni les-hâ Crist ddim i chwi.

³Canys yr ydwyf yn tystio trachefn i bob dyn a’r a enwaedir, ei fod ef yn rhwymêdic i gadw yr holl ddeddf.

⁴Chwi a aethoch yn ofer oddi wrth Grist, pwy bynnac ydych yn ymgyfiawnhau yn y ddeddf a syrthiasoch oddi wrth y grâs.

⁵Canys nyni yn yr Yspryd drwy ffydd ydym yn disgwil gobaith cyfiawnder,

⁶O herwydd yng-Hrist Iesu ni fuddie enwaediad ddim, na dienwaediad, ond ffydd yn gweithio trwy gariad.

⁷Rhedasoch yn dda: pwy a’ch rhwystrodd, fel nad vfuddhaech i’r gwirionedd?

⁸Nid yw y cyngor hyn o’r neb sydd yn eich galw.

⁹Ychydig lefein a sura yr holl does.

¹⁰Y mae gennif obaith o honoch drwy yr Arglwydd, na fydd ynoch ddim meddwl amgen, eithr y neb sydd i’ch trallodi chwi, a ddwg farnedigaeth, pwy bynnac fyddo.

¹¹Os myfi (frodyr) sydd yn pregethu’r enwaediad, pa ham yr ydys etto i’m herlid? felly y tynnwyd ymmaith tramgwydd y groes.

¹²Och [Dduw] na thorrid ymmaith y rhai a’ch aflonyddant.

¹³Canys chwi a alwyd i rydd-did frodyr, yn vnic nac [arferwch eich] rhydd-dyd yn achlysur i’r cnawd, ond gwasanaethwch ei gilydd trwy gariad.

¹⁴Canys y ddeddf oll a gyflawnir yn yr vn gair hwn: Ceri dy gymmydog fel ti dy hun.

¹⁵Os cnoi a wnewch, a thraflyngcu ei gilydd, mogelwch rhag eich difa gan ei gilydd.

¹⁶[4] Hyn meddaf: rhodiwch yn yr Yspryd, ac na chyflawnwch a chwennycho y cnawd.

¹⁷Canys y mae y cnawd yn chwennych yn erbyn yr Yspryd, a’r Yspryd hefyd yn erbyn y cnawd, a’r rhai hyn a wrthwynebant ei gilydd, fel na alloch wneuthur beth bynnac a ewyllysioch.

¹⁸Os gan yr Yspryd i’ch arweinir, nid ydych tann y ddeddf.

¹⁹Hefyd amlwg yw gweithredoedd y cnawd, y rhai ynt, torri priodas, godineb, aflendid, digywilydd-dra,

²⁰Addoliad eulynnod, swyn-gyfaredd, casineb, llid, gelyniaeth, digofaint, ymrysonau, terfyscau, heresi,

²¹Cenfigennau, llofruddiaeth, meddwdod, cyfedach, a’r cyffelyb pethau hyn, y rhai yr wyfi yn rhacddywedyd wrthych fel y dywedais yn y blaen, y rhai a wnânt y fath bethau nad etifeddant deyrnas Dduw.

²²Eithr ffrwyth yr Yspryd yw cariad, llawenydd, tangneddyf, ymaros, cymmynascarwch, daioni, ffydd, mwynedd-dra, dirwest.

²³Yn erbyn y cyfryw, nid oes deddf.

²⁴Canys y rhai sydd eiddo Crist, a groeshoeliasant y cnawd, a’i ŵyniau, a’i chwantau.

²⁵Os byw yr ydym i’r Yspryd, rhodiwn hefyd yn yr Yspryd.

²⁶Nac awn yn wag orfoleddus gan ymannog ei gilydd, ac ymgenfigennu wrth ei gilydd.