Read William Morgan Bible 1588 original edition Galathiaid 6 Bible Online

Galathiaid 6 - William Morgan Bible 1588 original edition bible

Galathiaid 6

¹Cyngor i gyd-ddwyn â’i gilydd, i gydnabod o bob vn ei fai ei hun, ac i wneuthur daioni. 11 Ac addysc am yr enwaediad, ac am ddioddefaint Crist. Y brodyr, er dala dŷn ar ryw fai, chwychwi y rhai sy ysprydol cymhwyswch y cyfryw ddŷn ag yspryd mwyneidd-dra, gan ystyried rhag dy demtio dy hunan hefyd.

²Dygwch feichiau ei gilydd, ac felly cyflawnwch gyfraith Grist.

³O blegit os tybia neb ei fod yn rhyw beth, ac yntef heb fod yn ddim, y mae efe yn ei ddwyn ei hun i gam-feddwl.

⁴Eithr profed pob vn ei waith ei hun, ac yna y caiff orfoledd ynddo ei hun, ac nid mewn arall.

⁵Canys pawb a ddŵg ei faich ei hun.

⁶A’r neb a ddyscwyd yn y gair, cyfranned o’i dda oll, a’r hwn a’i dyscodd ef.

⁷Na thwyller chwi, ni watwarir Duw: canys pa beth bynnac a haua dŷn, hynny a fêd efe.

⁸Canys yr hwn a haua iw gnawd ei hun o’r cnawd y mêda lygredigaeth: eithr hwn a hauo i’r yspryd, o’r yspryd y mêd fywyd tragywyddol.

⁹Hefyd na ddiogwn yn gwneuthur daioni: canys yn ei iawn brŷd y medwn, oni ddeffygiwn.

¹⁰Am hynny tra fyddo i ni amser, gwnawn dda i bob dyn, ac yn enwedic i’r rhai sy o deulu y ffydd.

¹¹[5] Gwelwch cyhyd y llythr a scrifennias attoch â’m llaw fy hun.

¹²Cynnifer a ewyllysiant ymdeghau yn y cnawd, sydd yn eich cymmell i’ch enwaedu, yn vnic fel nad erlidier hwy oblegit croes Crist.

¹³Canys nid ydynt hwy eu hunain y rhai a enwaedir, yn cadw y ddeddf: ond hwy a ewyllysient eich enwaedu chwi, fel y gorfoleddent yn eich cnawd chwi.

¹⁴Na atto Duw i mi orfoleddu ond yng-hroes ein Harglwydd Iesu Grist, drwy yr hwn y croes-hoeliwyd y byd imi, a minne i’r byd.

¹⁵Canys ni thâl enwaediad ddim yng-Hrist Iesu, na dienwaediad, ond creadur newydd

¹⁶A phwy bynnac a rodiant ar ôl y rheol hon, tagneddyf arnynt a thrugaredd, ac at Israel Duw.

¹⁷O hyn allan na flined neb fi: canys dwyn yr wyf yn fyng-horph nodau’r Arglwydd Iesu.

¹⁸Y brodyr, grâs ein Harglwydd Iesu Grist gyd â’ch yspryd. Amen. Y llythr hwn a scrifennwyd at y Galatiaid o Rufain.