Read William Morgan Bible 1588 original edition Ephesiaid 1 Bible Online

Ephesiaid 1 - William Morgan Bible 1588 original edition bible

Ephesiaid 1

¹Paul yn annerch yr eglwys. 3 Yn bendithio Duw am ei râd yng-Hrist iesu, ac yn bennaf am weithredoedd ein iechydwriaeth. 15 Ac am eu ffydd hwy. 19 Gan ddangos godidogrwydd gallu Duw. Paul Apostol Iesu Grist, trwy ewyllys Duw, at y sainct y rhai sy yn Ephesus, a’r ffyddloniaid yng-Hrist Iesu,

²Grâs [fyddo] i chwi, a thangneddyf gan Dduw ein Tâd, a’r Arglwydd Iesu Grist.

³Bendigedic [fyddo] Duw, a Thâd ein Harglwydd Iesu Grist, yr hwn a’n bendithiodd mewn nefolion [bethau] yng-Hrist, â phob bendith ysprydol,

⁴Megis yr etholodd nyni ynddo ef, cyn seiliad y byd, fel y byddem yn sanctaidd, ac yn ddifeius ger ei fron ef mewn cariad:

⁵Yr hwn a’n rhagluniaethodd ni i fabwysiad iddo ei hun trwy Iesu Grist yn ôl bodlonrwydd ei ewyllys,

⁶Er mawl i ogoniant ei râs ef, trwy yr hwn y gwnaeth ni yn gymmeradwy iddo yn yr [hwn sydd] annwyl,

⁷Yn yr hwn y mae i ni brynedigaeth trwy ei waed ef: [sef] maddeuant pechodau yn ôl cyfoeth ei râs ef:

⁸Trwy yr hyn y bu efe helaeth i ni ym mhob doethineb, a deall,

⁹Gan yspysu i ni ddirgelwch ei ewyllys yn ôl ei fodlonrwyd ei hun, yr hon a arfaethase ynddo ei hun:

¹⁰I grynhoi yng-Hrist yng-orchwyliaeth cyfiawnder yr amseroedd y pethau oll y rhai ydynt nac yn y nefoedd, nac ar y ddaiar.

¹¹Ynddo ef yn yr hwn ein dewiswyd pan ein rhagluniaethwyd yn ôl arfaeth yr hwn sydd yn gweithio pob dim oll wrth gyngor ei ewyllys ei hunan:

¹²Fel y byddo i ni (y rhai a obeithiasom yn gyntaf yng-Hrist) gael bod yn fawl iw ogoniant ef:

¹³Yn yr hwn [y gobeithiasoch] chwithau hefyd, drwy glywed gair y gwirionedd, Efengyl eich iechydwriaeth, yn yr hwn hefyd wedi i chwi gredu eich seliwyd trwy lân Yspryd yr addewid:

¹⁴Yr hwn yw gwystl ein etifeddiaeth, i orescyn rhydd-did er mawl iw ogoniant ef.

¹⁵O herwydd paham minne hefyd, wedi i mi glywed am y ffydd yr hon [sydd] gennwch yn yr Arglwydd Iesu a’r cariad ar yr holl sainct,

¹⁶Nid wyf yn peidio a diolch trosoch gan eich coffa yn fyng-weddiau,

¹⁷Ar i Dduw ein Arglwydd Iesu Crist, Tâd y gogoaiant, roddi i chwi Yspryd doethineb a dadcuddiad iw gydnabod ef.

¹⁸Trwy oleuo golwg eich calon fel y gŵypoch beth yw gobaith ei alwedigaeth ef, a pheth yw golud ei etifeddiaeth ef yn y sainct,

¹⁹A pheth yw rhagorol fawredd ei nerth ef ynom ni y rhai ydym yn credu, o herwydd gweithrediad nerth ei gadernid ef.

²⁰Yr hon a weithiodd efe yng-Hrist pan ei cyfododd ef o feirw, ac ai dododd ar ei ddeheulaw yn y nefoedd,

²¹Goruwch pob tywysogaeth, ac awdurdod a gallu, ac arglwyddiaeth, a phob enw a’r a enwir, nid yn y byd hwn yn vnic, ond yn yr hwn sydd ar ddyfod hefyd:

²²Ac a ddarostyngodd bob peth tann ei draed ef, ac a’i gosodes ef yn ben a’r bob dim iw eglwys,

²³Yr hon yw ei gorph ef, ei gyflawnder ef, yr hwn sydd yn cyflawni oll yn oll.