Read William Morgan Bible 1588 original edition Ephesiaid 2 Bible Online

Ephesiaid 2 - William Morgan Bible 1588 original edition bible

Ephesiaid 2

¹Yr ydys yn mawrhau grâs Crist gan ddangos beth ydym ni hebddi, a pha beth ydym ni trwyddi hi. A Chwithau pan oeddych feirw mewn camweddau a phechodau, [a fywhaodd efe,]

²Yn y rhai y rhodiasoch gynt yn ôl helynt y byd hwn, ac yn ôl y tywysog yr hwn y mae iddo lywodraeth yn yr awyr [sef] yr yspryd sydd yr awron yn gweithio ym mhlant anufudd-dod,

³Ym mysc pa rai y rhodiasom ni gynt oll hefyd mewn trachwantau ein cnawd, gan wneuthur deisyfiadau y cnawd, a’r meddyliau, ac oeddym wrth naturiaeth yn blant digofaint fel eraill:

⁴Eithr Duw yr hwn sydd gyfoethog o drugaredd, o herwydd ei fawr gariad trwy yr hwn ein hoffodd ni,

⁵Ie, pan oeddem feirw mewn pechodau, a’n cydfywhaoddd ni â Christ, trwy ras [yr hwn] yr ydych yn gadwedig,

⁶Efe a’n cyd-gyfododd, ac a wnaeth i ni gyd-eistedd yn y nefoedd, yng-Hrist Iesu,

⁷Fel y galle ddangos yn yr oesoedd a ddeuent ragorol olud ei râs ef, trwy ei gymmwynascarwch i nyni yng-Hrist Iesu.

⁸Canys o râs yr ydych yn gadwedig trwy ffydd, a hynny nid o honoch chwi, rhodd Duw ydyw,

⁹Nid o weithredoedd, rhag i neb orfoleddu.

¹⁰Canys ei waith ef ydym, wedi ein crêu yng-Hrist Iesu i weithredoedd da, y rhai a ddarparodd Duw i ni i rodio ynddynt.

¹¹Am hynny cofiwch eich bod gynt yn genhedloedd yn y cnawd, y rhai a elwid yn ddienwaediad, gan yr hyn a elwir enwaediad yn y cnawd o waith llaw,

¹²Eich bôd chwi y pryd hynny heb Grist, ac yn ddieithriaid i wladwriaeth Israel, ac yn estroniaid i ammodau yr addewid, heb obaith gennych, ac heb Dduw yn y byd.

¹³Eithr yr awron yng-Hrist Iesu y rhai oeddych gynt yn bell, a wnaethwyd yn agos trwy waed Crist.

¹⁴Canys efe yw ein tangneddyf ni, yr hwn a wnaeth y ddwy-blaid yn vn, ac a ddatododd y canol-gae terfyn.

¹⁵Gan ddirymmio drwy ei gnawd ef y gelyniaeth, [sef] deddf y gorchymynnion yn yr ordeiniadau, i wneuthur y ddau yn vn dyn newydd ynddo ei hun, gan wneuthur heddwch,

¹⁶Ac fel y cymmode y ddau â Duw yn yr vn corph drwy ei groes gan ladd y gelyniaeth â hi.

¹⁷A phan ddaeth, efe a bregethodd dangneddyf i chwi, y rhai oeddych yn bell, ac i’r rhai oeddynt yn agos:

¹⁸ O blegit trwyddo, ef y mae i ni ein dau gan yr vn Yspryd ddyfodfa at y Tâd.

¹⁹[1] Weithiau gan hynny nid ydych chwi mwy yn ddieithriaid na dyfodiaid, ond yn gyd-ddinasyddion a’r sainct, ac yn deulu Duw.

²⁰Wedi eich adailadu ar sail yr Apostolion, a’r prophwydi, o’r hyn y mae Iesu Grist ei hun yn ben congl-faen.

²¹Yn yr hwn y mae yr holl adeilad wedi ei chydgysylltu yn cynnyddu yn deml sanctaidd i’r Arglwydd.

²²Yn yr hwn eich cyd-adailadwyd chwithau yn bresswylfa i Dduw trwy yr Yspryd.