Read William Morgan Bible 1588 original edition Ephesiaid 3 Bible Online

Ephesiaid 3 - William Morgan Bible 1588 original edition bible

Ephesiaid 3

¹Yng-hylch ei garchar, a’i weinidogaeth. 14 Gweddi Paul tros yr Ephesiaid. [2] Er mwyn hyn yr wyfi Paul yn garcharor Iesu Grist trosoch chwi y cenhedloedd,

²Os clywsoch am orchwiliaeth grâs Duw yr hon a roddwyd i mi tu ag attoch chŵi:

³Canys trwy weledigaeth yr yspysodd efe y dirgelwch hwnnw i mi (megis yr scrifennais o’r blaen ar ychydig [eiriau,]

⁴Wrth yr hyn pan ddarlenoch y gellwch ŵybod fy neall yn nirgelwch Crist)

⁵Yr hwn yn oesoedd eraill ni’s eglurwyd i feibion dynion, fel y mae yr awron wedi ei ddadcuddio iw sanctaidd Apostolion a phrophwydi trwy ’r Yspryd glân,

⁶Bod y cenhedloedd yn gŷd-etifeddion hefyd, ac yn gyd-gorph, ac yn gyfrannogion o’i addewid ef yng-Hrist trwy yr Efengyl,

⁷I’r hon i’m gwnaed i yn weinidog trwy roddiad grâs Duw, yr hwn a roddwyd i mi trwy nerth ei feddiant ef.

⁸I mi, y lleiaf i gyd o’r holl sainct y dodwyd y grâs hyn, i efengylu ym mysc y cenhedloedd anchwiliadwy olud Crist.

⁹Ac i egluro i bawb beth yw cymdeithas y dirgêlwch yr hwn oedd guddiedic, o ddechreuad y byd yn Nuw, yr hwn a wnaeth bôb peth trwy Iesu Grist.

¹⁰Fel y byddo yr awron yn yspysol trwy yr eglwys i’r tywysogaethau a’r awdurdodau yn y nefolion [bethau] amryw fath ŵybodaeth Duw,

¹¹Yn ôl yr arfaeth dragywyddol yr hon a weithiodd efe yng-Hrist Iesu ein Harglwydd,

¹²Yn yr hwn y mae i ni rydd-did, a dyfodfa mewn hyder, trwy ei ffydd ef.

¹³[3] Achos pa ham yr wyf yn dymuno na lwfrhaoch, o blegit fy mlinderau i er eich mwyn chwi, yr hyn yw eich gogoniant.

¹⁴O herwydd y peth hyn y plygaf fyng-liniau at Dâd ein Harglwydd Iesu Grist,

¹⁵O ba vn yr henwir yr holl deulu yn y nefoedd, ac ar y ddaiar,

¹⁶Ar roddi o honnaw ef i chwi yn ôl cyfoeth ei ogoniant, ymgadarnhau mewn nerth trwy ei Yspryd ef yn y dŷn oddi mewn,

¹⁷Fel y trigo Crist yn eich calonnau trwy ffydd.

¹⁸Fel y galloch wedi eich gwreiddio, a’ch seilio mewn cariad, ymgyffred gyd â’r holl sainct, beth yw’r llêd a’r hyd, a’r dyfnder a’r vchder,

¹⁹Ac adnabod cariad Crist, yr hwn sydd yn rhagori pôb gŵybodaeth, fel eich llanwer yn hollawl â holl gyflawnder Duw.

²⁰Iddo ef, yr hwn a ddichon wneuthur pôb peth yn fwy tra-rhagorol nac yr ydym ni yn dymuno, nac yn deall, o herwydd y nerth sydd yn gweithio ynom,

²¹Y byddo gogoniant yn yr eglwys trwy Grist Iesu, tros yr holl genhedlaethau hyd yn oes oesoedd, Amen.