Read William Morgan Bible 1588 original edition Ephesiaid 4 Bible Online

Ephesiaid 4 - William Morgan Bible 1588 original edition bible

Ephesiaid 4

¹Cyngor rhagorol, ac ysprydol am ymwreddiad at ddyn, a ffydd i Dduw, i ochel gau-ddysc, ac i adnewyddu buchedd. [4] Am hynny myfi yr hwn ydwyf garcharor yn yr Arglwydd, wyf yn attolwg i chwi rodio o honoch yn deilwng o’r alwedigaeth i’ch galwyd iddi,

²Ym mhob lledneisrwydd, ac addfwyndra ynghyd ag ymaros, gan oddef eu gilydd mewn cariad,

³Gan ymroi i gadw vndeb yr Yspryd yng-hwlwm tangneddyf,

⁴Vn corph, ac vn yspryd, megis i’ch galwyd i vn gobaith eich galwedigaeth:

⁵Vn Arglwydd, vn ffydd, vn bedydd,

⁶Vn Duw a Thâd oll, yr hwn sydd goruwch oll, a thrwy oll, ac ynoch oll.

⁷[5]Eithr i bob vn o honom y rhoed grâs yn ôl mesur dawn Crist,

⁸Am hynny y mae yn dywedyd: pan dderchafodd i’r vchelder, efe a gaethiwodd gaethiwed, ac a roddes roddion i ddynion.

⁹Eithr, efe a dderchafodd, beth yw hynny ond darfod iddo ef ddescyn yn gyntaf i barthau isaf y ddaiar?

¹⁰Yr vn a ddescynnodd yw’r hwn a escynnodd goruwch yr holl nefoedd, fel y cyflawne efe bob peth.

¹¹Efe gan hynny a roddes rai i fod yn Apostolion, a rhai yn brophwydi, a rhai yn efengyl-wŷr, a rhai yn fugeiliaid, a rhai yn athrawon,

¹²I grynhoi y sainct i waith y weinidogaeth, i adailadaeth corph Crist.

¹³Hyd oni ymgyfarfyddom oll (yn vndeb ffydd a gwybodaeth Mab Duw) yn ŵr perffaith at fesur oedran cyflawnder Crist,

¹⁴Fel na byddom yn blant mwy rhagllaw, yn bwhwmman, ac yn ein harwain o amgylch â phob awel dysceidiaeth mewn cyfrwystra dynion a hocced, er cynllwyn twyll,

¹⁵Eithr gan ddilyn gwirionedd mewn cariad, cynnyddwn iddo ef ym mhob peth, yr hwn sydd ben, [sef] Crist.

¹⁶O’r hwn, y mae yr holl gorph (weoi iddo gyd-ymgynnull, a chyd-ymgyssylltu trwy bob cymmal, yr hwn sydd yn gweini llyniaeth yn ôl y gweithrediad y sydd ym mesur pob rhan, yn peri cynnydd y corph, iw adailadaeth ei hun mewn cariad.

¹⁷[6] Hyn gan hynny yr wyf yn ei ddywedyd, ac yn ei destiolaethu yn yr Arglwydd, na rodioch chwi mwy haiach fel y mae y cenhedloedd eraill yn rhodio mewn gwagedd eu meddwl.

¹⁸Wedi tywyllu yn eu meddwl, ac yn ddieithr oddi wrth fuchedd Dduw, drwy yr anwybod y sydd ynddynt, trwy galedrwydd eu calonnau.

¹⁹Y rhai wedi iddynt ddiddarbodi a ymroesant i drythyllwch yn odieth, i wneuthur pob aflendid.

²⁰Eithr chwy-chwi, nid felly y dyscasoch [am] Grist.

²¹Os bu i chwi ei glywed ef, ac o’s dyscwyd chwi ganddo megis y mae’r gwirionedd yn Iesu,

²²[Sef] dodi heibio yr hyn a berthyn i’r hên ymddygiad gynt, yr hên ddyn hwnnw yr hwn y sydd lygredig drwy chwantau twyllodrus,

²³Ac ymadnewyddu yn yspryd eich meddyliau,

²⁴A gwisco y dŷn newydd, yr hwn a grêwyd yn ôl Duw mewn cyfiawnder, a gwîr sancteiddrwydd.

²⁵O herwydd pa ham gan fwrw ymmaith gelwydd, dyweded pawb y gwir wrth ei gymmydog: canys aelodau ydym iw gilydd.

²⁶Digiwch, ac na phechwch, na fachluded yr haul ar eich dîg chwi.

²⁷Ac na ddodwch le i ddiafol.

²⁸Yr hwn a ledratâodd na ledratted mwy, eithr cymmered boen yn hytrach yn gweithio â’i ddwylaw y peth sydd dda, fel y byddo ganddo [beth] iw gyfrannu i’r anghênog.

²⁹Na ddeued vn ymadrodd llygredig allan o’ch genau chwi, ond cyfryw vn a fyddo da i adailadaeth pan fyddo rhaid, fel y paro râs i’r gwrandawŷr.

³⁰Ac na thristewch lân Yspryd Duw, gan yr hwn eich seliwyd i ddydd y prynedigaeth.

³¹Tynner ymmaith oddi wrthych bôb chwerwedd, a llid, a dîg, a llefain, a chabledd gyd â phôb drygioni:

³²A byddwch gymmwynascar iw gilydd, a thrugarogion, gan faddeu iw gilydd, fel y maddeuodd Duw er mwyn Crist i chwithau.