Read William Morgan Bible 1588 original edition Ephesiaid 6 Bible Online

Ephesiaid 6 - William Morgan Bible 1588 original edition bible

Ephesiaid 6

¹Plant, a’u rhieni, gweision a’u meistred, a phawb yn cael cyngor. 12 A dangos ein peryglon, a’n gelynion, a’r modd y mae i ni gymmeryd iawn arfogaethau at ryfel Christionogaidd. Y Plant gwrandewch eich rhieni yn yr Arglwydd, canys hynny sydd gyfiawn.

²Anrhydedda dy dâd a’th fam, (yr hwn yw y gorchymyn cyntaf mewn addewid)

³Fel y byddo yn dda i ti, ac fel y byddech hir hoedlog ar y ddaiar.

⁴Chwithau dadau, na chyffroiwch eich plant i ddigio, ond maethwch hwynt mewn addysc, ac athrawaeth yr Arglwydd.

⁵Y gweision vfuddhewch i’r rhai sy arglwyddi i chwi yn ôl y cnawd, trwy ofn, ac arswyd megis i Grist, yng-wiriondeb eich calonnau.

⁶Nid â gwasanaeth yn y gôlwg, megis rhai yn ceisio bodloni dynion, ond fel gweinidogion Crist, gan wneuthur ewyllys Duw o’r galon,

⁷Gan wneuthur gwasanaeth trwy ewyllys da, megis i’r Arglwydd, ac nid i ddynion.

⁸Gan ŵybod mai y daioni a wnelo pob vn, hynny a dderbyn efe gan yr Arglwydd, pa vn bynnag ai caeth ai rhydd [fyddo efe.]

⁹A’r meistred gwnewch chwithau’r vn rhyw bethau iddynt hwy, gan roddi bygwth heibio, gan ŵybod fod eich Arglwydd chwi, a hwythau yn y nefoedd, ac nad oes dderbyn wyneb gyd ag ef.

¹⁰[9]Am ben hyn fy mrodyr ymnerthwch yn yr Arglwydd, ac yng-hadernid ei allu ef:

¹¹Gwiscwch oll arfogaeth dduw, fel y galloch sefyll yn erbyn cynllwynion diafol.

¹²Am nad yw ein hymdrech ni yn erbyn gwaed a chnawd, eithr yn erbyn tywysogaethau, yn erbyn awdurdodau, yn erbyn bydol gedyrn tywyllwch y byd hwn, yn erbyn drygau ysprydol yn y nefol [leoedd.]

¹³Am hynny cymmerwch attoch holl arfogaeth Dduw, fel y galloch wrthladd yn y dyddblin, a sefyll wedi gorphen y cwbl.

¹⁴Sefwch gan hynny wedi gwregysu eich lwynau â gwirionedd, a gwisco dwyfronneg cyfiawnder,

¹⁵A gwisco am eich traed escidiau paratoâd Efengyl tangneddyf.

¹⁶Vwchben pôb dim cymmerwch darian y ffydd, â’r hwn y galloch ddiffoddi holl biccellau tanllyd y fall,

¹⁷Cymmerwch hefyd helm yr iechydwriaeth, a chleddyf yr Yspryd, hwn yw gair Duw.

¹⁸A gweddiwch bob amser â phob rhyw weddi a deisyfiad yn yr Yspryd, gan fod yn wiliadurus at hyn trwy bôb dyfalwch, ac ymbil tros yr holl sainct,

¹⁹A throsof finne, ar roddi i mi ymadrodd i agôryd fyng-enau mewn rhydd-did, i wneuthur yn eglur ddirgelwch yr Efengyl,

²⁰Er mwyn yr hon yr wyf yn gennad mewn cadwyn, fel y traethwyf yn hyderus am deni, megis y perthyn i mi draethu.

²¹Ac fel y gwypoch chwithau hefyd fynghyflwr, a pha beth yr wyfi yn ei wneuthur, Tychicus a’u dengys hwy oll i chwi, fy annwyl frawd a gweinidog ffyddlon yn yr Arglwydd:

²²Yr hwn o’r achos honno a ddanfonais attoch, fel y gwyddech fyng-hyflwr, ac fel y cyssure efe eich calonnau chwi.

²³Tangneddyf gyd â [chwi] frodyr, a chariad, a ffydd oddi wrth Dduw Tad, a’r Arglwydd Iesu Grist.

²⁴Gras gyd â’r rhai oll a garant ein Harglwydd Iesu Grist, yn anllygredig. Amen. Y llythyr hwn a scrifennwyd o Rufein gyd â Tychicus.