Read William Morgan Bible 1588 original edition Philippiaid 2 Bible Online

Philippiaid 2 - William Morgan Bible 1588 original edition bible

Philippiaid 2

¹Y mae efe yn eu cynghori vwch ben dim i vfydd-dod, wrth yr hyn yn bennaf y cynhelir y ddysc bûr, 19 gan addo y bydd iddo ef a Timotheus ddyfod ar frys attynt hwy, 27 ac hefyd y mae efe yn escusodi hîr drigiad Epaphroditus. Od oes gan hynny ddim diddanwch yng-Hrist, od oes cyssur cariad, od [oes] dim cymdeithas a’r Yspryd, od [oes] dim tosturi a thrugaredd,

²Cyflawnwch fy llawenydd, ar i chwi fôd yn vn fryd, a chennych yr vn rhyw gariad, ac yn vn galon, ac yn meddwl yr vn peth.

³Fel na wneler dim drwy gynneu, neu wâg ogoniant, eithr yng-ostyngeiddrwydd gan dybied ei gilydd yn well na chwi eich hunain.

⁴Nac edrychwch bôb vn ar yr eiddoch eich hunain, eithr [edryched] pôb vn hefyd ar yr eiddo eraill.

⁵[2] Bydded yr vn meddwl ynoch ag oedd yng-Hrist Iesu.

⁶Yr hwn pan oedd yn ffurf Duw ni thybiodd drais fôd yn ogyfiuwch â Duw:

⁷Eithr efe a’r diddymmodd ei hun, gan gymmeryd arno agwedd gwâs, a’i wneuthur yn gyffelyb i ddynion.

⁸Efe a ymostyngodd yn vfydd i angeu sef angeu y groes.

⁹O herwydd pa ham Duw a’i tra-derchafodd yntef, ac a roddes iddo enw, vwch pen pôb enw.

¹⁰Fel y bydde yn enw yr Iesu i bôb glin blygu, [yn gystal] i’r nefolion â daiarolion, a’r pethau tan y ddaiar.

¹¹Ac i bob tafod gyffesu mai Iesu Grist yw’r Arglwydd, er gogoniant Duw Tâd.

¹²Am hynny fy annwylyd, megis pôb amser yr vfyddhaesoch, nid megis yn fyng-ŵydd yn vnic, eithr yr awr hon yn fwy o lawer yn fy absen, felly gorphennwch eich iechydwriaeth eich hunain drwy ofn a dychryn.

¹³Canys Duw yw’r hwn sydd yn gweithio ynoch, ewyllysio a gweithredu o’i ewyllys da.

¹⁴Gwnewch bôb dim yn ddifurmur, ac heb ymddadle:

¹⁵Fel y byddoch yn ddiargyoedd, ac yn bur, ac yn ddifeius feibion i Dduw ym mysc cenhedlaeth ddrygionus drofaus, ym mhlith y rhai yr ydych yn disclaerio megis goleuadau yn y byd.

¹⁶Yn cynnal gair y bywyd, er gorfoledd i mi yn-nydd Crist, na redais i yn ofer, ac na chymmerais boen yn ofer.

¹⁷Ie pe i’m offrymmid ar aberth a gwasanaeth eich ffydd, llawen yw gennif, a chydlawen a chwi ôll ydwyfi.

¹⁸O blegit hyn hefyd byddwch chwithau lawen, a chyd-lawenhewch â minne.

¹⁹Ac yr ydwyf yn gobeitho yn yr Arglwydd Iesu y danfonaf Timotheus ar fyrder attoch, megis i’m cyssurer inne hefyd wrth ŵybod oddi wrthych.

²⁰Canys nid oes i mi nêb o gyffelyb feddwl, yr hwn a wir ofala am eich cyflwr chwi.

²¹Canys pawb sydd yn ceisio yr eiddynt eu hunain, ac nid yr hyn sydd eiddo Crist Iesu.

²²Eithr chwi a adwaenoch y profiad sydd am dano ef, canys fel mâb gyd a thâd y gwasanaethodd efe gyd â myfi yn yr Efengyl.

²³Hwn gan hynny yr ydwyf yn gobeithio ei ddanfon cyn gynted ag y gwelwyf yr hyn fydd i mi.

²⁴Ac yr ydwyf yn gobeithio yn yr Arglwydd y deuaf fi fy hun hefyd ar fyrder.

²⁵Eithr tybiais fôd yn anghenrheidiol ddanfon Epaphroditus fy-mrawd, fyng-hyd weithwr am cydfilwr, sef eich Apostol chwi, a’r hwn fu yn fyng-wasanaethu [inne] o gyfryw bethau, ag oedd arnafi eisieu.

²⁶Canys yr oedd arno hiraeth am danoch chwi oll, ac athrist iawn ydoedd am i chwi glywed ei fôd ef yn glaf.

²⁷A diau ei fôd ef yn glaf, [ac] ym-mron marw, ond bôd i Dduw drugarhau wrtho, ac nid wrtho ef yn vnic, ond wrthifi hefyd, rhag i mi gael tristit ar dristit.

²⁸Mi a’i danfonais ef gan hynny yn ddiescaelusach, fel pan welech ef drachefn y llawenhaech, ac y byddwn [inne] yn ddi-dristach.

²⁹Derbynniswch ef gan hynny yn yr Arglwydd â phob llawenydd, a mawrhewch y cyfryw [rai.]

³⁰Canys er mwyn gwaith Crist y bu efe yn agos i angeu, ac ni ddarbododd am ei enioes, i gwplau deffig eich gwasanaeth i mi.