Read William Morgan Bible 1588 original edition Philippiaid 3 Bible Online

Philippiaid 3 - William Morgan Bible 1588 original edition bible

Philippiaid 3

¹2 Y mae efe yn eu rhybuddio hwy i ymogelyd rhag gau ddyscawdwyr, 3 yn erbyn pa rai y mae efe yn gosod Crist, 4 a’r vn modd ei hunain, ai ddysc, 12 ac yn diddymmu cyfiawnder dyn ei hun. Weithian fy-mrodyr byddwch lawen yn yr Arglwydd, nid blin gennif fi scrifennu yr vn pethau attoch, ac i chwithau i mae yn [beth] diogel.

²Gochelwch gŵn: gochelwch ddrwgweithwyr: gochelwch rhag cydtoriad.

³Canys enwaediad ydym ni, y rhai ydym yn addoli Duw yn yr Yspryd, ac yn gorfoleddu yng-Hrist Iesu, ac nid yn ymddyried yn y cnawd.

⁴Ac er bod gennif achos i ymddyried yn y cnawd: o thybia nêb arall y gall ymddyried yn y cnawd, mwy [y gallaf] fi:

⁵Wedi fy enwaedu yr wythfed dydd, o genedl Israel, o lwyth Beniamin, yn Hebraewr o’r Hebræaid, wrth y ddeddf yn Pharisæad:

⁶O herwydd zêl yn erlid yr eglwys: o herwydd y cyfiawnder sydd yn y ddeddf, yn ddiargyoedd.

⁷Eithr y pethau oedd elw i mi, y rhai hynny a gyfrifwn i yn golled er mwyn Crist,

⁸Ac yn ddiau cyfrif yr wyf bôb dim yn golled er mwyn rhagorawl wybodaeth [am] Grist Iesu fy Arglwydd, er mwyn yr hwn y cyfrifais bôb dim yn golled, ac yr wyf yn eu cyfrif yn dom, fel y gallwn ennill Crist.

⁹A’m caffael ynddo ef nid a’m cyfiawnder fy hun gennif, yr hwn sydd o’r gyfraith, onid yr vn sydd trwy ffydd Grist, [sef] y cyfiawnder sydd o Dduw trwy ffydd.

¹⁰Fel yr adwaenwyfef, a rhinwedd ei ailgyfodiad, a chymdeithas ei ddiodefaint fel y byddwyf wedi fyng-wneuthur yn vn wedd ai farwolaeth ef.

¹¹[I edrych] a gyrrhaeddwn ryw fodd ailgyfodedigaeth y meirw.

¹²Nid fel pe bawn wedi ei gyrhaeddyd eusus, neu fôd eusus yn berffaith: eithr dilyn yr wyfi [geisio] ymaflyd er mwyn yr hyn yr ymaflir ynof gan Grist Iesu.

¹³Nid wyfi’n tybied frodyr i mi gael gafael, eithr vn peth [yr wyf arno:] gan ollwng dros gof ’r hyn sydd o’r tu cefn, a cheisio tynnu at yr hyn sydd o’r blaen

¹⁴Yr ydwyf yn cyrchu at y nôd am gynglwyst vchod alwedigaeth Dduw yng Hrist Iesu

¹⁵Cynnifer gan hynny o honom, ac ydym berffaith, synniwn fel hyn: ac od ydych yn synnio yn amgenach, Duw a ddatcuddia hyn hefyd i chwi.

¹⁶Er hynny [yn y peth] y daethom atto cerddwn wrth yr vn rheol, fel y synniom yr vn peth.

¹⁷[3]Ha frodyr, dilynwch fi, ac edrychwch ar y rhai sy yn rhodio felly, megis yr ydym ni yn siampl i chwi.

¹⁸Canys llawer a rodiant am ba rai y dywedais i chwi yn fynych, ac yr awrhon yr ydwyf yn dywedyd i chwi dan ŵylo [eu] bod yn elynion croes Crist.

¹⁹Y rhai y mae eu diwedd yn gyfrgoll, bol y rhai sydd yn dduw [iddynt,] a’n gogoniant yn wradŵydd iddynt, y rhai y mae eu meddwl am bethau daiarol.

²⁰Canys ein gwlâdwriaeth [ni] sydd yn y nefoedd, o’r lle yr ydym yn edrych am yr Iachawdr [sef] yr Arglwydd Iesu Grist.

²¹Yr hwn a gyfnewidia ein corph gwael [ni] fel y gwnêler yn vn ffurf a’i gorph gogoneddus ef, o herwydd y grym, trwy yr hwn y dichon efe ddarostwng pôb dim iddo ei hun.