Read William Morgan Bible 1588 original edition Philippiaid 4 Bible Online

Philippiaid 4 - William Morgan Bible 1588 original edition bible

Philippiaid 4

¹1 Y mae yn eu hannog i fôd o ymwreddiad da. 15 Ac yn diolch iddynt am yr ymgeledd a wnaethent iddo ef yng-harchar. 21 Ac felly y mae yn dibennu gan gânu yn iach. Gan hyny fy mrodyr annwyl a hoff, fy llawenydd a’m coron, felly sefwch yn yr Arglwydd, annwylyd.

²Yr ydwyf yn attolwg i Efodias, ac yn deisyf ar Syntyche fod o’r vn feddwl yn yr Arglwydd.

³Ac yr ydwyf yn dymuno arnat tithe fyngwir gymmar, cymmorth [y gwragedd] hynny y rhai a lafuriasant gyd â mi yn yr Efengyl, ynghyd a Chlement hefyd, a chyd ag eraill o’m cydweithwyr, y rhai y mae eu henwau yn llyfr y bywyd.

⁴[4] Llawenhewch yn yr Arglwydd yn oestadol, a thrachefn meddaf, llawenhewch.

⁵Bydded eich arafwch yn hyspus i bôb dyn y mae’r Arglwydd yn agos.

⁶Na ofelwch [am] ddim: eithr ym mhôb dim dangoser eich dymuniad i Dduw mewn gweddi a deisyfiad gyd â diolch.

⁷A thangneddyf Dduw yr hwn sydd vwchlaw pôb deall a geidw eich calonnau a’ch meddyliau yng-Hrist Iesu.

⁸Heb law hyn frodyr, pa bethau bynnag sydd wîr, pa bethau bynnag sydd onest, pa bethau bynnag sydd gyfiawn, pa bethau bynnag sydd bur, pa bethau bynnag sydd hawddgâr, pa bethau bynnag sydd ô enw da, od oes vn rhinwedd, ac od oes dim clôd, meddyliwch am y pethau hyn,

⁹Y rhai a ddyscasoch, ac a dderbynniasoch, ac a glywsoch, ac a welsoch ynof fi: y pethau hyny gwnewch, a Duw yr heddwch a fydd gyd â chwi.

¹⁰Llawenychais hefyd yn yr Arglwydd yn ddirfawr, am i chwi yr awr hon o’r diwedd ymadnewyddu i ofalu am danafi am yr hyn beth yr oeddych yn gofalu, ond nid oeddech yn cael ennyd.

¹¹Nid wyf yn dywedyd o herwydd eisieu, canys dyscais ym-mha gyflwr bynnag y bwyf, fôd yn fodlon iddo.

¹²Ac mi a fedraf ymostwng, a medraf amlhau: ym mhôb lle, ac ym mhôb dim im haddyscwyd i fôd yn llawn, a bôd yn newynog, a bod mewn helaethrwydd, a bôd mewn eisieu.

¹³Pôb dim a allaf trwy Grist, yr hwn sydd yn fy nerthu.

¹⁴Er hynny da y gwnaethoch ar gyfrannu i’m gorthrymder i.

¹⁵A chwi Philippiaid a ŵyddoch y modd yn nechreuad yr Efengyl pan aethym i ymmaith o Macedonia: na chyfrannodd vn eglwys â mi o ran rhoddi a derbyn, ond chwychwi yn vnic.

¹⁶Chwi a anfonasoch i mi i Thessalonica, vn-waith, ac eilwaith wrth fy rhaid.

¹⁷Nid o herwydd fy mod i yn ceisio rhodd: eithr yr ydwyf yn ceisio ffrwyth yn amlhau erbyn eich cyfrif chwi.

¹⁸Mi a gefais bob dim, ac y mae gennif helaethrwydd, mi a lawnwyd pan dderbynniais gan Epaphroditus y pethau [a ddaethant]oddi wrthych chwi, [sef] arogl peraidd, aberth cymmeradwy [a] boddlon gan Dduw.

¹⁹A’m Duw a gyflawna eich ôll anghenraid [chwi] yn ôl ei olud ef, yn ogoneddus yng-Hrist Iesu.

²⁰I Dduw sef ein Tâd [y byddo] gogoniant yn oes oesoedd. Amen.

²¹Anherchwch yr hôll Sainct yng-Hrist Iesu: y mae’r broddyr sydd gyd â mi yn eich annerch.

²²Y mae y Sainct oll yn eich annerch chwi, ac yn bennaf y rhai ydynt o deulu Cæsar.

²³Rhâd ein Harglwydd Iesu Grist [fyddo] gyd â chwi ôll. Amen. O Rufain yr scrifennwyd at y Philippiaid gyd ag Epaphroditus.