Read William Morgan Bible 1588 original edition Colossiaid 1 Bible Online

Colossiaid 1 - William Morgan Bible 1588 original edition bible

Colossiaid 1

¹3 Paul yn diolch i Dduw am eu ffydd hwynt. 7 Yn cadarnhau dysceidiaeth Epaphroditus. 9 Yn gweddio am angwanegiad eu ffydd hwy. 13 Yn dangos iddynt y gwir Grist, ac yn dinoethi gau Grist y gau Apostolion. 25 Yn canmol ei awdurdod a’i swydd. Paul Apostol Iesu Grist trwy ewyllys Duw, a Thimotheus [ein] brawd at y Sainct a ffyddlon frodyr yng-Hrist Iesu y rhai [ydynt] yn Colossa,

²Grâs gyd â chwi a thangneddyf gan Dduw ein Tad, a’r Arglwydd Iesu Grist.

³[1] Yr ydym [ni] yn diolch i Dduw, sef Tad ein Arglwydd Iesu Grist yn oestadol trosoch gan weddio,

⁴Er pan glywsom eich ffydd yng-Hrist Iesu, a’ch cariad i’r hôll sainct,

⁵Er [mwyn] y gobaith yr hon sydd wedi ei rhoddi i chwi yn y nefoedd, am yr hon y clywsoch yn y blaen gan air gwirionedd yr Efengyl,

⁶Yr hon wedi dyfod attoch chwi, megis i’r holl fyd, ac yn ffrwythlon fel [y mae] yn eich plith chwithe hefyd, o’r dydd y clywsoch, ac y gwybuoch râs Duw mewn gwirionedd.

⁷Fel y dyscasoch gan Epaphras ein annwyl gydwas, yr hwn sydd trosoch chwi yn ffyddlon wenidog Crist.

⁸Yr hwn hefyd a amlygodd i ni eich cariad chwi yn yr Yspryd.

⁹Am hynny ninnau hefyd, er y dydd y clywsom, nid ydym yn peidio a gweddio trosoch, a deisyf eich cyflawni â gŵybyddiaeth ei ewyllys ef ym mhôb doethineb, a deall ysprydol.

¹⁰Fel y rhodioch yn deilwng gan yr Arglwydd, gan rygluddu bodd ym mhôb dim, gan ddwyn ffrwyth ym mhôb gweithred dda, a thyfu yng-wybodaeth [am] Dduw.

¹¹Wedi ymnerthu â hôll nerth trwy ei ogoneddus gadernid ef i bôb dioddefgarwch, ac ymaros gyd ag hyfrydwch.

¹²Gan ddiolch i’r Tad yr hwn a’n gwnaeth yn gymmwys i [gael] rhan o etifeddiaeth y sainct yn y goleuni.

¹³Yr hwn a’n gwaredodd ni oddi wrth feddiant y tywyllwch, ac a’n ysmudodd ni i deyrnas ei annwyl Fâb,

¹⁴Yn yr hwn y mae i ni brynedigaeth trwy ei waed ef, [sef] maddeuant pechodau.

¹⁵Yr hwn yw gwir ddelw yr anweledig Dduw, cyntafanedic pôb creadur.

¹⁶Canys trwyddo ef y creawyd pôb dim a’r [sydd] yn y nefoedd, ac [sydd] yn y ddaiar, yn weledig ac yn anweledig: pa vn bynnag ai Thronau, ai Arglwyddiaethau, ai Tywysogaethau, ai Meddiannau, pôb dim a greawyd trwyddo ef, ac erddo ef.

¹⁷Ac y mae efe cyn pop dim, ac ynddo ef y mae pôb dim yn cyd-sefyll.

¹⁸Ac efe yw pen corph yr eglwys: efe yr hwn yw’r dechreuad a’r cyntafanedic o’r meirw, fel ym mhôb dim y cae efe flaenori.

¹⁹Canys rhyngodd bodd, trigo o bob cyflawnedd ynddo ef,

²⁰A thrwyddo ef gymmodi pôb dim ag ef ei hun, pa vn bynnag, ai pethau yn y ddaiar, ai pethau yn y nefoedd, gan wneuthur heddwch trwy waed ei groes ef.

²¹A chwithau y rhai oeddech gynt ddieithraid a gelynnion, gan fôd eich meddyliau ar weithredoedd drwg, yr awr hon hefyd a gymmododd efe,

²²Yng-horph ei gnawd trwy farwolaeth fel eich gosodid chwi yn sanctaidd, ac yn ddifeius, ac yn ddigerydd ger ei fron ef.

²³Os parhewch wedi eich seilio a’ch siccrhau yn y ffydd, heb siglo oddi wrth obaith yr Efengyl yr hon a glywsoch, [ac] a bregethwyd ym mysc pob creadur a’r sydd tan y nef, i’r hon yr euthym i Paul yn weinidog.

²⁴Yr hwn ydwyf yn awr yn llawenychu yn fy nioddefaint trosoch, ac yn cyflawni yr hyn oedd yn ôl o gystudd Crist yn fyng-hnawd i, er mwyn ei gorph ef, yr hwn yw’r eglwys,

²⁵I’r hon yr euthym i yn weinidog, yn ôl gorchwiliaeth Dduw, yr hon a roddwyd i mi o’ch plegit chwi i gyflawni gair Duw.

²⁶[Sef] y dirgelwch yr hwn oedd guddiedig er yn oes oesoedd ac yr awr hon a eglurwyd iw sainct ef.

²⁷I ba rai y mynnase Duw yspysu beth yw golud gogoniant y dirgelwch hyn ym mhlith y cenhedloedd, yr hwn [olud] yw Christ yr hwn sydd ynoch chwi, gobaith y gogoniant.

²⁸Yr hwn yr ydym [ni] yn [ei] bregethu, gan rybuddio pôb dyn, a dyscu pôb dyn ym mhôb doethineb, fel y gosodom bôb dyn yn berffaith yng-Hrist Iesu.

²⁹Am yr hwn beth yr ydwyf fi hefyd yn ymboeni, gan ymegnio yn ôl ei weithrediad ef yr hon sydd yn gweithio ynofi yn nerthol.