Read William Morgan Bible 1588 original edition Colossiaid 3 Bible Online

Colossiaid 3 - William Morgan Bible 1588 original edition bible

Colossiaid 3

¹1 Dangos y mae pa le y mae i ni geisio Christ, 5 yn cynghori i ymfarwhau gan ddiosc yr hên ddyn, a gwysco Crist, 12 gan rodio mewn cariad a gostyngeiddrwydd. [2]Am hynny os chwi a gyd gyfodasoch gyd â Christ, ceisiwch y pethau oddivchod, lle y mae Crist yn eistedd ar ddeheulaw Duw.

²Rhoddwch eich bryd ar bethau [sydd] vchod, ac nid ar bethau [sydd] ar y ddaiar.

³Canys meirw ydych, a’ch bywyd a guddiwyd gyd â Christ yn-Nuw.

⁴Pan ymddangoso Crist yr hwn yw ein bywyd, yna hefyd yr ymddangoswch chwithau gyd ag ef mewn gogoniant.

⁵Marwhewch gan hynny eich aelodau y rhai sydd ar y ddaiar, godineb, aflendid, gwyn, drygchwant, a chubydd-dod yr hon sydd yn gaudduwiaeth:

⁶O Achos yr hyn bethau y mae digofaint Duw yn dyfod ar blant yr annufydd-dod.

⁷Ym mha rai y rhodiasoch chwi gynt, pan oeddech yn byw ynddynt.

⁸Ond yr awr hon rhoddwch chwi ymmaith y cwbl, dicter, llid, drygioni, difenwi [a] serthedd [allan] o’ch genau.

⁹Na ddywedwch gelwydd wrth eu gilydd, gan i chwi ymddiosc yr hên ddyn yng-hyd a’r ymarferion:

¹⁰A gwisco’r newydd, yr hwn a adnewyddir i wybodaeth yn ôl delw yr hwn a’i creawdd.

¹¹Lle nid oes na Groegwr nac Iddew, enwaediad, na dienwadiad Barbariad, Scythiad, caeth, rhydd: eithr Crist sydd bôb dim, ac ymmhôb dim.

¹²[3]Am hynny megis etholedigion Duw, sanctaidd, ac annwyl, gwiscwch ymyscaroedd tosturiaeth, gostyngeiddrwydd addfwynder, ac ymaros:

¹³Gan gyd-ddwyn ai gilydd, a maddeu iw gilydd os bydd gan vn gweryl yn erbyn neb: megis y maddeûodd Crist: chwi: felly [gwnewch] chwithau.

¹⁴Ac vwch ben hyn oll gwiscwch gariad, yr hwn yw rhwymyn perffeithrwydd.

¹⁵A llywodraethed tangneddyf Duw yn eich calonnau i’r hwn i’ch galwyd yn vn corph, a byddwch ddiolchgar.

¹⁶Preswylied gair Crist ynoch yn helaeth ym-mhob doethineb, gan eich dyscu a’ch cynghori eich hunain mewn Psalmau, a hymnau, ac odlau ysprydawl, gan ganu yn eich calonnau i’r Arglwydd mewn grâs.

¹⁷A pha beth bynnag a wneloch ar air ne weithred gwnewch bôb dim yn enw’r arglwydd Iesu gan ddiolch i Dduw a’r tad trwyddo ef.

¹⁸gwragedd byddwch ostyngedic i’ch gwyr priod megis y mae yn weddaidd yn yr Arglwydd.

¹⁹Y gwŷr cerwch eich gwragedd, ac na fyddwch chwerwon wrthynt.

²⁰Y plant vfyddhewch eich rhieni ymmhob dim, canys hynny sydd dda iawn gan yr Arglwydd.

²¹Y tadau na chyffroiwch eich plant rhag iddynt ddigalonni.

²²Y gweision vfyddhewch i’ch mistred o herwydd y cnawd ym-mhob dim, nid a llygadwasanaeth fel rhyngwŷr bodd dynion, eithr mewn symlrwydd calon gan ofni Duw.

²³A pha beth bynnag a wneloch gwnewch yn galonnog, megis i’r Arglwydd, ac nid i ddynion,

²⁴Gan wybod mai gan yr Arglwydd y derbynniwch daledigaeth yr etifeddiaeth, canys yr Arglwydd Grist yr ydych yn ei wasanaethu.

²⁵Eithr hwn a wna gamwedd, a dderbyn am y camwedd a wnaeth efe, ac nid oes derbyn wyneb.