Read William Morgan Bible 1588 original edition Colossiaid 4 Bible Online

Colossiaid 4 - William Morgan Bible 1588 original edition bible

Colossiaid 4

¹2 Y mae efe yn eu hannog i fod yn wresog yng-weddi, 5 i rodio yn ddoeth ym mysc y rhai ni ddaethant i wir wybyddiaeth Crist, 10 y mae yn eu hannerch. Chwithau feistred gwnewch i’ch gweision, hyn fydd gyfiawn, ac iniawn, gan wybod fod i chwi feistr yn y nefoedd.

²Parhewch mewn gweddiau gan wilied ynddynt, gyd â diolch,

³Gan weddio hefyd drosom ni ar i Dduw agori i ni ddrws yr ymadrodd i adrodd dirgelwch Crist: am yr hwn yr ydwyf hefyd yn rhwym,

⁴Fel yr eglurhawyf ef, megis y mae yn rhaid i mi [ei] draethu.

⁵Rhodiwch yn ddoeth tu ag at y rhai sydd allan gan brynu yr amser.

⁶Bydded eich ymadrodd yn raslon bob amser wedi ei dymheru â halen, fel y gwypoch pa fodd y mae yn rhaid i chwi atteb pob dyn.

⁷Tychicus yr annwyl frawd, a’r ffyddlon wenidog, a’r cydwas yn yr Arglwydd a fynega i chwi fy holl gyflwr i.

⁸Yr hwn a ddanfonais i attoch er mwyn hyn, fel y gwybydde efe eich cyflwr, ac y diddane eich calonnau,

⁹Gyd ag Onesimus y ffyddlon ar annwyl frawd, yr hwn sydd o honoch, hwy a yspysant i chwi am bob peth sydd ymma.

¹⁰Y mae Aristarchus fyng-hyd garcharor yn eich annerch, a Marcus nai fab chwaer Barnabas (o blegit yr hwn y derbynniasoch orchymynnion, os daw efe attoch, derbynniwch ef)

¹¹Ac Iesus yr rhwn a elwir Iustus, y rhai ydynt o’r enwaediad, y rhai hyn yn vnic ynt fyng-hydweith-wŷr i yn nheyrnas Dduw, y rhai a fuant yn gyssur i mi.

¹²Epaphras gwâs Crist yr hwn sydd o honoch, sydd yn eich annerch, ac yn oestadol yn ymdrechu drosoch mewn gweddiau, ar i chwi sefyll yn berffaith, ac yn gyflawn yn oll ewyllys Duw.

¹³Canys yr ydwyf fi yn testiolaethu fod ganddo zêl mawr drosoch, a thros y rhai o Laodicia a’r hai o Hierapolis.

¹⁴Y mae Lucas y meddig annwyl yn i’ch annerch a Demas.

¹⁵Annerchwch y brodyr, y rhai ydynt yn Laodicia a Nymphas, a’r eglwys sydd yn ei dy ef.

¹⁶A phan ddarllener yr Epystol hwn gyd â chwi, perwch hefyd ei ddarllen yn eglwys y Laodiciaid, a bodi chwi hefyd ddarllen yr Epystol [a escrifennwyd] o Laodicia.

¹⁷A dywedwch wrth Archippus, edrych a’r y wenidogaeth a dderbyniaist yn yr Arglwydd, fel ei cyflawnech hi.

¹⁸Yr anherchiad a’m llaw mau fi Paul, cofiwch fy rhwymau, Grâs fyddo gyd â chwi, Amen. O Rufain yr scrifennwyd hwn at y Collossiaid, gyd â Tychicus ac Onesimus.