Read William Morgan Bible 1588 original edition 1.Thessaloniaid 1 Bible Online

1.Thessaloniaid 1 - William Morgan Bible 1588 original edition bible

1.Thessaloniaid 1

¹Y mae efe yn diolch i Dduw drostynt, am eu bod hwy mor ddiyscog mewn ffydd a gweithredoedd da, 6 Ag yn derbyn yr Efengyl mor ddifrif, 7 fel y maent yn siampl i bawb eraill. Paul a Sylfanus a Thimotheus, at eglwys y Thessaloniaid yn-Nuw Tad, ac yn yr Arglwydd Iesu Crist: Grâs [fyddo] i chwi a thangneddyf gan Dduw ein Tad a chan yr Arglwydd Iesu Grist.

²Yr ydym yn diolch i Dduw yn oestadol trosoch chwi oll, gan wneuthur coffa am danoch yn ein gweddiau,

³Yn ddibaid gan goffau gwaith eich ffydd, a’r poenus gariad, ac ymaros gobaith yn ein Harglwydd Iesu Grist ger bron Duw sef ein Tad,

⁴Gan wybod, frodyr annwyl, fod eich etholedigaeth chwi o Dduw.

⁵Canys ni bu ein Efengyl ni mewn gair yn vnic, eithr hefyd mewn nerth, ac yn yr Yspryd glân, ac mewn llawn hyder mawr megis y gwyddoch pa ryw fodd yr oeddem yn eich plith er eich mwyn chwi.

⁶A chwi a aethoch yn ddilyn-wŷr i ni, ac i’r Arglwydd, ac a dderbyniasoch y gair mewn gorthrymder mawr gyd â llawenydd yr Yspryd glân.

⁷Fel yr oeddech yn siamplau i’r rhai oll a ydynt yn credu ym Macedonia ac Achaia.

⁸Canys oddi wrthych chwi y seiniodd gair yr Arglwydd, nid ym Macedonia, ac [yn] Achaia yn vnic, eithr ym mhob man yr aeth eich ffydd [chwi] allan hefyd, yr hon sydd ar Dduw, fel nad rhaid i ni ddywedyd dim.

⁹Canys y maent yn mynegu am danom ni pa ryw ddyfodiad i mewn a gawsom ni attoch chwi, a pha wedd yr troasoch at Dduw oddi wrth eulynnod, i wasanaethu’r bywiol a’r gwir Dduw,

¹⁰Ac i edrych am ei Fab ef o’r nefoedd, yr hwn a gyfodes efe o feirw, sef Iesu ein gwaredudd ni oddi wrth y digofaint sydd ar ddyfod.