Read William Morgan Bible 1588 original edition 1.Thessaloniaid 3 Bible Online

1.Thessaloniaid 3 - William Morgan Bible 1588 original edition bible

1.Thessaloniaid 3

¹2 Dangos y mae faint ei serch iddynt, ac iddo ddanfon Timotheus attynt, 10 A hefyd ei fod yn gweddio trostynt. Am hynny gan na allem ymmatal yn hwy, y tybiasom fod yn oref aros yn Athen ein hunain,

²A hebrwng Timotheus ein brawd, a gwenidog Duw, a’n cydweithwr yn Efengyl Grist i’ch cadarnhau, ac i’ch diddanu yng-hylch eich ffydd,

³Fel na chynhyrfid neb yn y gorthrymderau hyn: canys chwychwi eich hunain a ŵyddoch ein darparu ni i hyn.

⁴Canys yn wîr pan oeddem gyd â chwi rhag-ddywedasom i chwi y bydde i ni gael gorthrymderau, megis y darfu, ac y gŵyddoch.

⁵O blegit hyn, pryd na allwn ymattal yn hwy, mi a ddanfonais i gael gŵybod eich ffydd, rhag temtio o’r temtiwr chwi, a myned ein llafur yn ofer.

⁶Eithr yn hwyr yr awrhon wedi dyfod Timotheus oddi wrthych chwi attom ni, a mynegu i ni ddaioni am eich ffydd, a’ch cariad a bod gennych gof da am danom yn oestadol, gan ddeisyfio cael ein gweled, megis [yr ydym] ninneu hefyd am danoch chwithau.

⁷Am hynny frodyr, yr ydym ni yn cael cyssur o honoch chwi yn ein hôll orthrymder, a’n anghenoctid trwy eich ffydd chwi.

⁸Am ein bod ni yr awron yn byw os ydych chwi yn sefyll yn yr Arglwydd.

⁹Canys pa ddiolch a allwn ni ei ad-talu i Dduw trosoch chwi, am yr holl lawenydd yr ydym ni yn ei gael o’ch achos chwi ger bron ein Duw?

¹⁰Gan weddio yn dra rhagorol ddydd a nos ar weled o honom eich ŵyneb, a chyflawni yr hyn sydd yn eisieu i’ch ffydd.

¹¹A Duw ei hun, sef ein Tad a’r Arglwydd Iesu Grist, a gyfarwyddo ein ffordd attoch chwi.

¹²A’r Arglwydd a’ch lluosogo, ac a’ch amlhâo mewn cariad iw gilydd, ac i bawb, megis yr ydym ni i chwi,

¹³I gadarnhau eich calonnau yn ddiargyoedd mewn sancteiddrwydd ger bron Duw, sef ein Tad yn nyfodiad ein Harglwydd Iesu Grist gyd â’i hôll Sainct.