Read William Morgan Bible 1588 original edition 1.Thessaloniaid 4 Bible Online

1.Thessaloniaid 4 - William Morgan Bible 1588 original edition bible

1.Thessaloniaid 4

¹1 Y mae efe yn eu hannog i sancteiddrwydd, 6 Gwiriondeb, 9 Cariad, 11 Llafur, 13 A chymmedrol alar am y meirw. 17 Gan ddosparthu diwedd yr adgyfodiad. [1]Ac heb law hynny yr ydym yn attolwg i chwi frodyr, ac yn deisyf yn yr Arglwydd Iesu, ar i chwi gynnyddu fwy-fwy, megis y derbyniasoch gennym, pa fodd y dylech rodio, a bodloni Duw.

²Canys gwyddoch pa orchymynnion a roddasom i chwi trwy yr Arglwydd Iesu.

³Canys hyn yw ewyllys Duw [sef] eich sancteiddiad chwi, ac ymgynnal o honoch oddi wrth odineb,

⁴[A] gwybod o bôb vn o honoch pa fodd y meddianna ei lestr mewn sancteiddrwydd, ac anrhydedd,

⁵Nid mewn gwŷn trachwant megis y cenhedloedd, y rhai nid adwaenant Dduw.

⁶Na fydded i neb orthrymmu na thwyllo ei frawd mewn masnach: canys yr Arglwydd sydd ddialudd ym mhôb cyfryw beth, megis y rhag-ddywedasom i chwi, ac y tystiasom.

⁷O blegit nas galwodd Duw nyni i aflendid, onid i sancteiddrwydd.

⁸Am hynny y neb a escaeluso [y pethau hyn] nid dŷn y mae yn escaeluso, onid Duw yr hwn a roddes ei Yspryd glân ynom.

⁹A thu ag at am frawdgarwch nid rhaid i chwi scrifennu [o honof] attoch: canys dyscwyd chwi gan Dduw i garu eu gilydd.

¹⁰Oblegit yr ydych yn gwneuthur hyn i bawb o’r brodyr, y rhai sy trwy hôll Macedonia ac yr ydym yn attolwg i chwi frodyr gynnyddu o honoch fwy-fwy,

¹¹A rhoddi o honoch eich brŷd ar fod yn llonydd, a gwneuthur y pethau sy eiddoch eich hunain, a gweithid â’ch dwylo eich hunain megis y gorchymynnasom i chwi:

¹²Fel yr ymddygoch yn weddaidd tu ag ac y rhai sydd oddi allan, ac na byddo arnoch eisieu dim.

¹³Nid ewyllysiwn frodyr eich bod yn anwybod am y rhai sy yn huno, fel na chymmeroch drymder, megis eraill y rhai nid oes ganddynt obaith.

¹⁴Canys os ydym yn credu farw Iesu, a’i adgyfodi, felly y rhai a hunasant yn Iesu a ddwg Duw gyd ag ef.

¹⁵Canys hyn yr ydym yn ei ddywedyd wrthych yng-air yr Arglwydd, na bydd i ni y rhai fyddwn yn fyw, ac wedi ein gadel yn nyfodiad yr Arglwydd, ragflaenu y rhai a hunasant.

¹⁶Canys yr Arglwydd ei hun a ddescyn o’r nef gyd â gawr, a llef yr Arch-angel, ac ag vdcorn Duw, a’r meirw yng-Hrist a gyfodant yn gyntaf.

¹⁷Yna ninnau y rhai fyddwn byw, ac wedi ein gado a gymmerir yn y man gyd â hwynt yn yr wybrennau i gyfarfod â’r Arglwydd yn yr awyr: ac felly yn oestadol y byddwn gyd â’r Arglwydd.

¹⁸Am hynny diddenwch eu gilydd â’r ymadroddion hyn.