Read William Morgan Bible 1588 original edition 1.Thessaloniaid 5 Bible Online

1.Thessaloniaid 5 - William Morgan Bible 1588 original edition bible

1.Thessaloniaid 5

¹Y mae yn yspyssu iddynt am ddydd brawd, ac am ddyfodiad yr Arglwydd, 6 Gan eu hannog i wilied, 12 A synnied ar y rhai sy yn pregethu gair Duw yn eu plith hwy. Ac am yr amserau a’r prydiau, frodyr, nid rhaid i chwi scrifennu o honof attoch.

²O blegit chwi eich hunain a ŵyddoch yn hyspys y daw dydd yr Arglwydd fel lleidr o hyd nôs.

³Canys pan ddywedant, tangneddyf a diogelwch, yna y daw arnynt ddestruwiad disymmwth megis gofid gwraig feichiog wrth escor, ac ni ddiangant.

⁴Ond chwychwi frodyr, nid ydych mewn tywyllwch fel y goddiweddo y dydd hwnnw chwi megis lleidr.

⁵Eithr chwychwi oll plant y goleuni ydych, a phlant y dydd: nid ydym ni yn eiddo’r nôs na’r tywyllwch,

⁶Am hynny na chyscwn fel eraill, eithr gwiliwn a byddwn sobr.

⁷Canys y rhai a gyscant, y nôs y cyscant, a’r rhai a feddwant, y nôs y meddwant:

⁸Eithr nyni y rhai ydym o’r dydd, byddwn sobr wedi ymwisco â dwyfronneg ffydd, â chariad, a gobaith yr iechydwriaeth yn lle helm.

⁹Canys ni ddarparodd Duw nyni i ddigllonedd: ond i gaffael iechydwriaeth trwy ein Harglwydd Iesu Grist.

¹⁰Yr hwn a fu farw trosom, fel pa vn bynnag a wnelom ai gwilied ai cyscu, y byddom fyw gyd ag ef.

¹¹O herwydd pa ham cynghorwch bawb ei gilydd ac adailedwch bob vn ei gilydd megis yr ydych yn gwneuthur.

¹²Ac yr ydym ni yn attolwg i chwi frodyr, adnabod y rhai sy yn llafurio yn eich mysc, ac ydynt i’ch llywodraethu yn yr Arglwydd, ac yn eich rhybuddio.

¹³A rhoddwch eich traserch arnynt er mwyn eu gwaith hwy: Byddwch dangneddefus yn eich plith eich hunain.

¹⁴Ac yr ydym yn deisyf arnoch frodyr, rhybuddiwch y rhai anllywodraethus: diddenwch y rhai gwan feddwl: cynheliwch y gweiniaid, byddwch ymarhous wrth bawb.

¹⁵Gwelwch na thalo neb ddrwg dros ddrwg i neb: eithr yn oestadol dilynwch yr hyn sydd dda i chwi eich hunain, ac i bawb.

¹⁶Byddwch lawen yn oestadol.

¹⁷Gweddiwch yn ddibaid.

¹⁸Ym mhôb dim diolchwch: canys hyn yw ewyllys Duw yng-Hrist Iesu tu ag attoch

¹⁹Na ddiffoddwch yr Yspryd.

²⁰Na ddirmygwch brophwydoliaeth.

²¹Profwch bôb dim, ac atteliwch yr hyn sydd dda.

²²Ymgedwch rhag pôb rhith drygioni.

²³A Duw y tangneddyf a’ch sancteiddio yn gwbl oll, a chadwer eich yspryd oll, a’ch enaid, a’ch corph yn ddiargyoedd yn nyfodiad ein Harglwydd Iesu Ghrist.

²⁴Ffyddlon yw’r hwn a’ch galwodd, yr hwn hefyd ai gwna.

²⁵O frodyr, gweddiwch drosom.

²⁶Anherchwch yr hôll frodyr a chusan sancteiddiol.

²⁷Yr ydwyf yn eich tynghedu yn yr Arglwydd ar ddarllen y llythyr hwn i’r oll Sainct y brodyr.

²⁸Grâs ein Harglwydd Iesu Ghrist fyddo gyd â chwi. Amen. Cyntaf at y Thessaloniaid a scrifennwyd o Athen.