Read William Morgan Bible 1588 original edition Iosuah 11 Bible Online

Iosuah 11 - William Morgan Bible 1588 original edition bible

Iosuah 11

¹Iosuah yn gorchfygu brenhinoedd eraill y rhai a ddaethent yn ei erbyn ef. A phan glybu Iabin brenin Hazor [y pethau hynny:] yna efe a anfonodd at Iobab brenin Madon, ac at frenin Simron ac at frenin Acsaph,

²Ac at y brenhinoedd y rhai [oeddynt] o du yr gogledd [i’r wlâd] yn y mynydd-dir, ac yn y rhosdir [tua] i’r dehau i Ceneroth ac yn y gwastadedd: ac yn ardaloedd Dôr tua’r gorllewyn,

³[At] y Canaaneaid o’r dwyrain, a’r gorllewyn, a’r Amoriaid, a’r Hethiaid, a’r Phereziaid, a’r Iebusiaid yn y mynydd-dir: ac [at] yr Hesiaid tann * Hermon yng-wlad Mispah.

⁴A hwynt a aethant allan, ai holl fyddinoedd gyd a hwynt, pobl lawer fel y tyfod yr hwn [sydd] ar fin y môr o amldra: meirch hefyd, a cherbydau lawer iawn.

⁵A’r holl frenhinoedd hyn a ymgyfarfuant: daethant hefyd a gwerssyllasant yng-hyd wrth ddyfroedd Merom, i ymladd yn erbyn Israel.

⁶Yna y dywedodd yr Arglwydd wrth Iosuah, nac ofna rhag-ddynt hwy, canys y foru yng-hylch y pryd hyn y rhoddaf hwynt oll yn lladdedig o flaen Israel: llinynnau garrau eu meirch hwynt a dorri, ai cerbydau hwynt a losci di a thân.

⁷Yna Iosuah a ddaeth a’r holl bobl ryfeloc gyd ag ef yn ddisymmwth arnynt hwy wrth ddyfroedd Merom: ac a ruthrasant iddynt.

⁸A’r Arglwydd ai rhoddodd hwynt yn llaw Israel, fel y tarawsant hwynt, ac yr erlidiasant hwynt hyd Sidon fawr, ac hyd Misrephothamaim, ac hyd glynn Mispah o du’r dwyrain: a tharawodd hwynt fel na adawodd efe o honynt [vn] yng-weddill.

⁹Ac Iosuah a wnaeth iddynt fel yr archase’r Arglwydd iddo ef: llinynnau garrau eu meirch hwynt a dorrodd efe, ai cerbydau a loscodd a thân.

¹⁰Iosuah y pryd hynny a ddychwelodd, ac a ennillodd Hazor, ac a darawodd ei brenin a’r cleddyf: canys Hazor or blaen oedd benn yr holl deyrnasoedd hynny.

¹¹Tarawsant hefyd bob enaid a’r [oedd] ynddi a min y cleddyf gan [eu] difrodi [hwynt:] ni adawyd vn perchen anadl: ac efe a loscodd Hazor a thân.

¹²Felly holl ddinasoedd y brenhinoedd hynny, ai holl frenhinoedd hwynt a ennillodd Iosuah, ac ai tarawodd a mîn y cleddyf gan eu difrodi hwynt: megis y gorchymynnase Moses gwâs yr Arglwydd.

¹³Ond ni loscodd Israel yr vn o’r dinasoedd y rhai oeddynt yn sefyll ar eu pelannau: namyn Hazor yn vnic a loscodd Iosuah.

¹⁴A holl anrhaith y dinasoedd hynny, a’r anifeiliaid a sclyfaethodd meibion Israel iddynt eu hun: yn vnic pob dŷn a darawsant hwy a min y cledyf, nes iddynt eu difetha hwynt, ni adawsant berchen anadl.

¹⁵Fel y gorchymynnase’r Arglwydd i Moses ei wâs, felly y gorchymynnodd Moses i Iosuah: ac felly y gwnaeth Iosuah, ni thynnodd efe ymmaith air o’r hyn oll a orchymynnase yr Arglwydd i Moses.

¹⁶Felly Iosuah a ennillodd yr holl fynydddir hwnnw, a’r holl ddehau, a holl wlad Gosen a’r gwastadedd, a’r rhossydd: a mynydd Israel, ai wastadedd.

¹⁷O fynydd Halac yr hwn sydd yn myned i fynu i Seir, hyd Baal Gad yng-lynn Libanus tann fynydd Hermon: ai holl frenhinoedd hwynt a ddaliodd efe, tarawodd hwynt hefyd a rhoddodd hwynt i farwolaeth.

¹⁸Iosuah a gynhaliodd ryfel yn erbyn yr holl frenhinoedd hynny dyddiau lawer.

¹⁹Nid oedd dinas a’r a heddychodd a meibion Israel heb law’r Hefiaid presswylwyr Gibeon: yr holl rai [eraill] a ennillasant hwy drwy ryfel.

²⁰Am ddarfod i’r Arglwydd galedu eu calon hwynt i gyfarfod ag Israel mewn rhyfel fel y difrodent hwynt, ac na fydde iddynt drugaredd: onid eu difetha hwynt fel y gorchymynnase yr Arglwydd wrth Moses.

²¹A’r pryd hynny y daeth Iosuah ac a ddifaodd yr Anaciaid o’r mynydd-dir, o Hebron, o Dabir, o Anab, ac o holl fynydd Iuda, ac o holl fynydd Israel: Iosuah ai difrododd hwynt ai dinasoedd.

²²Ni adawyd [vn o’r] Anaciaid yng-wlad meibion Israel: yn vnic yn Azzah, yn Gath, ac yn Asdod y gadawyd hwynt.

²³Felly Iosuah a gymmerth yr holl wlâd yn ôl yr hyn oll a lefarase yr Arglwydd wrth Moses, ac Iosuah ai rhoddodd hi yn etifeddiaeth i Israel, yn ôl eu rhannau hwynt drwy eu llwythau: a’r wlâd a orphywysodd heb ryfel.