Read William Morgan Bible 1588 original edition Iosuah 13 Bible Online

Iosuah 13 - William Morgan Bible 1588 original edition bible

Iosuah 13

¹Rhanniad tîr Canaan rhwng llwythau Israel. 14 Rhan y Lefiaid. 22 Dihenydd Balaam. Pan heneiddiodd Iosuah [a] phwyso o honaw mewn oedran: yna y dywedodd yr Arglwydd wrtho ef, ty di a heneiddiaist, daethost i ddyddiau [oedranus,] a thîr lawer iawn a adawyd iw orescyn.

²Dymma y wlâd yr hon a adawyd: holl orwledydd y Philistiaid, a holl Gessuri.

³O’r [afon] Sihor yr hon [sydd yn rhedec] ar hŷd wyneb yr Aipht hyd derfyn Ecceron tua’r gogledd a gyfrifir i’r Canaaneaid: [gwlad] pum tywysog, y Philistiaid yr Azzathiaid, a’r Asdodiaid yr Esceloniaid y Githiaid, yr Ecceroniaid a’r Hefiaid.

⁴O du’r dehau holl wlâd y Canaaneaid a’r ogof yr hon [oedd] ym mysc y Sidoniaid hyd Aphec [ac] hyd terfyn yr Amoriaid.

⁵A gwlâd y Gibeliaid, a holl Libanus tua chyfodiad yr haul o Baal Gad tann fynydd Hermon: nes dyfod i Hemath.

⁶Holl bresswylwyr y mynydd o Libanus hyd Misrephotmaim a’r holl Sidoniaid myfi ai gorescynnaf hwynt o flaen meibion Israel: yn vnic rhanna hi i Israel yn etifeddiaeth fel y gorchymynnais i ti.

⁷Ac yn awr rhanna y wlâd hon yn etifeddiaeth i’r naw llwyth hynn: ac i hanner llwyth Manasses.

⁸Y Rubenniaid hefyd ar Gadiaid a gymmerasanteu eu etifeddiaeth gyd a hi: yr hon a roddodd Moses iddynt hwy o’r tu hwnt i’r Iorddonen tua’r dwyrain fel y rhoddase Moses gwâs yr Arglwydd iddynt.

⁹O Aroer yr hon [sydd] ar fin afon Arnon a’r ddinas yr hon [sydd] yng-hanol y dyffryn, a holl wastadedd Medebah hyd Dibon.

¹⁰A holl ddinasoedd Sehon brenin yr Amoriaid yr hwn a deyrnasodd yn Hesbon: hyd ardal meibion Ammon.

¹¹Gilead hefyd, a therfyn y Gesuriaid y Maachiaid hefyd a holl fynydd Hermon a holl Iacson hyd Salcah.

¹²Holl frenhiniaeth Og yn Basan, yr hwn a deyrnasodd vn Astaroth, ac yn Edrai: efe a adawyd o weddill y cawri, canys Moses ai tarawsse hwynt, ac ai gorescynnase.

¹³Ond meibion Israel ni orescynnasant y Gessuriaid na’r Maachiaid; eithr trigodd y Gessuriaid, a’r Maachiaid ym mhlith Israel hyd y dydd hwn.

¹⁴Yn vnic i lwyth Lefi ni roddodd efe etifeddiaeth: [eithr] aberthau tanllyd Arglwydd Dduw Israel oedd ei etifeddiaeth ef, fel y llefarase efe wrtho.

¹⁵A Moses a roddase i lwyth meibion Ruben [etifeddiaeth] drwy eu teuluoedd.

¹⁶Ai terfyn hwynt oedd o Aroer yr hon [sydd] ar fîn afon Arnon, a’r ddinas yr hon [sydd] yng-hanol y dyffryn a’r holl wastadedd hyd Medeba.

¹⁷Hesbon hefyd ai holl ddinasoedd y rhai [ydynt] yn y gwastadedd: Dibon a Bamoth Baal, a Beth baal Meon.

¹⁸Iahaza hefyd a Chedemoth, a Mephaah.

¹⁹Ciriathaim hefyd a Sibmah a Sereth Sahar ym mynydd-dir y glynn.

²⁰Beth-Peor hefyd, a bronnydd y brynn, a Beth Iesimoth.

²¹A holl ddinasodd y gwastadedd, a holl frenhiniaeth Sehon brenin yr Amoriaid yr hwn a deyrnasodd yn Hesbon: yr hwn a ddarfuase i Moses ei daro, a thywysogion Midian, Esi, a Recem, Zur hefyd, a Hur, a Rebah, pendefigion Sehon [y rhai] oeddynt yn presswylio y wlâd.

²²Balaam hefyd fab Beor y dewin a laddodd meibion Israel a’r cleddyf gyd ai lladdedigion hwynt.

²³A therfyn meibion Ruben oedd yr Iorddonen ai therfyn: dymma etifeddiaeth meibion Ruben yn ôl eu teuluoedd, y dinasoedd, ai trefi.

²⁴Moses hefyd a roddodd i lwyth Gad [sef etifeddiaeth] i feibion Gad drwy eu teuluoedd.

²⁵Ac Iazer oedd derfyn iddynt hwy, a holl ddinasoedd Gilead, a hanner gwlâd meibion Ammon: hyd Aroer yr hon [sydd] ar gyfer Rabbah.

²⁶Ac o Hesbon hyd Ramath, Mispah, a Betonim: ac o Mahanann hyd gyffinid Dabir.

²⁷Ac yn nyffryn Betharam, a Bethnimrah Succoth hefyd a Saphon gweddill brenhiniaeth Sehon, breum Hesbon, [hyd] yr Iorddonen ai therfyn: hyd gwrr mor Ceneroth o’r tu hwnt i’r Iorddonen o du’r dwyrain.

²⁸Dymma etifeddiaeth meibion Gad yn ôl eu teuluoedd: y dinasoedd ai trefydd.

²⁹Moses hefyd a roddodd [etifeddiaeth] i hanner llwyth Manasses: a bu [’r etifeddiaeth honno] i hanner llwyth meibion Manasses yn ôl eu teuluoedd.

³⁰Ai terfyn hwynt oedd o Mahanaim [sef] holl Basan, [nid amgen] holl frenhiniaeth Og brenin Basan tri vgain nhinas.

³¹A hanner Gilead, ac Astaroth, ac Edrai dinasoedd brenhiniaeth Og yn Basan [ a roddodd efe] i feibion Machir mab Manasses, dros hanner meibion Machir yn ôl eu teuluoedd.

³²Dymma [’r etifeddiaethau] y rhai a roddodd Moses iw etifeddu yn rhossydd Moab, am yr Iorddonen ag Iericho o du’r dwyrain.

³³Ond i lwyth Lefi ni roddodd Moses etifeddiaeth: Arglwydd Dduw Israel yw eu hetifeddiaeth hwynt fel y llefarodd efe wrthynt.