Read William Morgan Bible 1588 original edition Iosuah 16 Bible Online

Iosuah 16 - William Morgan Bible 1588 original edition bible

Iosuah 16

¹Rhan Ephraim. Ac etifeddiaeth meibion Ioseph oedd yn myned o’r Iorddonen [wrth] Iericho i ddyfroedd Iericho o du’r dwyrain: a’r anialwch yr hwn sydd yn myned i fynu o Iericho i fynydd Bethel.

²Ac y mae yn myned o Bethel i Luz: ac yn cyfeirio at derfyn Archiataroth:

³Ac yn descyn tua’r gorllewyn i ardal Iaphleti hyd derfyn Beth-horon isaf, ac hyd Gazer: ai gyrrau eithaf ydynt hyd y môr.

⁴Felly meibion Ioseph, Manasses, ac Ephraim a gymmerasant etifeddiaeth.

⁵A therfyn meibion Ephraim oedd yn ôl eu teuluoedd: a therfyn eu hetifeddiaeth hwynt o du’r dwyrain oedd Atroth Adarhyd Beth-horon vchaf.

⁶A’r terfyn hwn sydd yn myned tua’r môr, [a] thua Micmetha o du’r gogledd a’r terfyn hwn sydd yn amgylchu o du’r dwyrain i Thaanah Siloh: ac yn myned heibio iddi o du’r dwyrain i Ianohah.

⁷Ac yn myned i wared o Ianohah [i] Ataroth, a Naarathah: ac yn cyfwrdd ag Iericho, ac yn myned allan i’r Iorddonen.

⁸O Thappuah y mae y terfyn hwn yn myned tua’r dwyrain i afon Canah, ai gyrrau eithaf ydynt wrth y môr: dymma etifeddiaeth llwyth meibion Ephraim yn ôl eu teuluoedd,

⁹A dinasoedd nailltuedic meibion Ephraim [oeddynt] ym mysc etifeddiaeth meibion Manasses: yr holl ddinasoedd ai pentrefydd.

¹⁰Ond ni orescynnasant hwy y Canaaneaid y rhai oeddynt yn trigo yn Gezer: am hynny y trigodd y Canaaneaid ym mhlith yr Ephraimiaid hyd y dydd hwn, ac y maent yn gwasanaethu tann dreth.