Read William Morgan Bible 1588 original edition Iosuah 17 Bible Online

Iosuah 17 - William Morgan Bible 1588 original edition bible

Iosuah 17

¹Rhan hanner llwyth Manasses. 3 a rhan merched Zalphaad o hynny. Ac etifeddiaeth llwyth Manasses oedd (canys efe [oedd] gyntafanedic Ioseph: ) i Machir cyntafanedic Manasses tad Gilead, o herwydd ei fod efe yn rhyfel-wr, yr oedd Gilead, a Basan yn eiddo ef.

²Ac yr oedd [etifeddiaeth] i’r rhan arall o feibion Manasses yn ôl eu teuluoedd [sef] i feibion Abiezer, ac i feibion Helec, ac i feibion Asriel, ac i feibion Sichem, ac i feibion Hepher, ac i feibion Semida: dymma feibion Manasses, fab Ioseph [sef] y rhai gyrfiaid yn ôl eu teuluoedd.

³Ac am Zalphaad fab Hepher, fab Gilead, fab Machir, fab Manasses nid oedd iddo ef feibion onid merched: ac dymma enwau ei ferched ef Mahala a Noa, Hogla, Milcha, a Thirsa:

⁴Y rhai a ddaethant o flaen Eleazar yr offeiriad, ac o flaen Iosuah mab Nun, ac o flaen y tywysogion gan ddywedyd, yr Arglwydd a orchymynnodd i Moses roddi i ni etifeddiaeth ym mysc ein brodyr: am hynny efe a roddodd iddynt etifeddiaeth yn ôl gair yr Arglwydd ym mysc brodyr eu tadau hwynt.

⁵A dec rhan-dir a syrthiasant i Manasses: heb law gwlâd Gilead, a Basan y rhai [ydynt] tu hwnt i’r Iorddonen.

⁶Canys merched Manasses a etifeddasant etifeddiaeth ym mysc ei feibion ef: a gwlad Gilead oedd eiddo y rhan arall o feibion Manasses.

⁷A therfyn Manasses oedd o Aser i Micmethah, yr hon [sydd] gyferbyn a Sichem: a’r terfyn hwn oedd yn myned ar y llaw ddehau hyd bresswyl-wyr Entaphua.

⁸Gwlâd Taphua oedd eiddo Manasses: ond Taphua [’r hon oedd] wrth derfyn Manasses[oedd]eiddo meibion Ephraim.

⁹A’r terfyn hwn sydd yn myned i wared i afon Canah tu’r dehau i’r afon, y dinasoedd hyn [oeddynt]eiddo Ephraim ym mhlith dinasoedd Manasses: a therfyn Manasses [sydd] o du’r gogledd i’r afon, ai diwedd oedd y môr.

¹⁰Y dehau[oedd] eiddo Ephraim, a’r goglodd eiddo Manasses, a’r môr oedd ei derfyn ef: ac yn Aser yr oeddynt yn cyfarfod, o’r gogledd, ac yn Issachar o’r dwyrain.

¹¹Yn Issachar hefyd, ac yn Aser yr oedd gan Manasses Bethsean ai phentrefydd, ac Ibleam ai phentrefydd, a thrigolion Dor ai phentrefydd, a thrigolion Endor ai phentrefydd, a phresswyl-wŷr Thaanac ai phentrefydd, a thrigolion Megido ai phentrefydd: [sef] y tair talaith hynny.

¹²Ond ni allodd meibion Manasses orescyn y dinasoedd hynny: eithr mynnodd y Canaaneaid bresswylio yn y wlâd honno.

¹³Etto pan gryfhaodd meibion Israel yna hwynt a osodasant y Canaaneaid tann drêth: ond gan orescyn ni orescynnodd efe hwynt.

¹⁴Yna meibion Ioseph a lefarasant wrth Iosuah gan ddywedyd: pa ham y rhoddaist i mi yn etifeddiaeth vn afel, ac vn rhan, a minne yn bobl aml, wedi i’r Arglwydd hyd yn hyn fy mendithio i?

¹⁵Ac Iosuah a ddywedodd wrthynt, os pobl aml ydwyt dos i fynu i’r coed, a thorr [goed] it yno yng-wlâd y Phereziaid a’r cawri: od yw mynydd Ephraim yn gyfyng i ti.

¹⁶Yna meibion Ioseph a ddywedasant, ni bydd y mynydd ddigon i ni: hefyd [y mae] cerbydau heirn gan yr holl Canaaneaid y rhai ydynt yn trigo yn y dyffryn-dir [a] chan y rhai [ydynt] yn Bethsean, ai phen trefydd, a chan y rhai [ydynt] yng-lynn Iezrael.

¹⁷Ac Iosuah a ddywedodd wrth dy Ioseph, wrth Ephraim ac wrth Manasses gan ddywedyd: pobl aml ydwyt, a nerth mawr [sydd] gennit, na fydded it vn rhann [yn vnic,]

¹⁸Eithr bydded y mynydd eiddo ti, os coedoc yw, yna arloesa ef fel y byddo ei eithafoedd ef eiddo ti: canys ti a orescynni y Canaaneaid er [bod] cerbydau heirn ganddynt, [ac] er eu [bod] hwynt yn gryfion.