Read William Morgan Bible 1588 original edition Iosuah 18 Bible Online

Iosuah 18 - William Morgan Bible 1588 original edition bible

Iosuah 18

¹Gosodiad y tabernacl yn Siloh. 11 Rhan meibion Beniamin. Yna holl gynnulleidfa meibion Israel a ymgynnullasant i Siloh, ac a gyfleuasant yno babell y cyfarfod: wedi darostwng y wlâd oi blaen hwynt.

²A saith lwyth oeddynt yn aros ym mysc meibion Israel i’r rhai ni rannasent eu hetifeddiaeth.

³Yna Iosuah a ddywedodd wrth feibion Israel: pa hŷd yr ydych yn esceuluso myned i orescyn y wlâd yr hon a roddodd Arglwydd Dduw eich tadau i chwi?

⁴Moeswch o honoch dry-wŷr o [bob] llwyth: fel yr anfonwyf hwynt, ac y cyfodant, ac y rhodiant y wlad, ac y dosparthant hi yn ôl eu hetifeddiaeth hwynt, ac y delont attaf [drachefn.]

⁵Felly ymrannant ynddi yn saith ran: Iuda a saif ar ei derfyn o du’r dehau, a thŷ Ioseph safant ar eu terfyn o du’r gogledd.

⁶Pan ddosparthoch chwi y wlad yn saith ran, yna dygwch [y dosparthiadau] attafi ymma: fel y bwriwyf goel-bren trosoch ymma o flaen yr Arglwydd ein Duw.

⁷Canys ni [bydd] rhan i’r Lefiaid yn eich mysc chwi, o herwydd offeiriadaeth yr Arglwyd [fydd] ei etifeddiaeth ef: Gad hefyd, a Ruben a hanner llwyth Manasses a gymmerasant eu hetifeddiaeth o’r tu hwynt i’r Iorddonen o du’r dwyrain, yr hon a roddase Moses gwâs yr Arglwydd iddynt.

⁸Yna’r gwŷr a gyfodasant ac a aethant, ac Iosuah a orchymynnodd i’r rhai oeddynt yn myned i rannu y wlâd gan ddywedyd, ewch a rhodiwch drwy’r wlâd, a dosperthwch hi, a dychwelwch attafi, ac ymma y bwriaf drosoch chwi goel-bren ger bron yr Arglwydd yn Siloh.

⁹Felly y gwŷr a aethant ymmaith, ac a gerddasant drwy’r wlâd, ac ai scrifennasant hi bob yn ddinas yn saith ran mewn llyfr: yna y daethant at Iosuah i’r gwerssyll [yn] Siloh.

¹⁰Ac Iosuah a fwriodd goel-bren drostynt hwy ger bron yr Arglwydd yn Siloh: ac Iosuah a rannodd yno y wlâd i feibion Israel yn ôl eu rhannau.

¹¹A choel-bren llwyth meibion Beniamin a ddaeth i fynu yn ôl eu teuluoedd: a therfyn eu hetifeddiaeth hwynt a aeth allan rhwng meibion Iuda, a meibion Ioseph.

¹²A’r terfyn oedd iddynt hwy tua’r gogledd o’r Iorddonen: y terfyn hefyd oedd yn myned i fynu gan ystlys Iericho o du’r gogled, ac yn dringo drwy’r mynydd tua’r gorllewyn, ai gyrrau eithaf oeddynt yn anialwch Bethafen.

¹³Y terfyn hwnn hefyd sydd yn myned oddi yno i Luz, gan ystlys Luz tua’r deau, honno [yw] Bethel: a’r terfyn hwn sydd yn descyn i Ateroth Adar, tua’r mynydd yr hwn [sydd] o du’r dwyrain i Beth-horon isaf.

¹⁴Felly y terfyn sydd yn tueddu, ac yn amgylchu cilfach y môr tua’r dehau, o’r mynydd yr hwn [sydd] ar gyfer Beth-horon tua’r dehau, ai gyrrau eithaf ef [ydynt] wrth Ciriath Baal, honno [yw] Ciriath Iearim, dinas meibion Iuda: dymma du y gorllewyn.

¹⁵A thu y dehau [sydd] o gwrr Ciriath Iearim: a’r terfyn sydd yn myned tua’r gorllewyn, ac yn cyrhaeddyd hyd ffynnon dyfroedd Nephtoah.

¹⁶Y terfyn hwn hefyd sydd yn descyn tua chwrr y mynydd yr hwn [sydd] ar gyfer glynn mab Hinnom, yr hwn [sydd] yn nyffryn y cawri tua’r gogledd: ac y mae efe yn descyn [drwy]’r glynn Hinnom gan ystlys y Iebusiaid tua’r dehau, ac yn dyfod i wared i ffynnon Rogel.

¹⁷Ac y mae yn tueddu o’r gogledd, ac yn myned i Ensemes, ac yn cyrhaeddyd hyd Geliloth, yr hon[sydd]gyferbyn a rhiw Adummim: ac yn descyn [at] faen Bohan mab Ruben.

¹⁸Ac y mae efe yn myned ar hyd yr ystlys [yr hwn sydd] ar gyfer y rhôs tua’r gogledd, ac yn descyn i’r rhôs.

¹⁹Y terfyn hwn hefyd sydd yn myned rhacddo gan ystlys Beth-hoglah tua’r gogledd, a chwrr eithaf y terfyn oedd wrth lann y môr hêli tua r gogled, [ac] hyd gwrr yr Iorddonen tua’r dehau: dymma derfyn y dehau.

²⁰Yr Iorddonen hefyd sydd yn ei derfynu ef o ystlys y dwyrain: dymma etifeddiaeth meibion Beniamin drwy eu terfynau o amgylch yn ôl eu teuluoedd.

²¹A dinasoedd llwyth meibion Beniamin yn ôl eu teuluoedd oeddynt Iericho, a Bethhoglah, a glynn Ceziz.

²²Beth Arabah hefyd, a Semaraim, a Beth-el.

²³Afim hefyd, a Pharah, ac Ophrah.

²⁴A Chephar, Ammonai, ac Ophni, a Gaba: deuddec o ddinasoedd ai trefydd.

²⁵Gibeon, a Ramah, a Beeroth.

²⁶Mispeh hefyd, a Chephirah, a Mosa.

²⁷Recem hefyd, ac Irpeel, a Tharolah.

²⁸Zela hefyd, Eleph, ac Iebusi (honne [yw] Ierusalem) Gibeath [a] Chiriath pedair ar ddeg o ddinasoedd ai pentrefydd: dymma etifeddiaeth meibion Beniamin yn ôl eu teuluoedd.