Read William Morgan Bible 1588 original edition Iosuah 2 Bible Online

Iosuah 2 - William Morgan Bible 1588 original edition bible

Iosuah 2

¹Rahab yn derbyn iw thy, y rhai a yrrase Iosuah i edrych anfodd y wlâd. 14 Eu haddewid hwythau i Rahab. Yna Iosuah mab Nun a anfonase o Sittim ddau ŵr i chwilio yn ddirgel gan ddywedyd, ewch, edrychwch y wlâd, ac Iericho [hefyd:] a hwynt a aethant, ac a ddaethant i dŷ puttein-wraig, ai henw Rahab, ac a orphywysasant yno.

²A mynegwyd i frenin Iericho gan ddywedyd: wele, gwŷr a ddaethant ymma heno o feibion Israel i chwilio y wlâd.

³Yna brenin Iericho a anfonodd at Rahab gan ddywedyd: dŵg allan y gwŷr a ddaethant attat ti, y rhai a ddaethant i’th dŷ di, canys i chwilio’r holl wlâd y daethant.

⁴Ond y wraig a gymmerase y ddau ŵr ac ai cuddiase hwynt: am hynny hi a ddywedodd fel hyn: y gwŷr a ddaethant atafi, ond ni wyddwn i o ba le [y daethent] hwy.

⁵A phan gaewyd y porth yn y tywyllwch, yna y gwŷr a aethant allan, ni wn i ba le’r aeth y gwŷr: canlynwch yn fuan ar eu hôl hwynt, canys chwi ai goddiweddwch hwynt.

⁶Ond hi a barase iddynt ddringo i nenn y tŷ: ac ai cuddiase hwynt mewn bolldeidiau llîn y rhai oedd genddi wedi eu hysgafnu ar nenn y tŷ.

⁷A’r gwŷr a ganlynasant ar eu hol hwynt tua’r Iorddonen hyd y rhydoedd: a’r porth a agorwyd hwyn-gyntaf ac yr aeth y rhai oeddynt yn erlid ar eu hol hwynt allan.

⁸A chyn iddynt hwy gyscu: yna hi a ddringodd attynt hwy ar nenn y tŷ.

⁹A hi a ddywedodd wrth y gwŷr, mi a wn mai’r Arglwydd a roddodd i chwi y wlâd, o herwydd eich arswyd chwi a syrthiodd arnom ni: canys holl drigolion y wlad a ddihoenasant rhac eich ofn.

¹⁰Canys ni a glywsom fel y sychodd yr Arglwydd ddyfroedd y môr côch o’ch blaen chwi, pan aethoch allan o’r Aipht: a’r hyn a wnaethoch i ddau frenin yr Amoriaid y rhai [oeddynt] tu hwnt yr Iorddonen [sef] i Sehon, ac Og, y rhai a ddifrodasoch chwi.

¹¹Pan glywsom yna ein digalonnwyd fel na safodd mwyach gyssur yn neb rhac eich ofn: canys yr Arglwydd eich Duw sydd Dduw yn y nefoedd oddi vchod, ac ar y ddaiar oddi isod.

¹²Yn awr gan hynny tyngwch attolwg wrthif i’r Arglwydd o herwydd i mi wneuthur trugaredd a chwi, y gwnewch chwithau hefyd drugaredd a thylwyth fy nhad inne, ac y rhoddwchi mi arwydd gwîr,

¹³Ac y cedwch yn fyw fy nhad, a’m mam, fy mrodyr hefyd, a’m chwiorydd, a’r hyn oll [sydd] ganddynt: ac y gwaredwch ein henioes rhac angeu.

¹⁴A’r gwŷr a ddywedasant wrthi: ein henioes [a roddwn] i farw drosoch, (os chwi ni fynegwch ein ymadrodd hyn) pan roddo’r Arglwydd i ni y wlâd hon, oni wnawn a chwi drugaredd a gwirionedd.

¹⁵Yna hi ai gollyngodd hwynt i wared wrth raff drwy y ffenestr canys ei thŷ hi [oedd] o fewn mûr y ddinas, ac yn y mûr yr oedd hi yn trigo.

¹⁶A hi a ddywedodd wrthynt, ewch i’r mynydd rhac i’r erlidwŷr gyfarfod a chwi: ac ymguddiwch yno dri-diau nes dychwelyd o’r erlidwŷr, ac wedi hynny ewch i’ch ffordd.

¹⁷A’r gwŷr a ddywedasant wrthi: diniwed [fyddwn] ni oddi wrth dy lw ymma [drwy] yr hwn i’n tyngaist.

¹⁸Wele pan ddelom ni i’r wlâd: rhwyma y llinin ymma o edyf gôch yn y ffenestr yr hon y gollyngaist ni drwyddi, cascl hefyd dy dâd, a’th fam, a’th frodyr, a holl dŷ-lwyth dy dad atat i’r tŷ ymma.

¹⁹A phwy bynnac a’r a êl o ddryssau dy dŷ di allan, ei waed ef [fydd] ar ei benn ei hun, aninnau yn ddiniwed: a phwy bynnac fyddo gyd a thi yn tŷ [bydded] ei waed ef ar ein pennau ni, o bydd llaw yn ei erbyn ef.

²⁰Ac os mynegi di ein ymadrodd hynn: yna y byddwn ddiniwed oddi wrth dy lw [drwy] yr hwn i’n tyngaist.

²¹A hi a ddywedodd, yn ôl eich geiriau felly [y byddo] hynny: yna hi ai gollyngodd hwynt, a hwy a aethant ymmaith: a hi a rwymodd y llinin côch yn y ffenestr.

²²Yna hwynt a aethant, ac a ddaethant i’r mynydd, ac a arhosasant yno dri-diau nes i’r erlidwŷr ddychwelyd: a’r erlidwŷr ai ceisiasant ar hyd yr holl ffordd, ond nis cawsant.

²³Felly y ddau ŵr a ddychwelasant, ac a ddescynnasant o’r mynydd, aethant hefyd trosodd, a daethant at Iosuah fab Nun: a mynegasant iddo yr hyn oll a ddigwyddase iddynt.

²⁴A dywedasant wrth Iosuah, yn ddiau’r Arglwydd a roddodd yr holl wlâd yn ein dwylo ni: canys holl drigolion y wlad a ddihoenasant rhac ein hofn ni.