Read William Morgan Bible 1588 original edition Iosuah 23 Bible Online

Iosuah 23 - William Morgan Bible 1588 original edition bible

Iosuah 23

¹Iosuah yn cynghori i’r bobl ymgadw rhag gau-dduwiaeth y cenhedloedd. A Darfu yn ôl dyddiau lawer wedi i’r Arglwydd roddi llonyddwch i Israel gan ei holl elynnion o amgylch: yna i Iosuah heneiddio [a] myned yn oedrannus.

²Ac Iosuah a alwodd am holl Israel, am eu henuriaid, ac am eu pennaethiaid, am eu barnwyr hefyd, ac am eu swyddogion: ac efe a ddywedodd wrthynt, myfi a heneiddiais [ac] a euthum yn oedrannus.

³Chwitheu hefyd a welsoch yr hyn oll a wnaeth yr Arglwydd eich Duw i’r holl genhedloedd hynny er eich mwyn chwi: canys yr Arglwydd eich Duw [yw] yr hwn sydd yn ymladd trosoch.

⁴Gwelwch, darostyngais i chwi y cenhedloedd hynny y rhai a adawyd yn etifeddiaeth i’ch llwythau chwi: o’r Iorddonen, a’r holl genhedloedd y rhai a dorrais i ymmaith hyd y môr mawr o fachludiad yr haul.

⁵A’r Arglwydd eich Duw ai hymlid hwynt o’ch blaen chwi, ac ai gorescyn hwynt o’ch gŵydd chwi: fel yr etifeddoch eu gwlâd hwynt’megis y dywedodd yr Arglwydd eich Duw wrthych.

⁶Am hynny ymŵrolwch yn lew i gadw, ac i wneuthur y cwbl a’r y sydd scrifennedic yn llyfr cyfraith Moses: na chiliwch oddi wrthynt tua’r llaw ddehau, na’r llaw asswy.

⁷Na chyd-ymgyfeillwch a’r cenhedloedd ymma, y rhai a adawyd gyd a chwi: ac na chofiwch am enw eu duwiau hwynt, ac na thyngwch [iddynt,] na wasanaethwch hwynt y chwaith, ac nac ymgrymmwch iddynt.

⁸Onid yn yr Arglwydd eich Duw yr ymlynwch: fel y gwnaethoch hyd y dydd hwn.

⁹Canys yr Arglwydd a orescynnodd o’ch blaen chwi genhedloedd mawrion, a nerthol: (ac am danoch chwi) ni safodd neb yn eich wynebau chwi hyd y dydd hwn.

¹⁰Un gŵr o honoch a erlid fil, canys yr Arglwydd eich Duw yw’r hwn sydd yn ymladd trosoch, fel y llefarodd efe wrthych.

¹¹Ymgedwch gan hynny yn ddyfal er mwyn eich eneidiau, i garu’r Arglwydd eich Duw.

¹²Canys os gan ddychwelyd y dychwelwch, ac yr ymlynwch wrth weddill y cenhedloedd ymma, y rhai a adawyd gyd a chwi: os ymgyfathrechwch a hwynt, ac [os] deuwch i mewn attynt hwy, a hwyntau attoch chwithau,

¹³Gan wybed gwybyddwch na orescyn yr Arglwydd eich Duw y cenhedloedd hyn mwyach o’ch blaen chwi: onid byddant i chwi yn fagl, ac yn dramgwydd, ac yn ffrywill yn eich ystlysau, ac yn ddrain yn eich llygaid, nes eich difa chwi o’r wlâd dda ymma’r hon a roddodd yr Arglwydd eich Duw i chwi.

¹⁴Ac wele fi yn myned heddyw i ffordd yr holl fyd: am hynny gwybyddwed a’ch holl galon, ac a’ch holl enaid na phallodd vn gair o’r holl eiriau daionus y rhai a lefarodd yr Arglwydd eich Duw am danoch chwi, hwynt oll a ddaethant i chwi, ni phallodd vn gair o honynt.

¹⁵Ac fel y daeth i chwi bob peth daionus a’r a addawodd yr Arglwydd eich Duw wrthych: felly y dwg yr Arglwydd arnoch chwi bob peth drygionus nes eich difa chwi o’r wlâd dda ymma, yr hon a roddodd yr Arglwydd eich Duw i chwi:

¹⁶Pan drosseddoch gyfammod yr Arglwydd eich Duw’r hwn a orchymynnodd efe i chwi, a [phan] rodioch, a gwasanaethu duwiau dieithr, ac ymgrymmu iddynt: yna y llidia digofaint yr Arglwydd yn eich erbyn chwi, ac y cyfergollir chwi yn ebrwydd o’r wlâd dda ymma yr hon a roddodd efe i chwi.