Read William Morgan Bible 1588 original edition Iosuah 24 Bible Online

Iosuah 24 - William Morgan Bible 1588 original edition bible

Iosuah 24

¹Iosuah wedi iddo fynegu daioni Duw i’r bobl, ai hannog hwythau i ofni Duw, yn marw. Yna Iosuah a gynnullodd holl lwythau Israel i Sichem: ac a alwodd am henuriaid Israel, ac am eu pennaethiaid, ac am eu barnwŷr, ac am eu swyddogion, a hwynt a safasant ger bron Duw.

²A dywedodd Iosuah wrth yr holl bobl fel hyn y dywedodd Arglwydd Dduw Israel, tu hwnt i afon [Euphrates] y trigodd eich tadau chwi gynt [sef] Tarah tad Abraham, a thad Nachor: a gwasanaethasant dduwiau dieithr.

³Ond mi a gymmerais eich tâd Abraham o’r tu hwnt i’r afon, ac ai harweiniais ef drwy holl wlâd Canaan: amlheais hefyd ei hâd ef, a rhoddais iddo Isaac.

⁴I Isaac hefyd y rhoddais Iacob, ac Esau: ac i Esau y rhoddais fynydd Seir iw etifeddu, ond Iacob ai feibion a aethant i wared i’r Aipht.

⁵Ac mi a anfonais Moses ac Aaron, ac a darewais yr Aiphtiaid: pan wneuthum [hynny] yn eu mysc, wedi hynny y dugum chwi allan.

⁶Felly y dugum eich tadau chwi o’r Aipht nes eich dyfod hyd y môr: a’r Aiphtiaid a erlidiasant ar ôl eich tadau a cherbydau, ac a gwyr meirch hyd y môr côch.

⁷Yna y gwaeddasant ar yr Arglwydd, ac efe a osododd dywyllwch rhyngoch chwi a’r Aiphtiaid, ac efe a ddûg y môr arnynt hwy ac ai gorchguddiodd, eich llygaid chwi hefyd a welsant yr hyn a wneuthum yn yr Aipht: trigasoch hefyd yn yr anialwch ddyddiau lawer.

⁸Ac mi a’ch dugais i wlâd yr Amoriaid y rhai oeddynt yn trigo o’r tu hwnt i’r Iorddonen a hwynt a ymladdasant i’ch erbyn: ond myfi ai rhoddais hwynt yn eich llaw chwi fel y gorescynnasoch eu gwlâd hwynt, a minne ai difethais hwynt o’ch blaen chwi.

⁹Balac hefyd mab Ziphor brenin Moab a gyfododd, ac a ryfelodd yn erbyn Israel: ac efe a anfouodd, ac a alwodd am Balaam fab Peor i’ch melldîgo chwi.

¹⁰Ond ni fynnais i wrando ar Balaam: eithr gan fendithio y bendithiodd efe chwi, felly y gwaredais chwi oi law ef.

¹¹A chwi a aethoch tros yr Iorddonen, ac a ddaethoch i Iericho a gwŷr Iericho a ymladdasant i’ch erbyn, yr Amoriaid, a’r Phereziaid, a’r Canaaneaid, a’r Hechiaid, a’r Girgaziaid, yr Hefiaid a’r Iebusiaid: ac mi ai’rhoddais hwynt yn eich llaw chwi.

¹²Ac mi a anfonais gaccwn o’ch blaen chwi, a’r [rhai hynny] ai gyrrodd hwynt allan o’ch gŵydd chwi, [sef] dau frenin yr Amoriaid: nid a’th gleddyf di, ac nid a’th fwa.

¹³A mi a roddais i chwi wlâd yr hon ni lafuriasoch ynddi, a dinasoedd y rhai nid adailadasoch, ac yr ydych yn trigo ynddynt: y gwinllannoedd, a’r olew lannoedd y rhai ni phlannasoch yr ydych yn [eu] bwyta.

¹⁴Yn awr gan hynny ofnwch yr Arglwydd a gwasanaethwch ef mewn perffeithrwydd, a gwirionedd: a bwriwch ymmaith y duwiau y rhai a wasanaethodd eich tadau o’r tu hwnt i’r afon, ac yn yr: Aipht, a gwasanaethwch yr Arglwydd.

¹⁵Ac od yw ddrwg yn eich golwg wasanaethu’r Arglwydd, dewiswch iwch heddyw pa vn a wasanaethwch ai’r duwiau y rhai a wasanaethodd eich tadau, y rhai [oeddynt] o’r tu hwnt i’r Iorddonenn, ai ynte duwiau’r Amoriaid y rhai’r ydych yn trigo yn eu gwlâd: ond myfi mi a’m tŷlwyth a wasanaethwn yr Arglwydd.

¹⁶Yna’r attebodd y bobl ac y dywedodd, na atto Duw i ni wrthod yr Arglwydd, i wasanaethu duwiau dieithr.

¹⁷Canys yr Arglwydd ein Duw yw’r hwn a’n dûg ni i fynu a’n tadau o wlâd yr Aipht o dŷ’r caethiwed: a’r hwn a wnaeth y rhyfeddodau mawrion hynny yn ein gŵydd ni, ac a’n cadwodd ni ym mhob ffordd a’r a rodiasom ynddi, ac ym mysc yr holl bobloedd y rhai y trammwyasom yn eu plith.

¹⁸Yr Arglwydd hefyd a yrrodd allan yr holl bobloedd, a’r Amoriaid presswylwŷr y wlâd o’n blaen ni: am hynny ninneu a wasanaethwn yr Arglwydd, canys efe [yw] ein Duw ni.

¹⁹Ac Iosuah a ddywedodd wrth y bobl, ni ellwch wasanaethu’r Arglwydd: canys Duw sancteiddiol [yw] efe: Duw eiddigus yw, nid arbed efe eich anwiredd na’ch pechodau.

²⁰O gwrthodwch yr Arglwydd, a gwasanaethu duwiau dieithr: yna efe a ddychwel, ac a’ch dryga chwi, ac efe a’ch difa chwi wedi gwneuthur i chwi ddaioni.

²¹A’r bobl a ddywedodd wrth Iosuah: nage, eithr ni a wasanaethwn yr Arglwydd.

²²A dywedodd Iosuah wrth y bobl, tystion ydych yn eich erbyn eich hun, ddewis o honoch i chwi’r Arglwydd iw wasanaethu: yna y dywedasant hwythau tystion [ydym.]

²³Am hynny yn awr [eb efe] bwriwch ymmaith y duwiau dieithr y rhai [ydynt] yn eich mysc chwi: a gostyngwch eich calon at Arglwydd Dduw Israel.

²⁴A’r bobl a ddywedasant wrth Iosuah: yr Arglwydd ein Duw a wasanaethwn, ac ar ei lais ef y gwrandawn.

²⁵Felly Iosuah a wnaeth gyfammod a’r bobl y dwthwn hwnnw: ac a osododd iddynt ddeddfau, a barnedigaethau yn Sichem.

²⁶Ac Iosuah a scrifennodd y geiriau hynn yn llyfr cyfraith Dduw: ac efe a gymmerth faen mawr, ac ai cyfleuodd ef yno tann y dderwen yr hon [oedd] yng-hyssegr yr Arglwydd.

²⁷Iosuah hefyd a ddywedodd wrth yr holl bobl, wele y maen hwn fydd yn destiolaeth rhyngom ni: canys efe a glywodd holl eiriau’r Arglwydd y rhai a lefarodd efe wrthym: gan hynny bydded efe yn destiolaeth rhyngoch chwi rhac i chwi wadu eich Duw chwi.

²⁸Yna Iosuah a ollyngodd y bobl, bob vn iw etifeddiaeth.

²⁹Ac wedi y pethau hyn y bu farw Iosuah mab Nun, gwâs yr Arglwydd: yn fab dengmlwydd a chant.

³⁰A hwynt ai claddasant ef yn herfyn ei etifeddiaeth o fewn * Timnath-serah, yr hon [oedd] ym mynydd Ephraim: o du’r gogledd i fynydd Gaas.

³¹Ac Israel a wasanaethodd yr Arglwydd holl ddyddiau Iosuah: a holl ddyddiau’r henuriaid y rhai a fuant fyw ar ôl Iosuah, a’r rhai a adwaenent holl waith yr Arglwydd yr hwn a wnaethe efe er Israel.

³²Ac escyrn Ioseph y rhai a ddugase meibion Israel i fynu o’r Aipht a gladdasant hwy yn Sichem mewn rhan o’r maes yr hwn a brynnase Iacob gan feibion Hemor tad Sichem er cant [darn] o arian: a buant i feibion Ioseph yn etifeddiaeth.

³³Eleazar hefyd mab Aaron a fu farw: a chladdasant ef ym mrynn Phinees ei fab; yr hwn [frynn] a roddasid iddo ef ym mynydd Ephraim.