Read William Morgan Bible 1588 original edition Iosuah 4 Bible Online

Iosuah 4 - William Morgan Bible 1588 original edition bible

Iosuah 4

¹Yr Arglwydd yn peri gosod deuddec o feini yn eu sefyll i arwyddoccau treiddiad meibion Israel trwy yr Iorddonen. A phan ddarfu i’r holl genedl fyned trwy yr Iorddonen: (canys llefarase yr Arglwydd wrth Iosuah gan ddywedyd,

²Cymmerwch i chwi ddeuddeng-ŵr o’r bobl: vn gŵr o bob llwyth.

³A gorchymynnwch iddynt gan ddywedyd cymmerwch i chwi oddi ymma, o ganol yr Iorddonen, o’r fann y mae traed yr offeiriaid yn sefyll y rhai ydynt yn daclus, ddeuddec o gerric: a throsgludwch hwynt gyd a chwi, a chyfleuwch hwynt yn y lle yr hwn y lleteuwch ynddo heno. )

⁴Yna Iosuah a alwodd am y ddeuddengwr y rhai a baratoase efe o feibion Israel: vn gŵr o bob llwyth.

⁵A dywedodd Iosuah wrthynt, ewch trosodd o flaen Arch yr Arglwydd eich Duw drwy ganol yr Iorddonen: a chodwch i chwi bob vn ei garrec ar ei yscwydd, yn ôl rhifedi llwythau meibion Israel.

⁶Fel y byddo hyn yn arwydd yn eich mysc chwi: pan ofynno eich meibion chwi ryw amser gan ddywedyd, beth [y mae] y cerric hyn [yn ei arwyddoccau] i chwi?

⁷Yna y dywedwch wrthynt, mai dyfroedd yr Iorddonen a holltwyd o flaen Arch cyfammod yr Arglwydd, [canys] tra fu hi yn myned trwy’r Iorddonen, dyfroedd yr Iorddonen a holltwyd: am hynny y mae y cerric hyn yn goffadwriaeth i feibion Israel byth.

⁸A meibion Israel a wnaethant felly fel y gorchymynnase Iosuah, ac a gymmerasant ddeuddec carrec o ganol yr Iorddonen, fel y llefarase yr Arglwydd wrth Iosuah yn ol rhifedi llwythau meibion Israel: ac ai trosgludasant gyd a hwynt i’r lletŷ, ac ai cyfleuasant yno.

⁹Ac Iosuah a osododd i fynu ddeuddec carrec yng-hanol yr Iorddonen yn y lle [’r oedd] traed yr offeiriaid (y rhai oeddynt yn dwyn Arch y cyfammod) yn sefyll: ac y maent yno hyd y dydd hwn.

¹⁰Felly yr offeiriaid y rhai oeddynt yn dwyn yr Arch a safasant yng-hanol yr Iorddonen nes gorphen pob peth a’r a orchymynnase yr Arglwydd i Iosuah lefaru wrth y bobl, ym ôl yr hyn oll a orchymynnase Moses wrth Iosuah: yna y bobl a fryssiasant, ac a aethant trwodd.

¹¹A phan ddarfu i’r holl bobl fyned trwodd: yna Arch yr Arglwydd a aeth trwodd, a’r offeiriaid yng-ŵydd y bobl.

¹²Meibion Ruben hefyd a meibion Gad, a hanner llwyth Manasses a dreiddiasant yn arfogion o flaen meibion Israel: fel y llefarase Moses wrthynt.

¹³Yng-hylch deugain-mil yn arfogion i’r filwriaeth a aethant trwodd o flaen yr Arglwydd i ryfel i rossydd Iericho.

¹⁴Y dwthwn hwnnw yr Arglwydd a fawrhaodd Iosuah yng-olwg holl Israel: a hwynt ai hofnasant ef fel yr ofnasent Moses holl ddyddiau ei enioes.

¹⁵A’r Arglwydd a lefarodd wrth Iosuah gan ddywedyd,

¹⁶Gorchymyn di i’r offeiriaid y rhai ydynt yn dwyn Arch y destiolaeth, ddyfod o honynt i fynu o’r Iorddonen.

¹⁷Am hynny Iosuah a orchymynnodd i’r offeiriaid gan ddywedyd: deuwch i fynu o’r Iorddonen.

¹⁸A phan ddaeth yr offeiriaid (y rhai oeddynt yn dwyn Arch cyfammod yr Arglwydd) i fynu o ganol yr Iorddonen [er cynted] y sangodd gwadnau traed yr offeiriaid ar y sych-dir yna dyfroedd yr Iorddonen a ddychwelasant iw lle, ac a aethant megis cynt dros ei holl dorlannau.

¹⁹Felly y bobl a ddaethant i fynu o’r Iorddonen y decfed [dydd] o’r mis cyntaf: ac a werssyllasant yn Gilgal, yn y cwrr eithaf o du’r dwyrain i Iericho.

²⁰A’r deuddec carrec hynny y rhai a ddugasent o’r Iorddonen a sefydlodd Iosuah yn Gilgal.

²¹Ac efe a lefarodd wrth feibion Israel gan ddywedyd: pan ofynno eich meibion chwi ryw amser iw tadau gan ddywedyd, beth [yw] y cerric hynn?

²²Yna yr hyspysswch i’ch meibion gan ddywedyd: Israel a aeth drwy’r Iorddonen hon ar dîr sych.

²³Canys yr Arglwydd eich Duw chwi a sychodd ddyfroedd yr Iorddonen o’ch blaen chwi nes i chwi fyned trwodd: megis y gwnaeth yr Arglwydd eich Duw i’r môr coch yr hwn a sychodd efe o’n blaen ni, nes i ni fyned trwodd.

²⁴Fel y gwypo holl bobloedd y ddaiar mai llaw’r Arglwydd sydd nerthol: fel yr ofnoch yr Arglwydd eich Duw yr holl ddyddiau.