Read William Morgan Bible 1588 original edition Iosuah 6 Bible Online

Iosuah 6 - William Morgan Bible 1588 original edition bible

Iosuah 6

¹Duw yn rhoddi Iericho yn llaw Iosuah. 22 yntef yn peri cadw yr addewid a wnelsid i Rahab. 26 Dialedd Duw ar yr hwn a adailade Iericho trachefn. Ac Iericho oedd yn gaeedic, ac yn argaeedic rhac ofn meibion Israel: nid oedd [neb] yn myned allan, nac yn dyfod i mewn.

²A’r Arglwydd a ddywedodd wrth Iosuah, gwêl rhoddais yn dy law di Iericho ai brenin: [a] chedyrn y llu.

³Gan hynny amgylchwch y ddinas [chwi] ryfel-wŷr oll, gan amgylchynu y ddinas vn waith: gwnewch felly chwe diwrnod.

⁴A dyged saith o offeiriaid saith o vdcyrn o gyrn hyrddod o flaen yr Arch, a’r seithfed dydd yr amgylchwch y ddinas saith waith: alleisied yr offeiriaid a’r vdcyrn.

⁵A phan gênir yn hirllaes a chorn yr hwrdd, [a] phan glywoch chwithau sain yr vdcorn bloeddied yr holl bobl a bloedd vchel: yna y syrth mûr y ddinas tani hi, ac eled y bobl i fynu bawb ar ei gyfer.

⁶Yna Iosuah mab Nun a alwodd ar yr offeiriaid, ac a ddywedodd wrthynt dygwch Arch y cyfammod: a dyged saith o offeiriaid saith o vdcyrn o gyrn hyrddod o flaen Arch yr Arglwydd.

⁷Ac efe a ddywedodd wrth y bobl cerddwch, ac amgylchwch y ddinas: a’r hwn sydd arfog eled o flaen Arch yr Arglwydd.

⁸A phan ddywedodd Iosuah wrth y bobl, yna y saith offeiriaid a ddugasant saith o vdcyrn o gyrn hyrddod, ac a gerddasant o flaen [Arch] yr Arglwydd, ac a leisiasant mewn vdcyrn: ac Arch cyfammod yr Arglwydd oedd yn myned ar eu hol hwynt.

⁹A’r rhai arfogion oeddynt yn myned o flaen yr offeiriaid y rhai oeddynt yn lleisio mewn vdcyrn: yna y fyddin olaf oedd yn myned ar ôl yr Arch dann gerdded, a thann leisio mewn vdcyrn.

¹⁰Ac Iosuah a orchymynnase i’r bobl gan ddywedyd, na waeddwch, ac na edwch glywed eich llais, ac nac eled gair allan o’ch genau, hyd y dydd y dywedwyf wrthych, gwaeddwch, a bloeddiwch.

¹¹Felly Arch yr Arglwydd a amgylchodd y ddinas gan [ei] hamgylchynu vnwaith: yna y daethant i’r gwerssyll, ac y lleteuasant yn y gwerssyll.

¹²Ac Iosuah a gyfododd yn forau: a’r offeiriaid a ddugasant Arch yr Arglwydd.

¹³A’r saith offeiraid oeddynt yn dwyn saith o vdcyrn o gyrn hyrddod o flaen Arch yr Arglwydd yn myned dann gerdded, ac yn lleisio mewn vdcyrn: a’r rhai arfogion oeddynt yn myned oi blaen hwynt a’r fyddin olaf oedd yn myned ar ol Arch yr Arglwydd dann gerdded, a lleisio mewn vdcyrn.

¹⁴Felly’r amgylchynasant y ddinas vn waith yr ail dydd, a dychwelasant i r gwerssyll: fel hyn y gwnaethant [dros] chwe diwrnod.

¹⁵Ac ar y seithfed dydd y cyfodasant yn forau ar godiad y wawr, ac yr amgylchasant y ddinas y modd hwnnw, saith waith: yn vnic y dwthwn hwnnw’r amgylchasant y ddinas seith-waith.

¹⁶A phan leisiodd yr offeiriaid yn eu hudcyrn y seithfed waith, yna Iosuah a ddywedodd wrth y bobl: gwaeddwch canys rhoddodd yr Arglwydd y ddinas i chwi.

¹⁷A’r ddinas fydd yn ddiofryd-beth, hi a’r hyn oll [sydd] ynddi i’r Arglwydd: yn vnic Rahab y buttein-wraig fydd byw, hi a chwbl ar y [sydd] gyd a hi yn tŷ, canys hi a guddiodd y cennadau y rhai a anfonasom ni.

¹⁸Er hynny ymgedwch chwi oddi wrth y diofryd-beth rhac eich gwneuthur eich hun yn ddiofryd-beth os cymmerwch o’r diofryd-beth: felly y gosodech werssyll Israel yn ddiofrydbeth, ac y difwynech-ef.

¹⁹Ond yr holl arian, a’r aur, a’r llestri prês, ar haiarn fyddant gyssegredic i’r Arglwydd: deled [y rhai hynny] i mewn i dryssor yr Arglwydd.

²⁰Yna y gwaeddodd y bobl, ac y lleisiasant mewn vdcyrn: a phan glybu y bobl lef yr vdcyrn, yna y bobl a waeddasant a llef vchel, a’r mûr a syrthiodd i lawr oddi tanodd, felly y bobl a aethant i fynu i’r ddinas, pob vn ar ei gyfer, ac a ennillasant y ddinas.

²¹A hwynt a ddifrodasant yr hyn oll [oedd] yn y ddinas yn ŵr ac yn wraig, yn fachgen, ac yn henafgwr: yn eidion ac yn ddafad, ac yn assyn a mîn y cleddyf.

²²Ac Iosuah a ddywedodd wrth y ddau ŵr y rhai a fuasent yn edrych ansodd y wlad, ewch i dŷ y buttein-wraig: a dygwch allan oddi yno y wraig a’r hyn oll [sydd] iddi, fel y tyngasoch wrthi.

²³Felly y llangciau y rhai fuasent yn edrych ansodd [y wlad] a ddaethant i mewn, ac a ddugasant allan Rahab, ai thad, ai mam, ai brodyr, a chwbl ar a fedde hi, dugasant allan hefyd ei holl dylwyth: a chyfleuasant hwynt o’r tu allan i werssyll Israel.

²⁴A lloscasant y ddinas a thân, a’r hyn oll [oedd] ynddi: yn vnic yr arian, a’r aur, a’r llestri prês, a’r haiarn a roddasant hwy yn nhryssor dŷ’r Arglwydd.

²⁵Felly y cadwodd Iosuah yn fyw Rahab y buttein-wraig, a thylwyth ei thad, a’r hyn oll [oedd] genddi, a hi a drigodd ym mysc Israel hyd y dydd hwn: am iddi guddio y cennadau y rhai a anfonase Iosuah i chwilio Iericho.

²⁶Ac Iosuah a dyngodd y pryd hynny gan ddywedyd: melldigedic ger bron yr Arglwydd [fyddo]’r gŵr yr hwn a gyfyd, ac a adailada y ddinas hon sef Iericho: yn ei gyntaf-anedic y seilia efe hi, ac yn ei [fab] ieuangaf y sefylla efe ei phyrth hi.

²⁷Felly yr Arglwydd oedd gyd ag Iosuah: fel y bu ei glod ef drwy’r holl ddaiar.