Read William Morgan Bible 1588 original edition Iosuah 8 Bible Online

Iosuah 8 - William Morgan Bible 1588 original edition bible

Iosuah 8

¹Iosuah yn gwarche, ac yn ennill Ai. 29 Ac yn crogi ei brenin. 30 Yn adailadu allor. 32 Yn scrifennu, ac yn cyhoeddi y gyfraith i’r bobl. Yna yr Arglwydd a ddywedodd wrth Iosuah nac ofna, ac na arswyda, cymmer gyd a thi yr holl bobl ryfeloc, a chyfot, dos i fynu i Ai: gwêl, mi a roddais yn dy law di frenin Ai, ai bobl, ei ddinas hefyd ai wlâd:

²Fel y gwnelech i Ai ai brenin megis y gwnaethost i Iericho, ac iw brenin, etto * ei hanrhaith, ai hanifeiliaid a sclyfaethwch i chwi: gosot ti gynllwyn yn erbyn y ddinas o’r tû ôl iddi.

³Yna Iosuah a gyfododd a’r holl bobl ryfeloc i fyned i fynu i Ai: ac Iosuah a ddetholodd ddeng-mil ar hugain o wŷr cedyrn nerthol, ac ai hanfonodd ymmaith liw nôs.

⁴Ac efe a orchymynnodd iddynt gan ddywedyd, gwelwch, chwi a gynllwynwch yn erbyn y ddinas o’r tu ôl i’r ddinas, nac ewch ymmhell iawn oddi wrth y ddinas, and byddwch bawb oll yn barod.

⁵Minne hefyd, a’r holl bobl y rhai [ydynt] gyd a mi a nessawn ar y ddinas: a phan elont allan i’n cyfarfod ni megis y waith gyntaf, yna ni a ffoiwn oi blaen hwynt.

⁶Canys hwynt a ddeuant allan ar ein hôl ni, nes i’ni eu tynnu hwynt allan o’r ddinas, o blegit hwynt a ddywedant, ffoi y maent o’n blaen ni fel y waith gyntaf: felly y ffoiwn oi blaen hwynt.

⁷Yna chwi a godwch o’r cynllwyn, ac a orescynnwch y ddinas: canys yr Arglwydd eich Duw ai dyru hi yn eich llaw chwi.

⁸A phan ennilloch y ddinas, lloscwch y ddinas a thân, gwnewch yn ôl gair yr Arglwydd: gwelwch mi a orchymynnais i chwi.

⁹Felly Iosuah ai hanfonodd, a hwynt a aethant i gynllwyn, ac a arhosasant rhwng Bethel ac Ai, o du yr gorllewyn i Ai: ac Iosuah a leteuodd y nosson honno ym mysc y bobl.

¹⁰Ac Iosuah a gyfododd yn forau, ac a gyfrifodd y bobl: ac efe a aeth i fynu a henuriaid Israel o flaen y bobl [tuag at] Ai.

¹¹A’r holl bobl ryfeloc y rhai [oeddynt] gyd ag ef a aethant i fynu, ac a nessasant, daethant hefyd yn erbyn y ddinas: a gwerssyllasant o du’r gogledd i Ai, a glynn [oedd] rhyngddynt hwy ac Ai.

¹²Ac efe a gymmerth yng-hylch pum mil o wŷr: ac ai gosododd hwynt i gynllwyno rhwng Bethel ac Ai, o du’r gorllewyn i’r ddinas.

¹³A’r bobl a osodasant yr holl werssyllau y rhai [oeddynt] o du’r gogledd i’r ddinas, a’r rhann olaf o honynt o du’r gorllewyn i’r ddinas: ac Iosuah a aeth y nosson honno i ganol y dyffryn.

¹⁴A phan welodd brenin Ai [hynny,] yna gwyr y ddinas a fryssiasant ac a foreu-godasant, aethant hefyd allan i gyfarfod Israel i ryfel, efe ai holl bobl ar yr amser nodedic, ar hyd wyneb y gwastadedd: canys ni wydded efe fod cynllwyn iddo o’r tu ol i’r ddinas.

¹⁵Yna Iosuah, a holl Israel [fel pes] tarawsid hwy oi blaen hwynt a ffoasant tua yr anialwch.

¹⁶A’r holl bobl y rhai [oeddynt] yn y ddinas a gynhullwyd i erlid ar eu hôl hwynt: a hwynt a erlidiasant ar ôl Iosuah, felly y lluscwyd hwynt o’r ddinas.

¹⁷Ac ni adawyd gŵr yn Ai, nac [yn] Bethel a’r nad aethant allan ar ôl Israel: a gadawsant y ddinas yn agored, ac erlidiasant ar ôl Israel.

¹⁸Yna yr Arglwydd a ddywedodd wrth Iosuah, estyn y waiw-ffon yr hon [sydd] yn dy law tuac at Ai, canys yn dy law di y rhoddaf hi: ac Iosuah a estynnodd y waiw-ffon yr hon [oedd] yn ei law tua’r ddinas.

¹⁹A’r cynllwyn-wŷr a gyfodasant yn ebrwydd oi lle, ac a redasant pan estynnodd efe ei law, daethant hefyd i’r ddinas, ac ennillasant hi: a hwynt a fryssiasant, ac a loscasant y ddinas a thân.

²⁰A gwŷr Ai a droesant yn eu hôl, ac a edrychasant, ac wele mwg y ddinas a dderchafodd hyd y nefoedd, ac nid [oedd] ganddynt hwy fôdd i ffoi ymma, nac accw: canys y bobl y rhai a ffoasent i’r anialwch a ddychwelodd yn erbyn y rhai oeddynt yn erlid.

²¹Pan welodd Iosuah, a holl Israel i’r cynllwyn-wŷr ennill y ddinas, a derchafu o fŵg y ddinas: yna hwynt a ddychwelasant, ac a darawsant wŷr Ai.

²²A hwyntau [y rhai oeddynt] yn y ddinas a aethant allan iw cyfarfod, felly’r oeddent yng-hanol Israel, y rhai hyn o’r tu ymma, a’r lleill o’r tu accw: a tharawsant hwy fel na adawyd [vn] yng-weddill, nac yn ddiangol o honynt.

²³Ond brenin Ai a ddaliasant yn fyw: a dugasant ef at Iosuah.

²⁴Pan ddarfu i Israel ladd holl bresswylwŷr Ai yn y maes, [ac] yn yr anialwch yr hwn yr er lidiasid hwynt ynddo, a [phan] syrthiasent hwy oll gan fin y cleddyf nes eu darfod: yna holl Israel a ddychwelasant i Ai, a tharawsant hi a mîn y cleddyf.

²⁵A chwbl a’r a syrthiasant y dwthwn hwnnw yn wŷr ac yn wragedd oeddynt ddeuddengmil: [sef] gwŷr Ai oll.

²⁶Canys ni thrôdd Iosuah trachefn ei law’r hon a estynnase efe gyd a’r waiw-ffon: nes defetha holl drigolion Ai.

²⁷Yn * vnic yr anifeiliaid ac anrhaith y ddinas asclysaethodd yr Israeliaid iddynt eu hun: yn ôl gair yr Arglwydd yr hwn a orchymynnase efe i Iosuah.

²⁸Ac Iosuah a loscodd Ai: ac ai gosododd hi yn garnedd dragywydd [ac] yn diffaethwch 91 hyd y dydd hwn.

²⁹Ac efe a grogodd frenin Ai ar y prenn hyd yr hwyr: ac yng-hylch machludiad yr haul y gorchymynnod Iosuah iddynt ddescyn ei gelain ef oddi ar y pren, ai bwrw i ddrws porth y ddinas, a gosodasant garnedd fawr o gerric arni hyd y dydd hwn.

³⁰Yna Iosuah a adailadodd allor i Arglwydd Dduw Israel ym mynydd Ebal,

³¹Megis y gorchymynnase Moses gwâs yr Arglwydd i feibion Israel, fel y mae yn scrifennedic yn llyfr cyfraith Moses, [sef] allor o gerric cyfan y rhai ni dderchafasid haiarn arnynt: a hwynt a offrymmasant arni boeth offrymmau i’r Arglwydd, ac a aberthasant ebyrth hedd.

³²Ac efe a scrifennodd yno ar y meini adfynegiad cyfraith Moses yr hon a scrifennase efe yng-ŵydd meibion Israel.

³³A holl Israel ai henuriaid, ei swyddogion hefyd, ai barn-wŷr oeddynt yn sefyll o bob parth i’r Arch ger bron y Lefiadaidd offeiriaid y rhai oeddynt yn dwyn Arch cyfammod yr Arglwydd, yn gystal yr estron a’r priodor: ei hanner [oedd] ar gyfer mynydd Garizim, ai hanner ar gyfer mynydd Ebal: fel y gorchymynnase Moses gwâs yr Arglwydd fendithio pobl Israel o’r blaen.

³⁴Wedi hynny efe a ddarllenodd holl eiriau y gyfraith, y fendith, a’r felldith: yn ôl y cwbl a’r sydd scrifennedic yn llyfr y gyfraith.

³⁵Nid oedd air o’r hyn oll a scrifennase Moses, a’r nas darllenodd Iosuah ger bron holl gynnulleidfa Israel, a’r gwragedd a’r plant, a’r dieithr yr hwn oedd yn rhodio yn eu mysc hwynt.