Read William Morgan Bible 1588 original edition 2.Thessaloniaid 1 Bible Online

2.Thessaloniaid 1 - William Morgan Bible 1588 original edition bible

2.Thessaloniaid 1

¹Diolch i Dduw y mae am eu ffydd hwy, a’u cariad, a’u dioddefgarwch. 11 Y mae yn gweddio ar chwanegu y cynneddfau hynny. 12 Ac yn dangos pa ffrwyth fydd oddi wrth hynny. Paul a Sylfanus, a Thimotheus at eglwys y Thessaloniaid, yn-Nuw ein Tad, a’r Arglwydd Iesu Grist,

²Grâs i chwi a thangneddyf oddi wrth Dduw ein Tad a’n Harglwydd Iesu Grist.

³Diolch a ddylem i Dduw yn oestadol drosoch frodyr, fel y mae yn addas, am fod eich ffydd yn tyfu yn ddirfawr, a bod cariad pob vn o honoch chwi oll yn cynnyddu tu ag eu gilydd.

⁴Fel yr ydym ninnau yn gorfoleddu o’ch plegit yn eglwysi Duw, o herwydd eich ammynedd a’ch ffydd yn eich holl erlid, a’r cystudd y rhai yr ydych yn eu goddef,

⁵[Yr hyn] sydd argoel [goleu] o gyfiawn farn Dduw, fel i’ch cyfrifer yn deilwng i deyrnas Dduw, er mwyn yr hon yr ydych hefyd yn goddef.

⁶Canys cyfiawn yw gan Dduw, dalu cystudd i’r sawl sydd yn eich cystuddio chwi.

⁷Ac i chwithau y rhai a gystuddir lonyddwch gyd â ni yn ymddangosiad yr Arglwydd Iesu o’r nef gyd ag angelion ei nerth,

⁸Yn dân fflamllyd gan roddi dial i’r sawl nid adwaenant Dduw, ac nid vfyddhânt i Efengyl ein Harglwydd Iesu Grist.

⁹Y rhai a ddioddefant yn gospedigaeth ddinistr tragywyddol oddi ger bron yr Arglwydd, ac oddi wrth ogoniant ei gadernid ef.

¹⁰Pan ddêl efe iw ogoneddu yn ei sainct, ac iw wneuthur yn rhyfedd yn y rhai oll a gredant, o herwydd credu ein testiolaeth ni tu ag attoch yn y dydd hwnnw.

¹¹Am ba achos yr ydym hefyd yn gweddio yn oestadol trosoch ar fod i’n Duw eich gwneuthur yn deilwng [iw] alwedigaeth, a chyflawni pob ewyllys da am [ei] ddaioni, a gwaith ffydd yn nerthol,

¹²Fel y gogonedder enw ein Harglwydd Iesu Grist ynoch chwi, a chwithau ynddo yntef, yn ôl grâs ein Duw a’n Harglwydd Iesu Grist