Read William Morgan Bible 1588 original edition 2.Thessaloniaid 2 Bible Online

2.Thessaloniaid 2 - William Morgan Bible 1588 original edition bible

2.Thessaloniaid 2

¹3 Dangos y mae iddynt na ddaw dydd yr Arglwydd nes dyfod ymadel â’r ffydd yn gyntaf. 9 A theyrnas ang-hrist. 15 Ac am hynny y mae yn eu rhybuddio rhag eu hudo, eithr sefyll o honynt yn ddiyscog yn y pethau a ddyscodd efe iddynt. Ac yr ydym yn attolwg i chwi frodyr, er dyfodiad ein Harglwydd Iesu Grist, a’n cydgynhulliad atto ef,

²Na’ch sylfer yn fuan o’r [vn] meddwl, ac na’ch cynhyrfer, na chan yspryd, na chan air, na chan lythr, megis oddi wrthym ni, fel pe bai ddydd Crist yn gyfagos.

³Na thwylled nêb chwi trwy vn modd am [na ddaw ’r dydd hwnnw]nes dyfod ymadawiad yn gyntaf, a datguddio y dyn pechadurus mâb destruw.

⁴Yr hwn sydd yn gwrthwynebu, ac yn ymdderchafu yn erbyn pôb dim a elwir yn Dduw, neu a addolir: hyd onid eistedd megis Duw yn nheml Dduw, gan ei ddangos ei hun mai efe yw Duw.

⁵Ond cof gennych chwi pan oeddwn etto gyd â chwi, ddywedyd o honof y pethau hyn?

⁶Ac yr awr hon y gwyddoch y rhwystr sydd, iw ddatcuddio ef yn ei amser.

⁷Canys dirgelwch yr anwiredd sydd yn gweithio eusus, yn vnic yr hwn sydd yn awr yn rhwystro, a rwystra nes myned a’i dynnu ymmaith.

⁸Ac yna y datcuddir yr anwir hwnnw, yr hwn a ddifetha’r Arglwydd ag Yspryd ei enau, ac a ddileua â disclaerdeb ei ddyfodiad.

⁹[Sef] yr hwn y mae ei ddyfodiad yn ôl gweithrediad Satan mewn pob nerth, ac arwyddion, a rhyfeddodau gau,

¹⁰Ac mewn pob twyll anghyfiawnder yn y rhai colledig, gan na dderbyniasant gariad y gwirionedd, fel y cedwid hwynt.

¹¹Am hynny y denfyn Duw iddynt amryfusedd cadarn, fel y credant gelwyddau,

¹²Fel y barner yr holl rai ni chredasant i’r gwirionedd, ond a fuant fodlon i anghyfiawnder.

¹³Eithr nyni a ddylem ddiolch yn oestad i Dduw trosoch, frodyr annwyl gan yr Arglwydd, o blegit i Dduw o’r dechreuad eich dethol chwi i iechydwriaeth, trwy sancteiddiad yr Yspryd, a ffydd i’r gwirionedd.

¹⁴I’r hyn y galwodd efe chwi trwy ein Efengyl i feddiannu gogoniant ein Harglwydd Iesu Grist.

¹⁵Am hynny frodyr, byddwch safadwy, a chynheliwch y traddodiadau y rhai a ddyscasoch [pan vn bynnag] ai trwy ymadrodd, ai trwy ein Epistol ni.

¹⁶Ac yntef ein Harglwydd Iesu Grist a’n Duw, sef ein Tad yr hwn a’n carodd, ac a roddes i ni ddiddanwch tragywyddol a gobaith da trwy râs.

¹⁷A ddiddâno eich calonnau, ac a’ch sicrhao ym mhob gair a gweithred dda.