Read William Morgan Bible 1588 original edition 2.Thessaloniaid 3 Bible Online

2.Thessaloniaid 3 - William Morgan Bible 1588 original edition bible

2.Thessaloniaid 3

¹Deisyf y mae arnynt weddio trosto, ar ffynnu ganddo bregethu’r Efengyl. 6 ai rhybuddio i geryddu y rhai segur. 16 A dymuno iddynt dangneddyf. Bellach, frodyr, gweddiwch trosom ar redeg o air yr Arglwydd rhagddo ai ogoneddu, megis gyd â chwithau,

²Ac ar ein gwaredu ninnau oddi wrth ddynion anhywaith a drygionus, canys nid oes ffydd gan bawb.

³Eithr y mae yr Arglwydd yn ffyddlon, yr hwn a’ch siccrhâ, ac a’ch ceidw rhag drwg.

⁴Ac yr ydym yn gobeithio am danoch trwy’r Arglwydd, eich bod chwi yn gwneuthur, ac y gwnewch rhag llaw yr hyn yr ydym yn eu gorchymyn i chwi.

⁵A’r Arglwydd a gyfarwyddo eich calonnau i garu Duw, ac i ymaros am Grist.

⁶Ac yr ydym yn gorchymyn i chwi frodyr yn enw ’r Arglwydd Iesu Grist dynnu o honoch ymmaith oddi wrth bob brawd, a’r sydd yn rhodio yn anllywodraethus, ac nid yn ôl y traddodiad a dderbyniodd[efe]gennym ni.

⁷Canys chwy-chwi eich hunain a ŵyddoch pa fodd y dylech ein dilyn ni: canys nid ymddugasom yn anllywodraethus yn eich mysc chwi.

⁸Ac ni fwytasom fara gan neb yn rhâd, onid gan weithio trwy lafur a lludded nôs a dydd, er mwyn na phwysem ar neb o honoch.

⁹Nid o herwydd nad ydoedd gennym awdurdod, *namyn fel y rhoddem ein hunain yn siampl i chwi i’n dilyn.

¹⁰Canys pan oeddym gyd â chwi, o hyn i’ch rhybuddiasom, fel os bydde neb ni weithie, na chai fwyta ychwaith.

¹¹Canys clywsom fod rhai yn rhodio yn eich plith yn anllywodraethus heb weithio dim, onid bod yn rhodrescar.

¹²Y cyfryw yr ydym ni yn eu rhybuddio, ac yn attolwg er ein Harglwydd Iesu Grist, ar iddynt gan weithio yn llonydd fwyta eu bara eu hunain.

¹³*A chwithau frodyr na ddeffygiwch yn gwneuthur daioni.

¹⁴Od oes neb nid vfuddhao ei’n hymadrodd yspyswch ef trwy lythr, *ac na fydded i chwi gymdeithas ag ef, megis y cywilyddio efe.

¹⁵Er hynny na chymmerwch ef fel gelyn, eithr cynghorwch ef fel brawd,

¹⁶Ac Arglwydd y tangnheddyf ei hun a roddo i chwi dangnheddyf yn oestadol ym mhob modd: yr Arglwydd fyddo gyd â chwi oll.

¹⁷Y cyfarch am llaw mau fy Paul yr hyn sydd arwydd ym mhob Epistol: fel hyn yr ydwyf yn scrifennu,

¹⁸Grâs ein Harglwydd Iesu Grist, gyd â chwi oll, Amen, Yr ail at y Thessaloniaid a scrifennwyd o Athen.