Read William Morgan Bible 1588 original edition 1.Timotheus 2 Bible Online

1.Timotheus 2 - William Morgan Bible 1588 original edition bible

1.Timotheus 2

¹Y mae yn annog i weddio dros bob dyn. 4 Am ymwreddiad, a dillad gwragedd. Cynghori yr ydwyf am hynny, ym mlaen pob peth, fod ymbil, gweddiau, deisyfiadau a thalu diolch dros bôb dŷn.

²Dros frenhinoedd, a phawb a osodwyd mewn awdurdod, fel y gallom ni fyw yn llonydd, ac yn heddychol trwy bob duwioldeb, ac honestrwydd.

³Canys hyn sydd dda a chymmeradwy ger bron Duw ein ceidwad:

⁴Yr hwn a fynn fod pôb dŷn yn gadwedig, a’u dyfod i ŵybodaeth y gwirionedd.

⁵Canys vn Duw sydd, ac vn cyfryng-ŵr rhwng Duw a dŷn, [sef] y dyn Crist Iesu,

⁶Yr hwn a’i rhoddes ei hunan yn brid-werth dros bawb, [ac] yn destiolaeth yn ei iawn bryd.

⁷O’r hyn i’m gosodwyd yn bregeth-ŵr, (ac yn Apostol, gwir yr wyf yn ei ddywedyd yng-Hrist heb gelwydd) [sef] athro y cenhedloedd mewn ffydd a gwirionedd.

⁸Am hynny mi a fynnwn i wŷr weddio ym mhob man gan dderchafu dwylo purion, heb ddigter nac ymryson:

⁹Felly hefyd i wragedd ymwisco mewn dillad gweddus, gyd â lledneisrwydd, a chymmesurwydd, nid â gwallt plethedig neu aur, neu gemmau, neu wysc werthfawr.

¹⁰Eithr (megis y gwedde i wragedd yn addo duwioldeb, a gweithredoedd da.

¹¹Dysced gwraig mewn distawrwydd, yng-hyd â phob gostyngeiddrwydd.

¹²Ond nid ydwyf yn dioddef i wraig draethu dysc, nac arfer awdurdod ar y gŵr: eithr bod mewn distawrwydd.

¹³Canys Adda a luniwyd yn gyntaf: yna Efa.

¹⁴Ac nid Adda a dwyllwyd, eithr y wraig wedi ei thwyllo a aeth yn [achos] camwedd.

¹⁵Etto hi a fydd cadwedig gan ddwyn plant os hwy a arhosant yn y ffydd, a chariad, a santteiddrwydd yng-hyd â chymmesurwydd.