Read William Morgan Bible 1588 original edition 1.Timotheus 3 Bible Online

1.Timotheus 3 - William Morgan Bible 1588 original edition bible

1.Timotheus 3

¹Iawn gynneddfau eglwys-wyr a thylwyth eu ty, neu eu teuly. 15 Braint yr eglwys. Ymadrodd gwir yw hwn, od yw neb yn ewyllysio swydd escob, y mae yn chwennychu gwaith da.

²Rhaid gan hynny i’r escob fod yn ddiargyoedd, yn ŵr vn wraig, yn wiliadwrus, yn gymhe sur, yn weddaidd, yn lletteugar, yn athrawaidd,

³Nid yn wîn-gar, nid yn darawudd, nid yn chwannog i fydr-elw, eithr yn llariaidd, nid yn ymladdgar, yn ddi-gybudd,

⁴Yn llywodraethu ei dy ei hun yn dda, yn cynnal ei blant dan vfydd-dod, yng-hyd â phob onestrwydd.

⁵Canys oni feidr vn lywodraethu ei dy ei hun: pa fodd y gofala efe tros eglwys Dduw?

⁶Nid yn yscolhaig ieuangc, rhag iddo wedi ymchwyddo syrthio i farn diafol.

⁷Ac y mae yn rhaid iddo ef hefyd gael gair da gan ddieithriaid, rhag digwydd mewn gwarth a magl diafol.

⁸Felly hefyd y diaconiaid yn onest, nid â thafodau dau-ddyblyg, nid wedi ymroi i lawer o win, nid yn budr-elwa,

⁹Yn dala dirgelwch y ffydd mewn cydwybod bur.

¹⁰Profer y rhai hyn hefyd yn gyntaf, ac yna gwasanaethant, os byddant ddiargyoedd.

¹¹Felly hefyd [bod eu] gwragedd yn onest nid â thafodau drwg, eithr yn sobr, [a] ffyddlon ym mhob peth.

¹²Bod y diaconiaid yn wŷr vn wraig, ac yn llywdoraethu yn dda eu plant a’u tai eu hun.

¹³Canys y rhai a wasanaethant yn iawn a ennilllant iddynt eu hunain radd dda, a rhydd-did mawr trwy ’r ffydd, yr hon sydd yng-Hrist Iesu.

¹⁴Hyn yr ydwyf yn ei scrifennu attat, gan obeithio y deuaf attat ar fyrder.

¹⁵Ond os tariaf yn hir, fod i ti ŵybod pa fodd y bydd rhaid i ti ymddwyn yn nhŷ Dduw, yr hwn ydyw eglwys y Duw byw, colofn, a sylfaen y gwirionedd.

¹⁶Ac yn ddi-ddadl, mawr ydyw dirgelwch duwioldeb Duw a ymddangosodd mewn cnawd, a gyfiawnwyd yn yr Yspryd, a welwyd gan angelion, a bregethwyd i’r cenhedloedd, a gredwyd iddo yn y byd, ac a gymmerwyd i fynu mewn gogoniant.