Read William Morgan Bible 1588 original edition 1.Timotheus 4 Bible Online

1.Timotheus 4 - William Morgan Bible 1588 original edition bible

1.Timotheus 4

¹2 Rhubydd pa ddysc a ddylid gilio rhagddi. 6 A pha vn ei chanlyn. 15 Ac ym mha orchwyl y dyle eglwys-wr ymarfer beunydd. A’r Yspryd sydd yn dywedyd yn eglur yr ymedu rhai yn yr amseroedd diweddaf o’r ffydd, gan roddi coel i ysprydion cyfeiliornus, ac i athrawiaethau cythreuliaid,

²Y rhai ydynt yn dywedyd celwydd mewn rhagrith, a’u cydwybod wedi ei llosci â haiarn brŵd,

³Yn gwahardd priodas, [ac yn erchi] ymattal oddi wrth fwydydd y rhai a greawdd Duw iw mwynhau trwy dalu diolch i’r ffyddloniaid, ac i’r rhai a adwaenant y gwirionedd.

⁴Canys pa beth bynnag a greawdd Duw da ydyw, ac nid oes dim iw wrthod, os cymmerir trwy dalu diolch.

⁵O herwydd ei sancteiddio trwy air Duw a gweddi.

⁶Os gosodi hyn o flaen y brodyr, byddi weinidog da i Iesu Grist, yr hwn i’th fagwyd mewn geiriau’r ffydd, ac athrawiaeth dda, yr hon a ddilynaist.

⁷Eithr gad heibio halogedic, a gwrachiaidd chwedlau, ac ymarfer di dy hun i dduwioldeb.

⁸Canys i ychydig y mae ymarfer corphorol yn fuddiol, eithr duwioldeb sydd fuddiol i bôb peth a chenddi addewid o’r bywyd sydd, ac o r hwn fydd.

⁹Y gair hwn fydd wîr, ac ym mhob modd yn heuddu ei dderbyn:

¹⁰O blegit er mwyn hyn yr ydym yn poeni, ac yn cael ein gwradwyddo, o herwydd ein bod yn gobeitho yn Nuw byw yr hwn ydyw achubudd pob dŷn, yn enwedig y ffyddloniaid.

¹¹Y pethau hyn gorchymyn, a dysc.

¹²Na ddiystyred neb dy ieuengtid ti, eithr bydd i’r ffyddloniaid yn siampl mewn gair, mewn ymddygiad, mewn cariad, mewn yspryd, mewn ffydd, a diweirdeb.

¹³Hyd oni ddelwyfi, ymosot ti i ddarllen, i gynghori, ac i athrawiaethu.

¹⁴Nac yscaelusa y dawn sydd ynot ti, yr hwn a rodded i ti trwy brophwydoliaeth, gan arddodiad dwylo yr henuriaeth.

¹⁵Arfer y pethau hyn, a pharhâ yn hyn, fel y byddo dy gynnydd yn eglur ym mhlith pawb.

¹⁶Gwilia arnat dy hun, ac ar athrawiaeth, parhâ yn hyn: canys o gwnei di hyn, ti a’th gedwi dy hun, a’r rhai a wrandawant arnat.