Read William Morgan Bible 1588 original edition 1.Timotheus 5 Bible Online

1.Timotheus 5 - William Morgan Bible 1588 original edition bible

1.Timotheus 5

¹Pa wedd y mae ceryddu pob gradd. 3 Trefn o blegit gwragedd-gweddwon. 17 A gwenidogion eglwysic. 24 Amryw farn am bechodau. Na cherydda henaf-gwr, eithr cynghora megis tad, y rhai ieuaingc megis brodyr.

²Yr hên wragedd megis mammau, y rhai ieuaingc megis chwiorydd, â phob diweirdeb.

³Anrhydedda’r gwragedd-gweddwon y rhai sy wir weddwon.

⁴Eithr o bydd vn weddw, ac iddi blant neu ŵyrion, dyscant yn gyntaf lywodraethu yn dduwiol eu tŷ eu hun, a thalu’r pwyth iw rhieni, canys hynny sydd dda a chymmeradwy ger bron Duw.

⁵Eithr yr hon sydd wir weddw, ac vnic, sydd yn gobeithio yn Nuw, ac yn parhau mewn ymbil, a gweddion nôs a dydd.

⁶Ond y ddrythyll, er ei bod yn fyw fu farw.

⁷Gorchymyn y pethau hyn, fel y byddant ddiargyoedd.

⁸Ar o bydd neb nid ymgeleddo yr eiddo, ac yn enwedig ei deulu, efe a wadodd y ffydd, a gwaeth yw nag vn di-ffydd.

⁹Na ddewiser gwraig weddw tann drugainmlwydd oed, yr hon fu wraig vn gŵr:

¹⁰Ac yn dda ei gair am weithredoedd da, os magodd hi ei phlant, os bu letteugar, o golchodd hi draed y sainct, o chynhorthwyodd hi y rhai cystuddiol, o dilynodd hi bob gorchwyl da.

¹¹Eithr gwrthod y gweddwon ieuaingc: canys pan ddechreuant ymdrythyllu yn erbyn Crist, priodi a fynnant:

¹²Yn cael colledigaeth am iddynt dorri y ffydd gyntaf.

¹³Ac felly hefyd y dyscant rodio’r tai oddi amgylch yn segur, ac nid yn segur yn vnic: eithr hefyd ac yn ofer-ieithus, ac yn rhodrescar, yn adrodd pethau anweddaidd.

¹⁴Myfi a fynnwn am hynny i’r rhai ieuaingc briodi, planta, gwarchod y tŷ, ac na roddant ddim achos i’r gwrthwyneb-ŵr i oganu.

¹⁵Canys rhai eusus a ymchwelasant ar ôl Satan.

¹⁶O bydd gŵr ffyddlon, ne wraig ffyddlon, a gwragedd gweddwon ganddynt cynhorthwyant hwy, ac na ormeser ar yr eglwys, fel y byddo digonedd i’r rhai sy wîr weddwon.

¹⁷Yr henuriaid y rhai sy yn llywodraethu yn dda, ydynt yn haeddu parch dau-ddyblyg, yn enwedig y rhai sy yn poeni yn y gair, ac mewn athrawiaeth.

¹⁸Canys y mae yr scrythur yn dywedyd, na chae safn yr ŷch yr hwn sydd yn dyrnu yr ŷd: hefyd y mae’r * gweithiŵr yn heuddu ei gyflog.

¹⁹Na dderbyn achwyn yn erbyn henuriad, oddieithr tann ddau neu dri o dystion.

²⁰Y rhai a bechant, cerydda hwy yn gyhoeddus, fel y gallo’r lleill ofni.

²¹Gorchymyn yr ydwyf ger bron Duw a’r Arglwydd Iesu Grist, a’r etholedig angelion, gadw o honot y pethau hyn yn ddi-duedd, na gwneuthur dim o gyd-partiaeth.

²²Na ddot dy ddwylo yn ebrwydd ar neb, ac na fydd gyfrannog o bechodau rhai eraill: cadw dy hun yn bur.

²³Nac ŷf ddwfr yn hwy, eithr arfer ychydig wîn, er mwyn dy gylla a’ch fynych wendid.

²⁴Pechodau rhyw rai yddynt amlwg o’r blaen yn rhagymddwyn i’r farn: a’r eiddo eraill yn dyfod ar yr ôl.

²⁵Ac felly hefyd gweithredoedd da ydynt amlwg o’r blaen, a’r rhai fyddant amgenach ni’s gellir eu cuddio.