Read William Morgan Bible 1588 original edition 1.Timotheus 6 Bible Online

1.Timotheus 6 - William Morgan Bible 1588 original edition bible

1.Timotheus 6

¹Rhan gwasanaeth-ddynion iw meistred. 3 Yn erbyn gau athrawon. 6 Am wir dduwioldeb, a bodlondeb meddwl. 9 Yn erbyn cubydd-dod. 11 Ei gyngor ef i Timotheus. Cynnifer ac sydd wasanaeth-wŷr tann yr iau, barnant eu meistred yn deilwng o bob anrhydedd, rhac cablu enw Duw a’i athrawiaeth.

²A’r rhai sy a meistred iddynt yn credu, na ddiystyrant hwynt, o herwydd eu bod yn frodyr, eithr yn hytrach eu gwasanaethu am eu bod yn credu, ac yn annwyl, ac yn gyfrannogion o’r llesâd: dysc a chynghora y pethau hyn.

³Od yw neb yn dyscu yn amgenach, ac heb gyduno ag iachus eiriau ein Harglwydd Iesu Grist, ac a’r athrawiaeth yr hon sydd ar ôl duwioldeb,

⁴Chwyddo y mae heb ŵybod dim, eithr amhwyllo yng-hylch cwestiwnau a dadl-eiriau o’r hyn y mâga cenfigen, ymryson, cabledd [a] drwg dyb,

⁵Ofer ddadlau dynion llygredig eu meddwl wedi cyfrgolli y gwir, yn tybied mai elw yw duwioldeb: ymochel oddi wrth y cyfryw.

⁶Elw mawr eusus yw duwioldeb drwy ymfodloni o ddŷn â’r hyn fyddo ganddo.

⁷Canys ni ddugasom ni ddim i’r byd, a diogel yw, na allwn ddwyn dim ymmaith.

⁸Am hynny o chawn ymborth â dillad, ni a ymfodlonwn ar hynny.

⁹Canys y mae y rhai a fynnant ymgyfoethogi yn syrthio i brofedigaeth, ac i fagleu, aci lawer o drachwantau angall a niweidus, y rhai sy yn boddi dynion i golledigaeth, ac i ddestruw

¹⁰Canys chwant arian yw gwreiddin pob drwg, o ba rai tra fu rhai yn awyddus, hwy a gyfeiliornasant o’r ffydd, ac a’u gwanasant eu hunain â llawer o ofidiau.

¹¹Eithr ti gŵr Duw, gochel y pethau hyn, a dilyt gyfiawnder, duwioldeb, ffydd, cariad, ammynedd, ac addfwyndra.

¹²Ymdrecha orchestol ymdrechiad y ffydd: cymmer afael ar y bywyd tragywyddol, i’r hwn hefyd i’th alwyd, ac y proffessaist broffes dda ger bron llawer o dystion.

¹³Dy orchymyn yr ydwyf ger bron Duw yr hwn sydd yn bywhau pob peth, a cher bron Iesu Grist, yr hwn tann Pontius Pilatus a dystiodd broffes dda,

¹⁴Cadw o honot y gorchymyn yn ddifrycheulyd, [ac] yn ddifai hyd ymddangosiad ein Harglwydd Iesu Grist.

¹⁵Yr hwn yn y dyledus amser a ddengys efe, yr hwn sydd fendigedic, ac vnic bennaeth, Brenin y brenhinoedd, ac Arglwydd yr arglwyddi.

¹⁶I’r hwn yn vnic y mae anfarwoldeb, ac sydd yn trigo yn y goleuni, yr hwn ni ellir dyfod atto, yr hwn er ioed ni’s gwelodd vn dyn, ac ni’s dichon ei weled, i’r hwn y byddo anrhydedd a gallu yn dragywyddol.Amen.

¹⁷Gorchymmyn i’r rhai sy oludog yn y byd ymma, na byddant vchel eu meddwl, ac na obeithiant mewn golud anwadal, eithr yn y Duw byw, (yr hwn sydd yn rhoddi i ni bôb peth yn ddigonol iw mwynhau)

¹⁸Ar wneuthur o honynt ddaioni, ac ymgyfoethogi mewn gweithredoedd da, ac yn hawdd ganddynt roddi, ac yn hawdd eu cydfod,

¹⁹Yn tryssoru iddynt eu hunain sail dda rhag llaw fel y gallont afaelu yn y bywyd tragywyddol.

²⁰O Timotheus, cadw yr hyn a roddwyt iw gadw attat, gan droi oddi wrth halogedig ofer-sain a gwrthwynebiad yr hyn a gam elwir yn ŵybodaeth.

²¹Yr hon tra yw rhai yn ymhonni o honi, hwy a wyrasant oddi wrth nod y ffydd, Grâs gyd â thi. Amen. Yr Epystol cyntaf at Timotheus, a scrifennwyd o Laodicia, yr hon yw prif ddinas Phrygia Pacatiana.