Read William Morgan Bible 1588 original edition 2.Timotheus 1 Bible Online

2.Timotheus 1 - William Morgan Bible 1588 original edition bible

2.Timotheus 1

¹Paul yn annog Timotheus i fod yn ddianwadal, ac yn ddioddefus wrth ei erlid, a pharhau yn yr athrawiaeth a ddyscase efe iddo, 12 dros yr hon yr ydoedd ei rwymau ef a’i gystuddion, 16 canmoliaeth Onesiphorus. Paul Apostol Iesu Grist, trwy ewyllys Duw, yn ôl addewyd y bywyd, yr hwn sydd yn Iesu Grist,

²At Timotheus [fy] mab annwyl, grâs trugaredd a thangneddyf gan Dduw y Tad, a chan Iesu Grist ein Harglwydd.

³Y mae gennif ddiolch i Dduw yr hwn yr ydwyf yn ei wasanaethu o’m rhieni â chydwybod bur, megis y mae gennif gof dibaid am danat ti yn fyng-weddiau nôs a dydd,

⁴Gan ddeisyfu dy weled, [a] chan gofio dy ddagrau, fel i’m llanwer o lawenydd,

⁵Gan gymmeryd ail cof o’r ffydd heb ragrith, yr hon sydd ynot ti, yr hon a drigodd yn gyntaf yn dy nain Lois, ac yn dy fam Efnica, ac y mae yn ddiogel gennif y [trig] ynot [tithe] hefyd.

⁶O Achos pa ham, yr ydwyf yn dy goffau i ail gynneu dawn Duw yr hwn sydd ynot, trwy arddodiad fy nwylo mau fi.

⁷Canys ni roddes Duw i ni Yspryd ofn, onid Yspryd nerth, a chariad, a phwyll.

⁸Am hynny na fydd arnat gywilydd o destiolaeth yr Arglwydd, nac o honof finne ei garchar-wr ef: eithr cyd-oddef di gystudd â’r Efengyl, yn ôl nerth Duw.

⁹Yr hwn a’n achubodd, ac a’n galwodd â galwedigaeth sanctaidd, nid wrth* ein gweithredoedd [ni,] ond wrth ei arfaeth ei hun, a’i râs yr hwn a roddwyd i ni trwy Grist Iesu cyn amseroedd tragywyddol:

¹⁰Eithr efe a eglurwyd yr awron trwy ymddangosiad ein Iachawdr Iesu Grist, yr hwn a ddeleodd angeu, ac a ddug fywyd, ac anfarwolaeth i oleuni trwy ’r Efengyl.

¹¹I’r hon i’m gosodwyd i yn bregeth-wr, ac yn Apostol, ar yn athro y cenhedloedd.

¹²Am ba achos yr ydwyf yn dioddef hefyd y pethau hyn, ac nid oes arnaf gywilydd: canys gwn pwy a gredais, ac y mae yn ddiammeu gennif ei fod efe yn abl i gadw yr hyn a roddais atto iw gadw, erbyn y dydd hwnnw.

¹³Bydded gennit ffurf yr iachus ymadroddion, y rhai a glywaist gennif fi mewn ffydd a chariad yng-Hrist Iesu.

¹⁴Y peth prydferth a roed iw gadw attat, cadw trwy ’r Yspryd glân, yr hwn sydd yn presswylio ynom.

¹⁵Ti a ŵyddost hyn, ddarfod i’r rhai oll sy yn Asia droi oddi wrthifi: o’r sawl y mae Phigelus, ac Hermogenes.

¹⁶Rhodded yr Arglwydd drugaredd i dy Onesiphorus: canys efe yn fynych am llonnodd fi, ac nid ydoedd gywilydd ganddo fynghadwyn i.

¹⁷Eithr pan ydoedd yn Rhufain, efe a’m ceisiodd yn ddiwyd iawn, ac a’m cafodd.

¹⁸Rhodded yr Arglwydd iddo gael trugaredd gan yr Arglwydd yn y dydd hwnnw, a pha faint o bethau a wasanaethodd efe yn Ephesus, goref y gwyddost ti.