Read William Morgan Bible 1588 original edition Titus 1 Bible Online

Titus 1 - William Morgan Bible 1588 original edition bible

Titus 1

¹5 Y mae efe yn athrawy Titus oblegit llywodraeth yr eglwys. 7 Ordinhâd a swydd gweinidogion eglwysig. 12 Cynneddfau y Cretiaid, ac am y rhai a heuant chwedlau Iddewig, a dychymmygion dynnion. Paul, gwâs Duw, ac Apostol Iesu Grist, yn ôl ffydd etholedigion Duw, ac gŵybodaeth y gwirionedd, yr hon sydd yn ôl duwioldeb,

²I obaith bywyd tragywyddol, yr hwn a addawodd y digelwyddog Dduw, cyn amseroedd tragywyddol:

³Eithr efe a eglurhaodd ei air yn ei brŷd drwy bregethu, am yr hyn yr ymddiriedwyd i mi wrth orchymyn Duw ein Iachawdwr;

⁴At Titus, fy anianol fâb wrth y ffydd gyffredin, grâs, trugaredd, a thangneddyf gan Dduw y Tad, a’r Arglwydd Iesu Grist ein Iachawdwr.

⁵Er mwyn hyn i’th adewais yn Creta i wneuthur iawn drefn am yr hyn sydd yn ôl, ac i osod henuriaid ym mhôb dinas megis yr ordeiniais i ti.

⁶Os bydd neb yn ddiargyoedd, yn ŵr un wraig, ac iddo blant ffyddlon, nid enllibus o lothineb, neu yn anufudd.

⁷Canys rhaid yw i escob fod yn ddiargyoedd fel gorchwiliwr Duw, nid yn gyndyn, nid yn ddigllon, nid yn win-gar, nid yn darawudd nid yn budr-elwa,

⁸Eithr yn lletteugar, yn caru daioni, yn bwyllog, yn gyfiawn, yn sanctaidd, yn ddianllad,

⁹Yn dal yn lew y gair ffyddlon yr hwn sydd wrth yr athrawiaeth, fel y gallo hefyd gynghori â dysceidiaeth iachus, ac argyoeddi y rhai a wrth-ddywedant.

¹⁰Canys y mae llawer o rai anufydd, a gwag-siarad-wŷr, a thwyll-wŷr meddyliau, yn bennaf y rhai sy o’r enwaediad,

¹¹Y rhai y mae yn rhaid eu gossegu, y rhai sydd yn dymchwelyd tai cyfan, gan ddyscu i rai bethau ni ddylid, er mwyn budr-elw.

¹²Un o honynt hwy [eu hunain, sef] un o’u prophwydi eu hunain a ddywedodd, y Cretiaid bob amser ydynt gelwyddog, drwg fwyst-filod, boliau gor-ddiog.

¹³Y destiolaeth hon sydd wir, am ba achos argyhoedda hwy yn llym, fel y byddant iach yn y ffydd,

¹⁴Heb ddarbod chwedlau, Iddewaidd, a gorchymynnion dynnion, yn troi oddi wrth y gwirionedd.

¹⁵I’r rhai pur y mae pob peth yn bur, eithr i’r rhai halogedig, ar i’r anghredadwy nid oes dim pur, eithr halogedig yw eu meddwl a’u cydwybod.

¹⁶Y maent yn cyfaddef yr adwaenant Dduw, eithr ar weithredoedd y maent yn ei wadu ef, am eu bod yn ffiaidd, ac yn anufydd, ac i bob gweithred dda yn anghymmeradwy.