Read William Morgan Bible 1588 original edition Titus 2 Bible Online

Titus 2 - William Morgan Bible 1588 original edition bible

Titus 2

¹Y mae efe yn gorchymyn iddo y ddysceidiaeth iach, ac yn mynegi iddo, pa wedd y dyle efe i bob gradd ymddwyn, 11 Trwy râs Crist. Eithr adrodd di yr hyn sydd weddus i athrawiaeth iachus.

²Bod o’r henaf-gwŷr yn sobr, yn honest, yn gymhesur, yn iach yn y ffydd, yng-hariad, ac ammynedd,

³Bod o’r henaf-gwragedd yr un modd mewn cyfryw ymwreddiad ac a wedde i sancteiddrwydd, nid yn enllibiaidd, nid wedi ymroi i win lawer, eich yn rhoi athrawiaeth o ddaioni,

⁴(Fel y gallant wneuthur y gwragedd ieuaingc yn bwyllog i garu eu gwŷr, i garu eu plant)

⁵Yn bwyllog, yn ddiwair, yn aros gartref, yn dda, [ac] yn ddarostyngedig i’w gwŷr, fel na chabler gair Duw.

⁶Cynghora wŷr ieuaingc yr un modd i fod yn bwyllog.

⁷Ym mhob dim dangos dy hun yn siampl o weithredoedd da, [a] yn yr athrawiaeth puredd gweddeidd-dra, ac anllygredigaeth.

⁸Ac ymadrodd iachus, yr hwn ni ellir ei feio, fel y cywilyddio yr hwn a safo yn erbyn heb ganddo ddim drwg i’w ddywedyd am danoch chwi.

⁹[Cynghora] weision i fod yn ddarostyngedig iw meistred, ac [iw] boddhau ym mhob dim, heb ddywedyd yn eu herbyn,

¹⁰Hen wneuthur twyll, eithr gan ddangos pob ffyddlondeb, fel yr harddant athrawiaeth Dduw ein Iachawdwr ym mhob peth.

¹¹Canys grâs Duw yr hwn a ddwg iechid i bob dŷn a ymddangosodd,

¹²Ac sydd yn ein dyscu i wadu anuwoldeb a chwantau bydol, a bod i ni fyw yn sobr, ac yn gyfiawn, ac yn dduwiol, yn y byd sydd yr awron,

¹³Gan edrych am y gobaith gwynfydedig, ac ymddangosiad gogoniant y Duw mawr, a’n Iachawdwr Iesu Grist,

¹⁴Yr hwn ai rhoddes ei hun trosom, fel i’n pryne ni yn rhydd oddi wrth bob anwiredd, ac yn glânhae ni yn bobl briod iddo ei hun, yn awyddus i weithredoedd da.

¹⁵Llefara a chynghôra hyn, ac argyoedda ag holl awdurdod: na fydded i neb dy ddirmygu.