Read William Morgan Bible 1588 original edition Titus 3 Bible Online

Titus 3 - William Morgan Bible 1588 original edition bible

Titus 3

¹1 Vfydd-dod i’r rhai a fyddant mewn awdurdod, 9 rhybudd Titus i ymogelyd rhag cwestiwnau ynfydion a difudd, 12 am negesau nailltuoll, 15 ac anherchion. Coffa iddynt fod yn ddarostyngedic i’r tywysogaethau, ac awdurdodau, a bod yn ufydd, ac yn barod i bob gweithred dda,

²Bod heb gablu neb, yn anymladdgar, yn llednais, gan ddangos pob addfwynder i bob dŷn.

³Yr oeddym ni hefyd yn annoethion, yn anufydd mewn amryfusedd, yn gwasanaethu chwantau, ac amryw feluswedd, gan fyw mewn drygioni a chenfigen, yn llidiog, [ac] yn casau ein gilydd.

⁴Eithr wedi i ddaioni Duw ein Iachawdur a’i garedigrwydd i ddŷn ymddangos,

⁵Nid o weithred cyfiawnder, y rhai a wnaethom ni, eithr yn ôl ei drugaredd yr iachâuodd efe nyni, trwy olchiad yr ad-enedigaeth, ac adnewyddiad yr Yspryd glân,

⁶Yr hwn a dywalltodd efe arnom ni yn helaeth trwy Iesu Grist ein Iachawdur.

⁷Fel y bydde i ni wedi ein cyfiawnhau trwy ei râs ef, gael ein gwneuthur yn etifeddion yn ôl gobaith bywyd tragywyddol.

⁸Ffyddlon yw’r ymadrodd hyn, ac am y pethau hyn yr mynnwn i ti fod yn daer, ac i’r sawl a gredasant yn-Nuw, ofalu ar rhagori mewn gweithredoedd da: dymma y petheu sydd yn dda, ac yn fuddiol i ddynion.

⁹Eithr gochel gwestiwnaû ffôl, ac achau, a chynhennau, ac ymrysonnion o blegit y ddeddf, canys anfuddiol ydynt, ac ofer.

¹⁰Gochel ddŷn [a fyddo] heretic wedi un rybydd, neu ddau,

¹¹Gan ŵybod fethu y cyfryw, a’i fod yn pechu yn pechu wedi ei ddamnio ei hunan.

¹²Pan ddanfonwyf Artemas attat, neu Tichicus, ymddyro i ddyfod attaf i Nicopolis: canys yno yr arfaethais aiafu.

¹³Danfon Zenas y cyfreithiwr, ac Apollos yn ddiwyd, fel na byddo arnynt eisieu dim.

¹⁴Dysced hefyd [ein] pobl ni ragori mewn gweithredoedd da, er mwyniant angenrheidiol: fel na byddant yn anffrwythlon.

¹⁵Y mae y rai oll sy gyd â mi yn dy annerch y rhai a’n carant yn y ffydd. Grâs [Duw fyddo] gyd â chwi oll Amen. At Titus a ddewiswyd yn Escob cyntaf i eglwys y Cretiaid, yr scrifennwyd hwn o Nicopolis ym Macedonia.