Read William Morgan Bible 1588 original edition Philemon 1 Bible Online

Philemon 1 - William Morgan Bible 1588 original edition bible

Philemon 1

¹Y mae efe yn llawenychu glywed ffydd a chariad Philemon, 9 yr hwn y mae efe yn deisyfu arno faddeu iw wâs Onesimus, a’i dderbyn yn garedigol trachefn. Paul carcharor Iesu Grist a’r brawd Timotheus, at Philemon ein annwylyd, a’n cydweith-wr,

²Ac at ein hannwyl [chwaer] Apphia, ac at Archippus ein cyd-filwr, ac at yr eglwys yr hon sydd yn dy dŷ di:

³Grâs gyd â chwi a thangneddyf gan Dduw Tâd, a’r Arglwydd Iesu Grist.

⁴Yr wyf yn diolch i’m Duw, gan dy gofio yn oestadol yn fyng-weddiau.

⁵(Wrth glywed dy gariad a’th ffydd yr hon sydd gennit yn yr Arglwydd Iesu, a thu ag at yr holl seinctiau)

⁶Fel y gwneler cyfranniad dy ffydd yn ffrwythlon, trwy adnabod y daioni yr hwn sydd ynoch trwy Grist Iesu.

⁷Canys y mae gennym lawenydd mawr a diddanwch yn dy gariad di, canys trwot ti frawd, y llonwyd calonnau y seinctiau.

⁸O herwydd pa ham er bod gennif fawr hyder yng-Hrist i orchymyn i ti y peth sydd weddus,

⁹Er hynny o rann cariad, gwell gennif attolwg i ti, cyd bwyf fel yr ydwyf, sef Paul yr hen-wr, ac yr awr hon hefyd yn garcharor [er mwyn] Iesu Grist.

¹⁰Yr ydwyf yn attolwg i ti dros fy mab Onesimus yr hwn a genhedlais i yn fy rhwymau,

¹¹Yr hwn ryw amser a fu i ti yn anfuddiol, eithr yr awr hon yn fuddiol i ti, ac i minne.

¹²Yr hwn a ddanfonais trachefn, a chymmer dithe ef, sef fy ymyscaroedd mau fi.

¹³Yr hwn a ewyllysiwn ei attal gyd â mi, fel trosot ti y gwasanaethe fi yn rhwymau yr Efengyl.

¹⁴Eithr heb dy feddwl di nid ni wnawn i ddim fel na bydde dy ddaioni di megis o angen, onid o fodd.

¹⁵Ond odit er mwyn hyn yr ymadawodd tros amser, fel y derbynit ef yn dragywydd;

¹⁶Bellach nid fel gwâs, eithr vwch-law gwâs, [sef fel] brawd annwyl yn henwedig i mi: pa faint mwy i ti yn y cnawd, ac yn yr Arglwydd hefyd?

¹⁷Os wyt gan hynny yn fyng-hymmeryd i yn gydymmaith, derbyn ef fel fy hun.

¹⁸Os gwnaeth efe niwed i ti, neu fod yn dy ddyled, cyfrif hynny arnafi.

¹⁹Myfi Paul a scrifennais [hyn] â’m llaw fy hun, myfi a dalaf, megis ni ddywedaf wrthit, dy fod yn fy-nyled i am danat ty hun.

²⁰Ie frawd, myfi a’th fwynhaf di yn yr Arglwydd: llonna fy ymyscaroedd yn yr Arglwydd.

²¹Gan ymddyried yn dy vfydd-dod yr scrifennais attat, gan wybod y gwnei fwy nag a ddywedafi.

²²Heblaw hyn hefyd paratoa i mi letŷ: canys yr ydwyf yn gobeithio trwy eich gweddiau chwi i’m rhoddir i chwi.

²³Y mae yn dy annerch Epaphras, fyng-hyd garcharor yng-Hrist Iesu,

²⁴Marcus, Aristarchus, Demas, [a] Lucas fyng-hyd weith-wŷr.

²⁵Grâs ein Harglwydd Iesu Grist [fyddo] gyd â’ch yspryd chwi. Amen. O Rufain yr scrifennwyd hwn at Philemon gyd â’r gwâs Onesimus.