Read William Morgan Bible 1588 original edition Hebræaid 1 Bible Online

Hebræaid 1 - William Morgan Bible 1588 original edition bible

Hebræaid 1

¹Dangos y mae efe rhagor-fraint Crist goruwch yr angelion, 7 ac am eu swydd hwythau. [1]Duw lawer gwaith a llawer modd gynt a ymddiddanod â’r tadau trwy’r prophwydi:

²Y dyddiau diweddaf hyn efe a ymddiddanodd â nyni trwy ei Fab, yr hwn a wnaeth efe yn etifedd pob peth, trwy’r hwn hefyd y gwnaeth efe y bydoedd.

³Yr hwn (am ei fod yn llewyrch y gogoniant, a gwir lun ei berson ef, ac yn cynnal pob peth trwy air ei nerth, wedi golchi ein pechodau ni trwyddo ef ei hun) a eisteddodd at ddeheu-law y mawredd yn y goruchelder,

⁴Yr hwn a wnaethbwyd yn well nâ’r angelion, o gymmaint ac yr etifeddodd efe enw rhagorach nag hwynt hwy.

⁵Canys wrth bwy o’r angelion er ioed y dywedodd efe, fy Mab ydwyt ti, myfi heddyw a’th genhedlais di? ac eil-waith, myfi a fyddaf yn Dad iddo ef, ac yntef fydd yn Fab i minne.

⁶A thrachefn pan ydyw yn dwyn ei Fab cyntaf-anedic i’r byd, y mae yn dywedyd: addoled hefyd holl angelion Duw ef:

⁷Ac am yr angelion hefyd y mae yn dywedyd: yr hwn sydd yn gwneuthur ysprydion yn gennadon iddo: a’i weinidogion yn fflam dân.

⁸Ac wrth y mab, dy orseddfaingc ô Dduw [sydd] yn oes oesoedd: teyrn-wialen iniondeb yw teyrn-wialen dy deyrnas di.

⁹Ti a geraist gyfiawnder, ac a gaseaist anwiredd: am hynny Duw, sef dy Dduw di a’th eneiniodd ag olew gorfoledd tu hwnt i’th gyfeillion.

¹⁰Ac tydi yn y dechreuad ô Arglwydd a seiliaist y ddaiar, a gwaith dy ddwylaw di yw y nefoedd.

¹¹Hwynt hwy a ddarfyddant tithe a barheu: ie hwynt hwy oll a heneiddiant fel dilledyn

¹²Megis gwisc hefyd y plygi di hwynt, ac hwy a newidiant: eithr yr vn ydwyt ti, a’th flynyddoedd ni phallant.

¹³Wrth bwy o’r angelion erioed y dywedodd efe: eistedd ar fy llaw ddehau hyd oni ddodwyf dy elynion yn droed-faingc i’th draed?

¹⁴Onid ysprydion gwasanaethgar ydynt hwy oll, y rhai a ddanfonir i wasanaethu, er mwyn y rhai a gânt etifeddu iechydwriaeth?