Read William Morgan Bible 1588 original edition Hebræaid 13 Bible Online

Hebræaid 13 - William Morgan Bible 1588 original edition bible

Hebræaid 13

¹Cyngor i ddilyn gweithredoedd cariad, 4 I berchi priodas, 5 I ochelyd cubydd-dod, 13 I ddioddef gyd â Christ, 17, ac i vfyddhau. Parhaued cariad brawdol.

²Nac anghofiwch fod yn lletteugar: canys felly y lletteuodd rhai angelion heb wybod.

³Meddyliwch am y rhai sy mewn rhwymau, fel pe baech yn rhwym gyd ag hwynt: [a’r] rhai cystuddiol, fel rhai yn bod yn y corph [yn gystuddiol.]

⁴Anrhydeddus yw priodas ym mhawb, ar gwelŷ dihalogedic: eithr y putteinwyr a’r rhai godinebus a farna Duw.

⁵Bydded eich ymwreddiad yn ddi serch i arian, gan fod yn fodlon i’r hyn sydd gennych yn bresennol, canys efe a ddywedodd, ni phallaf i ti, ac ni’s gadawaf di chwaith:

⁶Fel y gallom ddywedyd yn hyf, yr Arglwydd sydd gymmorth i mi, ac nid ofnaf beth a wnel dŷn i mi.

⁷Meddyliwch am eich preladiaid, y rhai a draethasant i chwi air Duw: calynwch eu ffydd hwynt, gan ystyr beth yw diwedd eu hymwreddiad hwynt.

⁸Iesu Grist ddoe a heddyw: yr vn hefyd yn dragywydd.

⁹Nedwch eich dwyn o amgylch ag athrawiaethau amryw, a dieithr: canys da ydyw cadarnhau yr galon â grâs, ac nid â bwydydd, y rhai ni thycciasant i’r rhai a rodiasant ynddynt.

¹⁰Y mae gennym ni allor o’r hon nid oes awdurdod i’r rhai sydd yn gwasaneuthu yn y tabernacl i fwyta.

¹¹Canys yr anifeiliaid y rhai a ddwg yr archoffeiriad i’r cyssegr tros bechod, cyrph y rhai hynny a loscir o’r tu allan i’r gwersyll.

¹²Ac am hynny yr Iesu hefyd i sancteiddio’r bobl trwy ei waed ei hun, a ddioddefodd o’r tu allan i’r porth.

¹³Am hynny awn atto ef o’r tu allan i’r gwersyll, gan ddwyn ei wradwydd ef.

¹⁴O blegit nid oes i ni ymma ddinas barhaus, eithr yr ydym ni yn ceisio yr hon a fydd.

¹⁵Offrymmwn o blegit hynny yn oestadol trwyddo ef aberth moliant i Dduw, hynny yw, ffrwyth gwefusau, yn cyffessu ei enw ef.

¹⁶Nac anghofiwch gyweithasrwydd a chyfranniad, canys â chyfryw ebyrth y bodlonir Duw.

¹⁷Ufuddhewch eich preladiaid, ac ymddarostyngwch: o blegit gwilio y maent tros eich eneidiau chwi, megis rhai fydd rhaid iddynt roddi cyfrif, fel y gallant wneuthur hynny yn llawen, ac nid yn drist: canys difudd [fydde] hynny i chwi.

¹⁸Gweddiwch trosom ni: canys yr ydym yn hyderus fod gennym ni gydwybod dda ym mhob peth, gan chwennychu byw yn onest.

¹⁹Ond yr ydwyf yn helaethach yn dymuno gwneuthur o honoch hyn, i gael fy rhoddi i chwi trachefn yn gynt.

²⁰Duw yr heddwch yr hwn a ddug trachefn oddi wrth y meirw ein Harglwydd Iesu, bugail mawr y defaid, trwy waed cyfammod tragywyddol,

²¹A’ch gwnelo yn berffaith ym mhob gweithred dda, i wneuthur ei ewyllys ef, trwy weithio ynoch yr hyn sydd gymmeradwy yn ei olwg ef trwy Iesu Grist, i’r hwn y byddo gogoniant yn oes oesoedd. Amen.

²²Ac yr ydwyf yn attolwg i chwi ô frodyr goddefwch air y cyngor, o blegit ag ychydig [eiriau] yr scrifennais attoch.

²³Gwybyddwch ollwng ein brawd Timotheus yn rhydd, gyd â’r hwn, o daw efe ar fyrder yr ymwelaf â chwi.

²⁴Annerchwch eich preladiaid oll, a phawb o’r sainct, y mae yr Italiaid yn eich cyfarch chwi.

²⁵Grâs fyddo gyd â chwi oll. Amen. O’r Idal yr scrifennwyd hwn at yr Hebræaid gyd â Thimotheus.