Read William Morgan Bible 1588 original edition Hebræaid 4 Bible Online

Hebræaid 4 - William Morgan Bible 1588 original edition bible

Hebræaid 4

¹Bod y gair heb ffydd yn anfuddiol. 3 Sabboth neu orphywysfa y Christianogion, 6 Dialedd y rhai ni chredant. 12 Anian gair Duw. Ofnwn gan hynny, rhag vn amser trwy wrthod yr addewid i fyned i mewn iw orphywysfa ef, weled neb o honoch chwi yn gyffelyb iw siommi.

²Canys i ni y pregethwyd yr Efengyl fel iddynt hwythau, eithr ni thycciodd iddynt hwy y gair a glywyd, am nad oed wedi ei gyd-wascu â ffydd yn y rhai a’i clywsant.

³Canys yr ydym ni y rhai a gredâsom yn myned i mewn i’r orphywysfa, megis y dywedodd efe, fel y tyngais yn fy llid, na ddeuent hwy i mewn i’m gorphwyssa: cyd bai’r gwaith wedi ei berffeithio o amser gosodiad sail y byd.

⁴Canys am y seithfed dydd mewn man y dywedodd efe fel hyn: a gorphywysawdd Duw y seithfed dydd oddi wrth ei holl waith.

⁵Ac ymma trachefn, na ddeuent hwy i mewn i’m gorphwysfa.

⁶Gan fod hyn wedi ei adel yn ôl, fod rhai yn cael myned i mewn, a bod y rhai y pregethwyd yn gyntaf iddynt heb fyned o herwydd anghredyniaeth:

⁷Trachefn y mae efe yn pennu diwrnod gan ddywedyd trwy Ddafydd, heddyw, ar ôl cymaint o amser, megis y dywedwyd, heddyw o gwrandewch ei leferydd ef, na chaledwch eich calonnau.

⁸Canys pe Iosua a’i dugase hwynt i orphywysfa, ni sonniase efe am ddydd arall ar ôl hynny.

⁹Ac am hynny y mae rhyw orphywysfa wedi ei gadael yn ôl i bobl Dduw.

¹⁰Canys yr hwn a aeth i mewn iw orphywysfa, gorphwysodd hwnnw oddi wrth ei waith megis [y gorphwysodd] Duw oddi wrth yr eiddo yntef.

¹¹Ymroddiwn gan hynny i fyned i mewn i’r vn rhyw orphywysfa rhag syrthio o neb yn ôl yr vn siampl o anufudd-dod.

¹²Canys bywiol yw gair Duw, a nerthol ei waith, a llymmach nag vn cleddyf daufinioc, ac yn cyrhaeddyd hyd wahaniad yr enaid a’r yspryd, a’r cymmalau, a’r mêr, ac yn barnu meddyliau a bwriadau y galon.

¹³Ac nid oes vn creadur anamlwg yn ei olwg ef, eithr pob peth sydd yn noeth ac yn agored iw lygaid ef, am yr hwn yr ydym ni yn sôn.

¹⁴Am fod gan hynny i ni Arch-offeiriad mawr yr hwn a aeth i’r nefoedd, sef Iesu Mab Duw, daliwn [ein gafel] ar ein proffes.

¹⁵Canys nid oes i ni Arch-offeiriad, yr hwn nis dichon dosturio wrth ein gwendid ni, namyn a demptiwyd ym mhob peth yr vn modd, [eithr] heb pechod.

¹⁶Am hynny awn yn hydêrus at orseddfaingc y grâs fel y derbyniom drugaredd, ac y caffom râs yn gymorth cyf-amserol.