Read William Morgan Bible 1588 original edition Hebræaid 6 Bible Online

Hebræaid 6 - William Morgan Bible 1588 original edition bible

Hebræaid 6

¹Cyngor i gynnyddu yn ddianwadal, 18 Am fod Duw yn siccr yn ei addewid. Am hynny gan roddi heibio yr ymmadrodd sydd yn dechreu rhai yng-Hrist, awn rhagom at berffeithrwydd, ac na ossodwn eil-waith sail edifeirwch oddi wrth weithredoedd meirwon, a ffydd tu ag at Dduw.

²[Ac] am athrawiaeth bedyddiadau, a gosodiad dwylo, ac adgyfodiad y meirw, a’r farn dragywyddol.

³A hynny a wnawn ni, os canniadhâ Duw.

⁴Canys amhossibl yw i’r rhai a oleuwyd vn-waith, ac a brofasant y rhodd nefol, ac a wnaethbwyd yn gyfrannogion o’r Yspryd glân,

⁵Ac a brofasant o ddaianus air Duw, a rhinweddau y byd a ddaw:

⁶Os llwyr-syrthiant, adnewyddu trwy edifeirwch, gan eu bod hwynt drachefn yn croeshoelio iddynt eu hunain Fab Duw, ac yn ei osod ar watwar.

⁷Canys y ddaiar yr hon a yfo y glaw a fyddo yn mynych ddyfod arni, ac a ddygo lyssiau addas i’r neb drwy y rhai yr ydys yn ei llafurio hi, sydd yn derbyn bendith gan Dduw.

⁸Eithr yr hon a ddygo ddrain ac yscall, amharchus fydd, a chyfagos i felldith, ai diwedd fydd ei llosci.

⁹Eithr ô (rai annwyl) yr ydym yn coelio am danoch chwi, bethau sy well nâ hyn, ac [sydd] yng-lŷn ag iechydwriaeth er ein bod ni yn dywedyd fel hyn.

¹⁰Canys nid anghyfiawn yw Duw, fel y gollyngo tros gof eich gwaith a’r llafurus gariad a ddangosasoch tu ag at ei enw ef, y rhai a wasanaethasoch, ac ydych yn gwasanaethu y Sainct.

¹¹Ac yr ydym yn chwennych dangos o bob vn o honoch yr vn fath ddiwydrwydd er mwyn siccrhau gobaith hyd y diwedd.

¹²Fel na byddoch fuscrell, eithr yn ddilynwyr rhai trwy ffydd, ac ammynedd sy yn meddiannu yr addewidion.

¹³Canys Duw wrth wneuthur yr addewid i Abraham, lle ni alle efe dyngu i neb a fai fwy, a dyngodd iddo ei hun,

¹⁴Gan ddywedyd, yn wîr gan fendithio mi a’th fendithiaf, a chan amlhau mi a’th amlhâf

¹⁵Ac fell wedi iddo hir ymaros, efe a gafodd yr addewid.

¹⁶Canys dynion yn ddiau ydynt yn tyngu i vn mwy, [nâ hwynt eu hun] a diwedd pob ymryson ydyw llw iddynt er siccrwyd.

¹⁷Yn yr hwn beth Duw yn chwennychu yn helaethach ddangos i etifeddion yr addewid, ddianwadalwch ei gyngor ef, a ymrwymodd trwy lw.

¹⁸Megis trwy ddau beth disigl yn y rhai y mae yn amhossibl i Dduw fod yn gelwyddog, y gellem gael cyssur cryf, rhai a ffoasom i gael gafael yn y gobaith rhag-osodedic.

¹⁹Yr hwn sydd genym ni megis angor yr enaid yn ddiogel, ac yn siccr, ac yn myned hyd at yr hyn sydd o’r tu fewn i’r llen.

²⁰I’r man yr aeth y rhagflaenor trosom ni [sef] Iesu yr hwn a wnaethbwyd y n Arch offeiriad yn dragywyddol ar ôl vrdd Melchi-sedec.