Read William Morgan Bible 1588 original edition Hebræaid 7 Bible Online

Hebræaid 7 - William Morgan Bible 1588 original edition bible

Hebræaid 7

¹Cyffelybiaeth rhwng offeiriadaeth Crist a Melchisedec. Canys y Melchi-sedec hwn brenin Salem [ydoedd] offeiriad Duw goruchaf, yr hwn a ddaeth i gyfarfod ag Abraham wrth ddychwelyd o ladd y brenhinoedd, ac a’i bendigodd ef:

²I ba vn y cyfrannodd Abraham ddegwm o bob peth: yr hwn yn gyntaf yn wir wrth gyfieithiad [yw] brenin cyfiawnder: wedi hynny hefyd brenin Salem, yr hyn yw brenin heddwch,

³Heb dâd, heb fam, heb genedl heb fod iddo na dechreu dyddiau na diwedd enioes: eithr yn gyffelyb i Fab Duw, y mae yn aros yn offeiriad yn dragywydd.

⁴Edrychwch chwithau faint oedd hwn i’r hwn y rhoddodd Abraham y patriarch ddegwm o’r anrhaith.

⁵A’r rhai yn wir sy o feibion Lefi yn derbyn swydd yr offeiriadaeth, y mae ganddynt orchymyn i gymmeryd degwm gan y bobl, ar ôl y gyfraith (sef gan eu brodyr) er eu bod wedi dyfod o lwynau Abraham.

⁶Eithr yr hwn ni hanoedd ei genhedlaeth o honynt hwy, a gymmerodd ddegwm gan Abraham,) ac a fendigodd yr hwn yr oedd yr addewid iddo.

⁷Ac yn ddiddadl y lleiaf a fendithir gan [ei] well.

⁸Ac ymma dynion y rhai sy yn meirw, sy yn cymmeryd degwm: eithr yno yr hwn y testiolaethwyd am dano ei fod efe yn fyw.

⁹Ac (o ddywedyd fellŷ) yn Abraham y talodd Lefi yntef hefyd ddegwm, yr hwn [oedd] dderbyn-wr degwm,

¹⁰O blegit yr ydoedd efe etto yn llwynau ei dad, pan gyfarfu Melchi-sedec ag ef.

¹¹Os ydoedd gan hynny berffeithrydd trwy offeiriadaeth Lefi (o blegit tann honno y rhoddwyd y gyfraith i’r bobl) pa ham [yr oedd] yn rhaid mwyach godi offeiriad arall, ar ôl vrdd Melchi-sedec, ac nas gelwid ef ar ôl vrdd Aaron?

¹²O blegit yn wir wedi newidio yr offeiriadaeth, rhaid oedd fod newidiad ar y gyfraith hefyd.

¹³O blegit am yr hwn y dywedir hyn, efe a berthyn i lwyth arall, o’r hwn nid oes neb yn gwasaneuthu yr allor.

¹⁴Canys hyspus yw mai o Iuda y mae ein Harglwydd ni yn dyfod, am yr hwn lwyth ni ddywedodd Moses ddim tu ag at offeiriadaeth,

¹⁵Ac etto y mae hyn yn eglurach o lawer, os ydyw offeiriad arall yn codi ar ôl cyffelybrwydd Melchi-sedec,

¹⁶Yr hwn nid wrth gyfraith y gorchymyn cnawdol ei gwnaethbwyd [yn offeiriad,] eithr wrth rym y bywyd didrangedic.

¹⁷O blegit y mae efe yn testiolaethu fel hyn, canys offeiriad wyt ti yn dragywydd ar ôl vrdd Melchi-sedec.

¹⁸Canys yn ddiau fe a wnaed diddymmiad ar y gorchymyn, yr hwn oedd o’r blaen o herwydd ei lescedd a’i afles.

¹⁹O blegit ni pherffeithiodd y gyfraith ddim namyn dyfodiad gobaith gwell, trwy yr hwn yr ydym ni yn nesau at Dduw.

²⁰Ac yn gymmaint nad heb lw:

²¹(O blegit hwynt hwy a wnaethbwyd yn offeiriaid heb lw, a hwn, a wnaethbwyd â llw gan yr hwn a ddywedodd wrtho, yr Arglwydd a dyngodd, ac ni bydd edifar ganddo, ti wyt offeiriad yn dragywydd, yn ôl vrdd Melchi-sedec)

²²Ar destament gwell o hynny y gwnaethbwyd Iesu yn fachniudd.

²³A mwy o honynt hwy a wneid yn offeiriaid am i farwolaeth luddio iddynt barhau.

²⁴Eithr hwn am ei fod yn perhau yn dragywydd y mae iddo ef offeiriadaeth dragywyddol.

²⁵Am hynny efe a ddichon hefyd yn gwbl iachau y rhai trwyddo ef sy yn dyfod at Dduw am ei fod efe yn byw bob amser i eiriol trostynt hwy.

²⁶O blegit y cyfryw Archoffeiriad sanctaidd, diddrwg, dihalog, didoledig oddi wrth bechaduriaid, ac wedi ei wneuthur yn bwch nâ’r nefoedd oedd weddus i ni:

²⁷Yr hwn nid oedd raid iddo beunydd, megis i’r offeiriaid [hynny] yn gyntaf tros ei bechodau ei hun offrymmu aberthau, wedy hynny tros [bechodeu] y bobl: canys hynny a wnaeth efe vn-waith gan ei offrymmu ei hun.

²⁸Canys y gyfraith sydd yn gosod dynion yn arch-offeiriaid a gwendid ynddynt: eithr gair y llw yr hwn fu wedi y gyfraith, sy ’n gwneuthur y Mab yr hwn a berffeithiwyd yn dragywydd.