Read William Morgan Bible 1588 original edition Hebræaid 9 Bible Online

Hebræaid 9 - William Morgan Bible 1588 original edition bible

Hebræaid 9

¹Y modd y deleuir ceremoniau, ac ebyrth y ddeddf, gan dragywyddoldeb a pherffeithrwydd aberth Crist. Am hynny yn wîr yr ydoedd hefyd i’r tabernacl cyntaf ceremoniau crefydd a chyssegr bydol.

²O blegit y tabernacl oedd wedi ei wneuthur, y cyntaf, yn yr hwn yr oedd y canwyllbren, a’r bwrdd, a’r bara gosod yr hwn [dabernacl] a elwid y cyssegr.

³Yn ôl yr ail llen yr oedd y tabernacl yr hwn a elwid y cyssegr sancteiddiolaf,

⁴Lle yr oedd y thusser aur, ac Arch y cyfammod wedi ei goreuro o’i hamgylch, yn yr hon yr oedd y crochan aur a’r manna ynddo, a gwialen Aaron, yr hon a flagurase, a llechau y cyfāmod.

⁵A goruwch honno Cerubiaid y gogoniant yn cyscodi y drugareddfa, am y rhai ni ellir yn awr dywedyd yn nailltuol.

⁶Wedi trefnu hyn felly, i’r tabernacl cyntaf yn ddiau yr ai bob amser yr offeiriaid y rhai oeddynt yn cyflawni y gwasanaeth.

⁷Ac i’r ail vnwaith bôb blwyddyn yr ai yr arch-offeiriad yn vnic, nid heb waed yr hwn a offrymme efe trosto ei hun, a thros annwybodaeth y bobl.

⁸Trwy fod yr Yspryd glân yn arddangos hyn, nad oedd y ffordd i’r cyssegr yn agored etto tra fydde y tabernacl cyntaf yn sefyll.

⁹Yr hwn ydoedd gyffelybiaeth tros yr amser presennol, yn yr hwn yr offrymmid rhoddion, ac aberthau, y rhai ni allent berffeithio yr addoludd ar ran cydwybod,

¹⁰Yn vnic mewn bwydydd a diodydd, ac amryw olchiadau, a deddfau cnawdol, y rhai a osodasid hyd amser y diwygiad.

¹¹[2] Eithr Crist yn dyfod yn Arch-offeiriad y daioni a fyddent rhag llaw, trwy dabernacl mwy a pherffeithiach, nid o waith dwylo, hynny yw, nid o’r adailadaeth ymma,

¹²Nid chwaith trwy waed geifr a lloi: eithr trwy ei waed ei hun yr aeth efe vn waith i mewn i’r cyssegr, ac a gafas dragywyddol ollyngdod o gaethiwed.

¹³O blegit os ydyw gwaed teirw, a geifr a lludw anner wedi ei danu ar y rhai halogedig yn sancteiddio puredd y cnawd,

¹⁴O ba faint mwy, y pura gwaed Crist (yr hwn trwy yr Yspryd tragywyddol a’i offrymmodd ei hun yn ddifai i Dduw) eich cydwybod chwi oddi wrth feirwon weithredoedd, i wasaneuthu y Duw byw?

¹⁵Ac am hynny y mae efe yn gyfryng-wr, y cyfammod newydd, megis trwy fod marwolaeth yn ymwared oddi wrth y camweddau y rhai oeddent tann y cyfammod cyntaf, y derbynie y rhai a alwyd yr etifeddiaeth dragywyddol.

¹⁶[3] O blegit lle bydd testament, rhaid yw digwyddo marwolaeth y testament-wr.

¹⁷Canys o’r meirw y caiff y testament ei rym: o blegit nid oes nerth ynddo tra fyddo byw y testament-wr.

¹⁸O ba achos ni chyssegrwyd y cyntaf heb waed.

¹⁹Canys wedi traethu o Moses y gorchymyn oll i’r bobl yn ôl y gyfraith, efe a gymmerodd waed lloi a geifr, gyd â gwlân porphor, ac Ysop, ac ai taenellodd ar y llyfr, a’r bobl oll,

²⁰Gan ddywedyd, hwn yw gwaed y testament, yr hwn a orchymynnodd Duw i chwi.

²¹Y tabernacl hefyd a holl lestri y gwasanaeth a daenellodd efe â gwaed yr vn modd,

²²A phob peth gan mwyaf wrth y gyfraith a burid trwy waed, ac heb ollwng gwaed nid oes maddeuant.

²³Am hynny angenrheidiol ydoedd i bortreiadau y pethau sy yn y nefoedd gael eu puro â’r pethau hyn: a’r pethau nefol eu hunain ag aberthau gwell nâ’r rhai hyn.

²⁴Canys nid i gyssegr o waith llaw yr aeth Crist yr hwn sydd bortreiad i’r gwir gyssegr: eithr efe a aeth i’r nefoedd i ymddangos yn awr ger bron Duw trosom ni.

²⁵Ac nid iw offrymmu ei hun yn fynych fel y mae yr arch-offeiriad yn myned i mewn i’r cyssegr bob blwyddyn a chanddo waed dieithr.

²⁶Pe amgen rhaid fuase iddo ddioddef yn fynych o ddechreuad y byd, eithr yn awr vn-waith yn niwedd y byd yr ymddangoses efe i ddeleu pechod trwy ei aberthu ei hun.

²⁷Ac megis y gosodwyd i ddynion farw vnwaith, ac yn ôl hynny bod barn,

²⁸Felly Crist hefyd a aberthwyd vn-waith i ddwyn pechodau llawer, yr ail waith heb pechod yr ymddengys efe i’r rhai sy yn ei ddisgwil er iechydwriaeth.